hósdagur 28. november 2019síða 4

FRÍGGJADAGUR 29. NOVEMBER 2019 SOSIALURIN 138 4 Vikan ið fór Sæð á Facebook: Sæð á Facebook: Ein ungur maður er dømdur 1 ár og tríggjar mánaðar fongulsrevsing fyri neyðtøkuroynd, eina røð av herverki og rúsdrekkakoyring. Eiðis kommuna hevur eins og aðrar kommunur samtykt, at børn og ung fáa eitt frítíðarkort við 2.000 krónum um árið. Hagstovan staðfestir, at menn ikki fara líka ofta til lækna sum kvinnur. Í mánadagssosialinum vistu vit, at 20 kvinnur og 233 menn í Tórshavnar kommunu tjena yvir eina millión krónurum árið. Listasavn Føroya er í kreppu og rópar neyðarróp eftir hægri játtan til umvælingar. Nú verður eingin go- cart koyring meiri uppi á Skarðsjalla. Meirilutin í Tórshavnar Býráð ætlar nevniliga at selja stykkini, har go-cart breytin er. Men hesum mótmæla fleiri á Facebook. Black Friday MEST NÝTTA ORÐIÐ HESA VIKUNA ...uppá ein minutt Tað eru 120 ár síðani at Føroya Fólkaháskúli varð stovnaður. Fríggjadagin 29. november verður stórt hátíðarhald, har tað m.a. verður hugleitt um tær báðar undangingukvinnurnar á háskúlnum, Onnu Soffíu Rasmussen og Sannu av Skarði. 120 120 Sprotin: (sø.): the Black Friday svarti fríggjadagur Nú fríggjadagin er Black Friday, sum er dagurin hjá handlunum. Black Friday byrjaði í 60’unum, tá fleiri handlar byrjaðu at broyta upplatingartíðirnar fyri at hava longri opið um kvøldarnar við bíligum vørum. Í 1980’unum gjørdist hetta siðvenja, og fleiri byrjaðu at síggja hesa nýggju siðvenjuna sum ein óalmennan halgidag, har mann hugnar sær við vinum og familju og fer út at keypa. Men tað eru ikki øll, sum eru fegin fyri hendan dagin. Innkeypsdagurin verður av fleiri sæddur sum óneyðugur og oyðileggjandi, tí tað er eingin loyna, at forbrúkaramentanin hjá okkum menniskjum er ein stór avbjóðing fyri umhvørvið. Tí kalla summi dagin fyri "Buy Nothing Day" og keypa tí einki hendan dagin. "At landsstýrið ikki eingongd vil seta pengar av til eitt barnaheim umgangandi, vísir væl, hvussu høga raðfesting bústaðarviðurskiftini fara fáa komandi árini" "Hvussu nógvir dreingir eru í Danmark? Tveir - Dan og Mark!" Ongin kann væl longur ivast í, at áhugin fyri Føroyum er vaksandi uttanlands. Dømini eru heilt greið í Sosialinum í dag. Donald Trump, sum er amerikanskur forseti, hevur fingið sendikvinnu sína í Keypmannahavn at senda blaðnum eina tíðargrein, sum er beinleiðis rættað til Føroya Tele og okkara politisku skipan. Amerikanski boðskapurin er ikki at misskilja: vit skulu als ikki lata kiversku fyritøkuna Huawai sleppa at veita útgerð til komandi 5G-netið í Føroyum. Tá ið tað er amerikanska sendikvinnan í Keypmannahavn, sum sendir ein so greiðan boðskap hendan vegin, so er tað tí at hon hevur fingið boð um hetta beinleiðis úr Hvítu Húsunum í Washington. Ája! Hitti dømi er, at danska stjórnin hevur sent danska uttanríkisráðharran hendan vegin. Hann hevði eisini ein greiðan boðskap við sær. Føroyar og Danmark skulu arbeiða tættari saman, serliga tá ið tað snýr seg um trygdar- og verjupolitikk. Tað sum er óvanligt í hesum er, at nú vil Danmark sjálvt draga okkum nærri at sær og lata okkum fáa tær upplýsingar, sum ongin hevur viljað latið okkum í nógv ár. Nú verður eitt samskiftisrúm bygt, har trygdin er nóg høg og føroyskir politikkarar og embætisfólk skuiu trygdargóðkennast, so vit eru før fyri at taka ímóti loyniligum upplýsingum. Alt hongur saman við at maktjavnvágini sum broytist og at okkara lítla oyggjaland er ein partur av Arktis. Her, sum so manga staðni, kann ein siga: fylg pengunum, tí tað er har áhugin er. Ája! Ein partur av Sosialinum hesaferð er Vinnan har ljós verður varpað á føroyskar fyritøkur, sum í mestan mun framleiða til heimamarknaðin. Torført er at finna teirra framleiðslu í almennum hagtølum, men skal ein mynd teknast av føroyska samfelagnum, so fylla hesar fyritøkurnar síin leiklut. Í stóran mun er talan um smærri og miðalstórar fyritøkur, sum halda til í miðalstóru bygdunum kring landið. Tær eru ofta hjartaslátturin í bygdunum. Vit eiga eisini at minnast til, at her er talan um mong arbeiðspláss, sum sjálvdan verða nevnd í hagtølum ella frá tingsins røðarapalli. Ája! Vit eru á veg inn í adventina og harvið nærkast jólini. Nógva staðni eru jólaperurnar komnar upp at hanga, men tað er hetta vikuskiftið, at flestu almennu jólatrøini verða tendrað. Fyri mong ein hugnalig tíð, bert vit duga at sleppa okkum undan strongdini. Tað ræður um at hvíla í sær sjálvum og ikki missa fótafesti. Tá ið fýra vikur eru farnar eru vit komin um styttsta dag og tað fer at lýsna aftur. So sjálvt um tað er hugnalist nú, so leingjast tey flestu eftir ljósari tíðum aftur. Ája! Árni Gregersen, journalistur, skrivar Ája! Visti tú? At fólk í Havn fara oftast til lækna um kvøld­ið og um náttina? Og havnarfólk geva lækna­vaktini nógv meiri arbeiði enn aðrir føroyingar FRÍGGJADAGIN Lot til andøvsgul av norði og útnyrðringi, 3 til 8 m/s. Yvirhøvur skýggjað og eitt sindur av regni, vátaslettingi ella kava. Hitin um dagin mllum 2 og 5 stig, um náttina niður í frostmarkið. LEYGARDAGIN Lot til andøvsgul av norði og útnyrðingi, 3 til 10 m/s, sum út á náttina snarar móti vestri. Yvirhøvur skýggjað og regn, vátaslettingur ella kavi. Hitin um dagin millum 2 og 5 stig, um náttina niður í frostmarkið. SUNNUDAGIN Lot til andøvsgul av vestri, 3 til 8 m/s, sum snarar móti norði og veksur í andøvsgul upp í ein strúk, 7 til 12 m/s. Um náttina av útsynningi og lot til andøvsgul, 3 til 8 m/s. Skýggað og regn, seinni klárar í og kanska eitt sindur av sól. Hitin um dagin millum 2 og 5 stig, um náttina niður í frostmarkið. 3-8 m/s 3-10 m/s 3-8 m/s