hósdagur 28. november 2019síða 30

6 Framleiða 80 ymiskar vørur Looknorth í Klaksvík hevur saman við føroysku vinnuni ment fleiri hugskot til veruleika. Higartil eru 80 vørur á listanum, men stjórin, Árni Skaale, hevur framvegis fleiri hugskot, ið hann vil menna. Fyritøkan hevur júst skrivað undir avtalu at keypa vinnuøki á Borðoyarvík V it hava tørv á størri plássi – bæði til fleiri maskinur, men eisini til goymslu, sigur Árni Skaale, stjóri í Looknorth. Høvuðsframleiðslan í fyritøkuni er teir sokallaðu flamingokassarnir – EPS kassar – ið Hiddenfjord nýtir, tá ið laksur verður fluttur út av landinum. – Um tað gongur væl, og nógvur laksur verður tikin eina viku, so verður okkara goymsla tømd tríggjar ferðir, sigur stjórin. Úr Danmark til Føroya at stovna fyritøku Árni Skaale er framleiðsluverkfrøðingur, og hann hevur bæði lært og arbeitt uttanlands í fleiri ár. Har fekk hann millum annað hugskot og kunnleika til tað virksemi, sum hann nú hevur arbeitt við í góð 19 ár. – Vit høvdu tosað saman um hetta áðrenn, og 1. mai í 2000 klokkan 15 kom eg heim við flúgvara, og sama kvøld klokkan 19 var stovnandi fundur. Um ólavsøkuleitið sama ár varð byrjað at byggja, og 19. februar í 2001 fór framleiðslan í gongd. Eina viku seinni vórðu fyrstu vørurnar seldar, sigur stjórin. Síðani hevur tað gingið spakuliga framá. Í 2011 keypti fyritøkan grannabygningin, og í 2016 vórðu bygningarnir bygdir saman. Byggja á Borðoyarvík Fyritøkan hevur 2100 fermetrar at ráða yvir. Men nú skulu hølini tvífaldast. – Vit hava keypt eitt stykki á Borðoyarvík, sum er 8600 fermetrar til støddar. Vit fara at byggja ein bygning, ið eg vænti verður góðar 4000 fermetrar til støddar, sigur Árni Skaale. Tað ganga tó fleiri ár, til Looknorth flytur í nýggj høli. Stykkið verður ikki klárt frá kommunurnar síðu fyrr enn í fyrsta lagi í august komandi ár, og síðani skal útstykkjast og byggjast. Endaligar tekningar eru heldur ikki gjørdar. Stjórin roknar við, at tað tí fara at ganga eini trý ella fýra ár, áðrenn teir flyta inn í nýggjan bygning. Hugskot kom frá kaffipráti í Dúgvuni Looknorth hevur 16 fólk í starvi og heldur í dag til á Faktorvegi í Klaksvík. Høvuðsframleiðslan eru teir sokallaðu flamingokassarnir. Fyritøkan ger kassar í ymiskum støddum. Talan er um kassar bæði við frárensli og við ongum frárensli. Blæur verða eisini gjørdar, ið súgva vætu í seg. Men fyritøkan framleiðir nógvar aðrar vørur, sum eru mentar við tíðini. Millum annað bjálvingartilfar, flot til aliringar, kantstrimlar, stólpar til eskjur, gonguristir, búsningar til besløg, læsiplátur til vindeygu, proppar, kópakonuna, útsparringar til betong og skorið EPS eftir teking. – Tey fyrstu árini vóru vit nógv úti og tosaðu við fólk í vinnulívinum og mentu tá ymsar loysnir, ið tey høvdu tørv á. Vit sóu ymiskar tørvir, ið vinnulívið stóð í, og so kom hugskotið, um vit ikki kundu gera okkurt, ið gjørdi avbjóðingina lættari, sigur hann. – Hugskotið til eina vøru, ið vit framleiða í dag, kom frá einum kaffipráti umborð á Dúgvuni um Leirvíksfjørð. Tað vóru saltfiskaútflytarar, ið brúktu timburstólpar á plattunum, sum teir klæddu við plasti, tí at timbrið ikki skuldi koma í samband við fiskin, men tað riggaði ikki altíð so væl, tí tað hevði hug at koppa. Roynt varð eisini at negla tað fast. Vit fóru so at gera hornastólpar av hørðum plasti við oyrum, sum kundu smoyggjast út yvir. Við hesi loysnini stendur alt í frið, til teir eru lidnir at pakka. Hetta var ein einføld loysn. Stólpin er nú í ymiskum støddum, alt í mun til støddirnar á eskjum, ið verða sendar av landinum, sigur Árni Skaale. Sleppa undan rusti Nú Looknorth er vorðið kent á marknaðinum, er tað sum oftast vinnan, ið vendir sær til fyritøkuna, og biður teir koma við loysnum til ymiskt. – Vit fáa ymsar fyrispurningar frá fyritøkum, sum spyrja, um vit kunnu gera hetta ella hetta. So royna vit saman at menna loysnir. Vit gera nokk so nógv fyri alivinnuna, men eisini fyri fyritøkur, ið virka á landi, sigur Árni Skaale. Ein av uppfinningunum, er læsiplátur úr plasti, sum verða nýttar á vindeygum. – Ein av vindeygaframleiðarunum í Føroyum hevði trupulleikar við, at hesar pláturnar rustaðu, og so var vindeygað ikki so vakurt longur. Vit fóru tá at framleiða hesar læsipláturnar úr plasti. Síðani hevur ikki verið trupulleiki við rusti av hesum, sigur Árni Skaale. Plashylki til videotól á aliringum Looknorth er undirveitari hjá fleiri størri fyritøkum. Í løtuni hevur Looknorth 80 vørur, ið fyritøkan hevur ment. Men menningin av nýggjum vørum er allatíðina í gongd, og í løtuni eru Árni Skaale og hansara starvsfólk í gongd við at menna eitt plasthylki til alifyritøkur, sum kann verja videotól og aðra tekniska útgerð móti sjógvi og vætu, og har videotólið samstundis kann taka upp og TEKSTUR FRANTS JENSEN MYNDIR ÁLVUR HARALDSEN Árni Skaale, stjóri í Looknorth, greiðir frá framleiðsluni í fyritøkuni í Klaksvík Looknorth hevur skrivað undir avtalu at keypa vinnuøkið á Borðoyarvík