týsdagur 26. november 2019síða 14

Mikudagur 27. november 2019 · Nr. 137 14 Sosialurin Hugskot og viðmerkingar – send sms til 225000 TÍÐINDI Frants Jensen – Vaðhorn er størsta arbeiðs­pláss í bygdini, har tað eru um 70-80 ársverk. Har eru tørvur á at fáa betri havnarviðurskifti. Kaiin er gomul, og tørvur er á at fáa fleiri fermetrar og umstøður annars, sigur Artur Johansen, borgar­stjóri í Sjóvar kommu­nu. Arbeiðið á havnar­lag­ num á Hulki byrjaði fyrr í ár. Norðanfyri verður sprongt, og grótið verður nýtt at fylla út niðan­fyri Vaðhorn, so at bryggj­an verður størri. Borgar­ stjórin vísir á, at gomlu kaiirnar eru frá 50-unum og 60-unum, og tørvur er á at fáa betri umstøður. Tað er eisini alt ov grunt, og tí fáa størri skip ikki lagt at. – Átta milliónir krón­ ur eru settar av, so at arbeiðið kann gerast liðugt komandi ár. Vit fáa eitt øki á 2500 fer­ metrar afturat norðan­ fyri Vaðhorn og 2.000 fer­metrar niðanfyri Vað­ horn. Kaiin fer 20 metrar longur út, og hon verður 107 metrar longd. Tá fáa vit eitt dýpi, sum er 10 til 12 metrar, sigur Artur Johansen. Tað er Sp/f Rókin, ið ger arbeiði. Viðlíkahald og hegn á Selatrað Kommunan fer eisini at gera fleiri smærri íløgur kom­andi ár. Suðursíðan á skúlanum í bygdini er klødd, men nú skal norðursíðan klæðast, og nøkur vindeygu skulu skift­ast. Ymiskt størri við­líka­ hald skal eisini gerast við bygdar­húsið og kom­ munu­skrivstovuna. Á Selatrað skal hegn setast upp, so at seyður ikki sleppur til hús og vegir. – Vit hava hegnað í hinum bygdunum, men nú er bara Selatrað eftir. Bygdin verður tó ikki vetrar­friðað, sigur Artur Johansen. Útstykkingar Sjóvar kommuna hev­ur útstykkjað nokk so fitt seinnu árini. 11 grund­ stykki á Fríðu­fløt­um og 42 á Hálsatjørn. Út­stykk­ ingin á Hálsatjørn verður liðug komandi ár. – Øll stykkini á Fríðu­ fløt­um eru seld. Fólk bíða eftir byggifyritøkunum fyri at koma í gongd við sjálva byggingina. Á Hálsatjørn eru øll stykk­ ini umbiðin. Tey, sum høvdu áhugað, rindaðu eitt depositum á 30.000 krónur. Í januar komandi ár byrjar sølutilgongdin til hesi stykkini, sigur borgarstjórin. Hann vísir á, at talan er bæði um borgarar úr kommununi, ið ætla at byggja á Strondum, men at tað eisini eru av­ bygdarfólk, ið ynskja at flyta til Strendur. – Vit útstykkja eisini nakað eftir tørvi í minnu bygd­unum, til dømis á Selatrað og Innan Glyvur, sigur Artur Johansen. Fríkort Eins og hinar kom­mun­ ur­nar við Skálafjørðin, Runa­víkar og Nes komm­ ur, so fer Sjóvar kom­ muna eisini at geva børn­um og ungum í kom­mununi eitt fríkort, áljóð­andi 2000 krónur fyri hvørt barn og ung í kommununi. Tað kann nýtast at taka lut í frí­ tíðar­virksemi. – Vit vilja fegin vera við í hesum fríkortinum, eins og hinar kommunurnar kring Skálafjørðin, so at øll børn og ung í kom­ mununi fáa høvi at vera við í frí­tíðar­virk­semi. Vit fara at tosa nærri við hin­ ar kommunurnar í øki­ num, hvussu vit skipa tað best, sigur Artur Johan­ sen. Borgarstjórin sær fram ímóti, at Eystur­oyar­ tunnilin letur upp. – Nú er ikki so nógv virk­semi við tunnilin, sum tað hevur verið. Men vit eru sera spent, til hann letur upp, sigur Artur Johansen. Fíggjað við láni Kommunan væntar, at inntøkur komandi ár vera góðar 55 milliónir krónur, meðan útreiðslurnar vera næstan 52 milliónir krón­ ur. Kommunan væntar at rinda 5,15 milliónir krónur í avdráttum. Íløgur verða gjørdar fyri 21,25 milliónir krónur. Roknað verður við einum halli á 23,325 milliónir krónur. – Kommunan hevur umleið 20 milliónir krón­ ur í láni í dag. Vit mugu um­fíggja eitt sindur og taka lán fyri at fíggja tað, sum skal gerst, sigur Artur Johansen. Skattaprosentið í Sjóv­ar kommunu verð­ ur óbroytt, nevni­liga 21 prosent. Barna­frá­drátt­ urin er eisini óbroyttur, nevni­liga 7.000 krónur fyri barnið. Barnagarðsg jøldini eru eisini tey somu, men rindað verður bara fyri fyrsta og næsta barnið, meðan triðja barnið er ókeypis. frants@sosialurin.fo HAVNAR­ÚT­ BYGGINGIN Á HULKI LIÐUG KOMANDI ÁR Mánakvøldið samtykti Sjóvar kommuna fíggjarætlanina fyri 2020. Høvuðsíløgan er at gera havnina á Hulki og økið kring um liðugt. Tá fáa størri skip lagt at, og havnarøkið verður munandi størri Havnin á Hulki verður nú bygd út, so at tilsamans 4.500 fermetrar vera afturat á havnarlagnum, og dýpi verður um 10 til 12 metrar, so at størri skip eisini kunnu leggja at Artur Johansen, borgarstjóri í Sjóvar kommunu