hósdagur 21. november 2019síða 2

Tórshavn Tórsgøta 1, 100 Tórshavn tel. 341800, post@sosialurin.fo Suðuroy tel. 375364, tel. 228814, aki@sosialurin.fo, dagfinn@sosialurin.fo Haldarar, sum ikki hava fingið blaðið, kunnu ringja tel. 341818 frá kl. 8.00 til 20.00 og boða frá. Útgevari: Sp/f Sosialurin Uppseting: Sosialurin Avgreiðsla: mán - frí kl. 08.00 - 16.00 Tel. 341800 www.sosialurin.fo Ábyrgdarblaðstjóri: Eirikur Lindenskov eirikur@sosialurin.fo Tíðindaleiðari: Hallur av Rana hallur@sosialurin.fo Fyritaksstjóri Jonhard Hammer jonhard@sosialurin.fo Marknaðardeild lysing@sosialurin.fo Stovnaður: 1927 Prent: Prentmiðstøðin 22. NOVEMBER 2019 Tað var væntandi, at Løgtingið fór at venda tummilin niður til ætlanirnar hjá Jen­isi av Rana um at stovna føroyska send­i­stovu í Jerusalem og at viðurkenna Je­r­usalem sum høvuðsstað Ísraels. Tað var longu greitt hendan dagin, tá sam­gonguskjalið varð undirskrivað, at boð­skap­urin frá landsstýrismanninum í utt­an­ríkismálum ikki fór at verða tikin í álv­ara. Løgmaður fekk seg ikki til at rætt­leiða komandi landsstýrismannin, men skund­aði sær víðari til næsta spurning frá fjøl­miðla­fólk­unum. Ikki fyrr enn uttanríkisráðharri okk­ ara segði somu orð við danskar miðlar varð boð­skap­urin tikin í álvara av sam­ gong­u­feløgum, sum mótmæltu. Og tá dansk­ir mið­lar spyrja, so mátti løgmaður eis­ini út at forklára seg við, at her er tal­ an um mál, sum ikki er viðgjørt í sam­ gong­uni enn. Tann viðgerðin hevur framvegis ikki ver­ið, men verður helst í komandi viku, um málið ikki doyr burtur av sær sjálv­ um. Eitt er so tað, at eingin hevur tikið Jen­is av Rana fyri fult við Jerusalem- ætl­an­ini. Men tað sum kanska er enn verri er, at nú tykiskt ikki ein gong vera meir­i­luti fyri at seta á stovn sendistovu í Ís­ra­el í heila tikið. Rumblið um sendistovuna er komið stak illa við hjá løgmanni, sum júst hevur havt fund­ir við Mette Frederiksen, for­sæt­is­ráð­frú, um víðari heimildir til Før­oy­ar á uttanríkispolitiska økinum. Hetta rumbl­ið styrkir ikki tað álitið. Tað tykist rímuliga greitt, at tað hvørki er eitt handilsligt ella diplomatiskt end­a­mál við hesi sendistovu. Endamálið er av á­trún­ aðarligum slag. Eisini tykist tað ikki sørt rangvørt, at Sam­bands­flokkurin av øllum nú gongur á odda at stovna sendistovur kring knøtt­in, har vit eingi handilssambond hava – flokkurin, sum hevur tvíhildið um, at hetta kann greiðast við danska send­i­stov­u­netinum, men ofta etur hund­ur tað, hann havnar. Provokatiónin hjá lands­stýr­i­s­mann­i­ num gjørdist í staðin ein boomerangur – men kanska løgmaður fer at royna at seta seg í respekt aftur á Christiansborg við at broyta ísraelsætlanina til eina send­i­stovu í Washington ella í New York. Gjørdist provokatiónin boomerangur? Oddagrein Eirikur Lindenskov ábyrgdarblaðstjóri Fæst til keyps kring landið! FØROYSKUR Á 224 síðum taka vit saman um fótbóltsárið 2019. Í bókini kanst tú lesa alt um Betri- deildina hjá monnum, vit meta um avrikini hjá øllum liðunum og kjósa profilar og stjørnuskot á liðunum. Vit umrøða eisini Betri-deildina hjá kvinnum og greina avrikið hjá meistaraliðnum. Í bókini kanst tú eisini lesa um øll landsliðini hjá FSF, um europeisku dystirnar hjá feløgunum, um útisetar, um steypakappingarnar hjá monnum og kvinnum, og vit hava myndir av øllum føroyameistarum og steypavinnarum.