mánadagur 18. november 2019síða 20

Mánadagur 18. november 2019 · Nr. 133 20 Sosialurin Hugskot og viðmerkingar – send sms til 225000 FÓTBÓLTUR Tróndur Arge – Friends Arena, Solna Føroyska landsliðið skal í kvøld spæla seinasta EM-landsdyst á hesum sinni, tá Føroyar skulu takast við Svøríki. Tað er somikið kalt í Stokkhólmi, at dysturin verður spældur undir taki á stásiliga leikvølliunum, Friends Arena. Tað er lutfalsliga heitt undir takinum, tá spælararnir koma á vøllin. Lagið er avbera gott. Tað er ein avtala í hópinum, at tá sunnudagurin byrjar, er dysturin í Norra gloymdur. Á tíðindafundinum er enn eina ferð ongin áhugi fyri føroyska liðnum. Hetta er seinastu ferð, at Lars Olsen og Atli Gregersen eru á tíðindafundi fyri Føroyar á hesum sinni. Teir eru ikki so prátingarsamir, sum teir onkuntíð kunnu verða. Tað er okkurt við einum tíðindafundi, sum ger at tað verður prátað minni, men løtu seinni verður latið upp fyri kenslum og tankum, tá fjølmiðlarnir gera samrøður. Tað er ein breið semja um, at avrikið móti Norra var vánaligt, og at avrikið í dag skal verða nógv betri. Tað verður tosað minni um hetta sum ein farvæl-dyst, men meiri sum ein dyst, har landsliðið skal reisa seg aftur. Sølvi inn á miðjuna Tað er verri at lesa liðið millum tveir landsdystir í einum landsliðsumfari. Tað er sum so bara tann eina venjingin, har allir luttaka. Tað er venjingin á leikvøllinum dagin undan dystinum. Hon er ikki so taktiskt, at alt verður avdúkað á vøllinum. Odmar Færø venur ikki við, tí hann hevur ein skaða í øklinum á høgra fóti. Lars Ol­ sen sigur at hann spælir ikki, og tí skal nýggjur maður í verjuna. - Vit hava nú tveir møgu­ leikar. At seta Andrias H. Erik­ sen inn í miðverjuna, ella at flyta Rógva Baldvinsson aftur, og flyta Sølva Vatnhamar mitt á miðjuna. Eg havi ikki tikið av­gerð um tað enn, sigur Lars Olsen. Sosialurin hevur skilt, at tað er meiri sannlíkt at Sølvi Vatnhamar verður fluttur inn miðjuna saman við Brandi Hendriksson, meðan Rógvi Baldvinsson verður fluttur aftur í miðverjuna. Síðani kemur Klæmint A. Olsen inn í álopið, meðan Jóan Símun Edmundsson spælir á høgra vongi fyri Sølva Vatn­ hamar. Tað tykist eisini greitt, at Vilj­ormur Davidsen vinnur pláss­ið á vinstra vongbakki aftur. Hann avloysir Ára M. Jóns­son. Gunnar Nielsen, Atli Gregersen, Heini Vatnsdal, Gilli Rólantsson, Brandur Hendriks­ son og Jóannes Bjartalíð halda fast í sínum plássum. Svenskarir gera fleiri broytingar Svøríki hevur vunnið seg víðari pláss til EM-endaspælið. Svenski landsliðsvenjarin, Janne Andersson, segði á tíðinda­fundinum, at hann væntar at gera til seks til 11 broyt­ingar á liðnum til hendan dystin. - Tað eru ikki lættir dystir í fót­bólti. Vit fara at fyrireika okk­um til hendan dystin sum til allar aðrar dystir. Tað verða kanska nakrar broytingar, men vit takla hendan dystin sum ein hvønn annan dyst, sigur Janne Anderson. Svøríki kann við einum stór­sigri vinna seg upp í triðja styrkisbólkin til EM 2020 endaspælið, men lands­liðs­ venjarin vil ikki tosa um stór­ sigur. - Um vit kunnu vinna dystin við 1-0, so skulu vit vinna 1-0, og kunnu vit vinna 3-0, so skulu vit tað. Styrkismetingin til EM avhongur eisini av úrslitinum í hinum dystunum, so vit hugsa bara um at vinna dystin í fyrstu atløgu, sigur Janne Anderson. Sambært svenska blaðnum, Aftonbladet verður tað bara mið­vallarin, Kristoffer Olsson sum fær afturval frá liðnum sum byrjaði inni móti Rumenia í Bukarest og vann 2-0. Hetta er seinasti lands­dyst­ urin hjá Lars Olsen, men hann heldur fast við, at hann ikki ætlar at deila nakrar gávur út. Honum dámar illa at gera ov nógvar broytingar. Hann heldur ikki at tað ber til at skifta eitt hálvt lið millum dystirnar, sjálvt um hetta er hansara seinasti. Aftur til tað gamla Føroyska liðið hevur latið óvan­liga nógv mál inn í hesi undan­kappingini. Fimm ferðir hevur mótstøðuliðið skorar fýra mál. Tvær ferðir Spania og so Norra, Svøríki og Rumenia. Hartil hava vit eisini tapt 3-0 móti Rumenia. Lars Olsen sigur til venj­ ingina á Friends Arena, at hansara størsta ynski er eitt gott avrik og at vit halda málið reint. Han heldur ikki, at vit skulu bara gúppa vekk, men mælir til at finna røttu javn­ vágina millum at spæla seg úr trupul­leikum, og at rudda bóltin vekk, tá vit koma undir trýst. Atli Gregersen, liðskipari á landsliðnum, er heldur eisini fyri, at nú skal føroyska liðið verja við øllum, sum tað hevur. Hann sigur millum annað, at menn mugu heldur ikki vera ræddir fyri at sparka bóltin útav og bróta rútmuna hjá svenskarum. -Merkið skal brenna í eygunum, sum Páll Guðlagus­ son hevði sagt, sigur Atli Gregersen. Jóan Símun Ed­munds­son vónar eisini, at føroyska lið­ ið finnur aftur til gomlu­dygdirnar, har verjuspælið er í hásæti. Og hann er sinnaður at sveitta blóð. - Motivatiónin hevur ongan­ tíð verið hægri, og vit hava allan dagin at lada upp. Svensk­arar tosa um at gera nógvar broytingar, meðan vit skulu aftur til góðu gomlu dygdir­nar og kanska spæla eitt sindur meiri primitivt. Vit skulu verða í øllum tvídystunum og stríð­ ast til vit sveitta blóð, sigur toftamaðurin og leggut at enda afturat: - Tað handlar um avrikið. Vit skulu simpulthen út at vísa okkum frá okkara bestu síðu. Og so skulu vit kempa og kempa, og so fáa vit at síggja hvussu langt tað røkkur, sigur Jóan Símun Edmundsson. Í kvøld fáa vit at síggja um tað røkkur til eina takkargávu til Lars Olsen og Atla Greger­ sen. trondur@sosialurin.fo Fótbóltur Dysturin hesa vikuna... Svøríki-Føroyar: SPÆLA UNDIR TAKIÐ Tað er somikið kalt í Stokkólmi, at dysturin millum Svøríki og Føroyar verður spældur undir taki á stásiliga leikvølliunum, Friends Arena. Tað eru seld 22.600 atgongumerki til dystin, væntandi verða um 25 túsund áskoðarar. - Tað er ikki so galið til eitt mánakvøld móti Føroyum, sum við allari virðing, ikki er tiltrekkjur fólk á sama hátt sum Spania, sigur svenski landsliðsvenjarin, Janne Anderson. Atli Gregersen og Lars Olsen takka fyri seg á føroyska landsliðnum í kvøld á Friends Arena móti Svøríki. Tveir liðskiparar takka fyri seg í mótvindi, men nú er málið at fáa ein góðan enda á eina annars misjavna tíð EITT SEINASTA EITT SEINASTA FARVÆL FARVÆL - Í MÓTVINDI - Í MÓTVINDI