týsdagur 19. november 2019síða 28

Mikudagur 20. november 2019 4 Sosialurin Bókajól 365 DAGA UMBÝTINGARGARANTI Hevur tú keypt vøruna í Rit&Rák, og fingið umbýtingarmerki á, kanst tú, um vøran er óskalað og í upprunaligum pakningi, býta um í 365 dagar eftir, at vøran er keypt. Rit & Rák í SMS . Tlf. 603030 . ritograk@ritograk.fo . www.ritograk.fo SØGUSAMSTARVIÐ BYRJAÐI Í LUNDALANDINUM Í MYKINESI Vár Berghamar Jacobsen hevur verið hugtikin av lundanum, síðan hon var smágenta. Triðju ferð hon vitjaði lundalandið í Mykinesi, bleiv dreymurin um at skriva eina barnabók um lundar til veruleika. V ár Berghamar Jacobsen er ein teirra, sum í heilt serligan mun hevur brent fyri føroyskum mentanartilfari til børn. Í 2018 kom fyrsta barnabók hennara Luddi & Lundisa út, og sama ár fekk hon eisini Barnamentanarvirðisløn Tórshavnar Býráðs. Serligi áhugin fyri lundum byrjaði longu, tá Vár sum smágenta hoyrdi abba sín siga frá lundanum í Lítla Dímun. Nøkur ár seinni var hon tó so heppin at sleppa út í lundalandið í Mykinesi fyri fyrstu ferð. Tað var nakað heilt serligt at hoyra eyðkendu áanina innan úr holuni og at síggja gongulagið, litirnar og forvitna eygnabráið í lundanum, greiðir Vár frá. Sum vaksin var hon aftur í Mykinesi, og tá byrjaði hugurin at skriva um lundapisurnar. Hon slepti ongantíð ætlanini um at skriva eina barnabók um lundarnar, og tá hon nøkur ár seinni fyri triðju ferð vitjaði í Mykinesi, bleiv hugskotið av álvara skotið í gongd. Tí mitt í lundalandinum møtti hon italska mynd­prýð­ ar­anum Deliu Ciccarelli, sum var eins hugtikin av lundunum sum Vár. Hetta var eisini triðja ferðin hjá Deliu í Mykinesi, og tað vísti seg, at tær báðar høvdu verið har úti, júst tey somu árini. Triðju ferð møttust tær og fóru undir sam­ starvið um myndabøkurnar. Síðani byrjaði ein long tilgongd, Vár í Før­ oy­um og Delia í Italia, har tær samskiftu um lyndiseyðkenni, útsjónd og søgugongd. Úrslitið var, at fyrsta bókin Luddi & Lundisa kom út í 2018 á Bókadeild Føroya Lærarafelags, og bókin varð sera væl móttikin. Í summar kom onnur bókin, Luddi & Lundisa spegla sær, har vit aftur sleppa at síggja heimin úr forvitnisliga lunda­ sjón­arhorninum. Henda dagin er sjógvurin spegils­blankur, og lundapisurnar síggja seg sjálv­ar og heimin rundan um seg speglast. Í hesi bókini fara lundapisurnar eisini fyri fyrstu ferð veruliga út at flúgva. Vár hevur lagt seg eftir at fáa sjónarhornið hjá barninum fram, sum er nýtt í verðini og upplivir og sær so nógv fyri fyrstu ferð. At dvølja við, hvussu fantastiskur heimurin, sum vit vaksnu eru so von við, í veruleikanum er. Vár greiðir frá, at hóast søgan er einføld, so eru mong løg til staðar í henni. Eins og Vár og Delia hittust í lundalandinum, hittast Luddi og Lund­ isa eisini og gerast vinir. - At møta onkrum, sum at byrja við er fremm­andur, men síðani kann blíva ein góður vinur. Tað er rættiliga fantastiskt. Tað er ikki so lætt hjá øllum at finna vinaløg, men viðhvørt skal man bara taka av møguleikanum, sum er beint framman fyri sær. MÍN JÓLABÓK Fyri einans 220,-