týsdagur 3. desember 2019síða 12

Mikudagur 4. desember 2019 · Nr. 140 12 Sosialurin JÓL Í FØROYUM LÍV Í BÝNUM Annika Kunoy Im annika@sosialurin.fo M enniskjan er floks­ djór, og vit trívast best, tá vit eru saman við øðrum. Tað er bæði menn­ andi og avgerandi fyri trivn­ aðin, at vit nýta tíð saman og eru sosial. Við hesum í mentu hevur Annika Steintórsdóttir Biskopstø, samskipari í Klaks­ víkar Handilsfelagi, broytt hug­takið tunnilsdagur, ið nú verður nevt Lív í býnum. Leygardagin 7. desember verð­ur Lív í býnum í Klaksvík, tá handlarnir hava opið heilt til klokkan 20:00, og hugnalig og jólalig íkast vera at síggja í øllum krókunum í býnum. Annika Steintórsdóttir Bisk­ op­stø sigur, at hendan leyg­ ardagin spílar handilslívið seg út við serstakliga góðari tæn­ astu og góðum jólahýri. Handl­ arnir í Klaksvík eru staðsettir ymsa staðni kring býin, og tí verður við Lív í býn­um eisini eggjað til, at vitjandi seta bilin frá sær eina løtu, eru saman, og ganga ístaðin fyri at koyra. - Tú upplivir meir av einum staði, tá tú ert til gongu og tað er sunt fyri okkum at skifta perspektiv viðhvørt í hesum gerandismeldrinum. Eg haldi eisini at upplivingin skal snúgva seg um meir enn at vitja keyps­ støð og avgreiða ørindi, sigur hon. Vit fara øll til handils fyri jól at avgreiða ymiskar gávur og ørindi, tí tað er partur av okk­ ara jólamentan, at vit geva, fáa og eta saman um jólini. Tí kunnu vit væl samantvinna jóla­gávurnar til tey kæru við sosial­ari, hugnaligari og jóla­ lig­ari uppliving í Klaksvík við Lív í býnum. - Tað liggur í okkum menn­ iskj­um, at vit vilja vera saman og hitta onnur í einum sam­ felagi. Tað er gott fyri okkum at vera sosial, og tunnils­dag­ar­ n­ir eru eitt gott høvi til at lata hurð­arnar í býnum upp og vísa á tað, sum vit duga og um­ boða í Klaksvík. Tað ger einki, um vit spíla okkum eyka nógv út hendan dagin, tí tað hendir ómetaliga nógv í Klaksvík um jólini, sigur hon. - Og av tí, at tað hendir so nógv alla tíðina, so snýr tað seg eisini um at finna eina javnvág, so fólk ikki strúka runt og hava ringa samvitsku, tí tey ikki náa alt. Vit hava tí valt at hildið konseptið sera einkult við samveru og hugna í miðdepli, leggur hon aftrat. Ein hjartaligur býur Annika Steintórsdóttir Biskop­ stø greiðir frá, at fyri at birta uppundir, at nøkur vitjandi hendan leygardagin lata bilin standa og fara til gongu í býn­ um, so vera fleiri ung úr Klaks­ víkar Sjónleikafelag íklødd sum vættrar og fara at luta hjørtu í ymiskum litum út til fólk á gøtunum kring allan býin – so vitjandi ikki bert síggja miðbýin, men eisni vitja Klingru­garð og flyta seg út á armarnar báðar í Klaksvíkini. Tað eru fimm ymiskir litir av hjørtum at fáa hendan dag­ in, og hevur ein savnað saman øll fimm, so ber til at lata tey inn í Norðoya Sparikassa og vera við í lutakastinum um eitt gávukort frá Klaksvíkar Handils­felagi. Eisini fer Uðrun, sum er ein vetrarlig hulda at ganga runt í býnum við prýdda rossi sínum, sum børnini eisini kunnu heilsa uppá. Nú sær út til at veðrið fer at vera gott leygardagin, so tað átti at verið lagamanni, at nýtt ein part av leygardegnum á fótum í Klaksvík, heldur Annika Stein­ tórsdóttir Biskopstø. Eisini hevur Handilsfelagið lagt seg eftir, at vitjanin í handl­ unum verður ógloym­andi við tí fyri eyga at breiða jólahýrin kring býin. Umframt góða tæn­astu og vegleiðing í lokalu handl­unum, so fer fitta barna­ kórið hjá Herdis Klein at vitja nakrar handlar og framføra jólaløg fyri vitjandi. Eisini ætl­ ar handilsfelagið sær, saman við ágrýtnum ungdómi úr býn­um, at súkkla runt, bjóða kaffi og spæla jólatónleik fyri fólki, sum ganga úti og hugna sær. Tí er vert at hugsa um at taka ein kopp við sær í býin og harvið eisini hugsa um um­ hvørvið og endurnýtslu, sigur Annika Steintórsdóttir Biskop­ stø. - Endamálið er, at vit gera tað so hugnaligt sum til ber, tá fólk vitja handlarnar, so tey bæði fáa eina góða uppliving og eisini eitt nýtt perspektiv, sig­ur Annika Steintórsdóttir Bisk­opstø. Sterkt handilslív Í Klaksvíkar Handilsfelagi eru 28 limir, og í býnum eru fleiri handlar, ið ganga á odda í tæn­ astu og góðsku. Annika Stein­ tórsdóttir Biskopstø heldur, at tað er umráðandi, at vit í dags­ ins samfelagi har alt er lættliga at­komuligt og útheimurin eis­ ini freistar, eru tilvitaði um lok­alar handlar og dygdina og tæn­astuna, ið er at fáa í lokal­ samfelagnum, soleiðis at vit eisini halda lív í smá­vinn­uni. - Eg síggi týdning í at kunna síggja og halda í vøruni, áðr­ enn hon verður keypt, soleiðis at man veit, hvat man fær. Eis­ ini er tað gott, at møguleiki er fyri góðari vegleiðing á staðn­ um, sigur Annika Stein­tórs­ dótt­ir Biskopstø. - Klaksvík hevur søguliga verið ein býur, ið hevur gingið á odda hvat handilslívi við­ víkur, og tí er stuttligt at lata dyrnar upp á hendan hátt og bjóða fólki úr øllum landinum á gátt. Ein slíkur dagur er eitt frálíkt høvi hjá føroyingum at flyta seg og fáa eina øðrvísi upp­living í landinum, sum fam­ilja ella einstaklingur. Ein slíkan dag fara vit út í býin at hugna okkum, gleðast saman og halda fast í tí smávinnuni og mentanini, sum hevur verið við til at ment trivnaðin í land­ inum, sigur hon. Skoytibreytin letur upp Leygardagin 7. desember letur nógv umrødda skoytibreytin eisini upp. Skoytibreytin, ið verður á leið  300 fermetrar í stødd verð­ ­ur knýtt at nýggju sjó­hita­skip­ anini í kommununi.  - Vit brúka sjóhitaskipanina til at køla skoytibreytina við, og av tí sama verður tað ein bílig skipan, sigur Jógvan Skor­heim, borgarstjóri í Klaks­ vík. - Tað sum rennur út aftur, tá sjóhiti verður tikin inn úr sjónum er á leið trý stig kaldari enn sjógvurin. Hetta verður leitt inn í skoytibreytina, og kølt til kuldastig. Tað merkir, at einasta orkan, sum man skal brúka er at køla frá trim­ um stigum til kuldastig, sigur hann. - Alt túnið í miðbýnum er flísalagt, og rørini liggja undir flísinum. Tá man skal brúka skoytibreytina, verður trýst á ein knøtt, og so frystir alt til eftir á leið tveimum døgum. Ikki er neyðugt at seta breyt­ ina upp ella taka hana niður aft­ur á hvørjum ári, greiðir Jógvan Skorheim frá.  Ætlanirnar um at gera skoyti­ breyt í Klaksvík eru ikki nýggj­ ar, tí tá sjóhitaskipanin varð gjørd fyri miðbýin í Klaks­vík, var eisini ætlan løgd um skoyti­breyt. Norðurjól: Norðurjól er heiti á jólatiltaki, sum Klaksvíkar kommuna hev­ur staðið á odda fyri sein­ astu fýra árini. Norðurjól hev­ ur ment seg frá at vera eitt leyg­ardagstiltak til í ár at vera eitt jólatiltak, sum hevur fjøl­ broytta skrá allan desember mánað. – Fólk, sum eg havi verið í sam­band við, eru spent, forvit­ in og full av hugskotum, hvussu vit á bestan hátt kunnu gera jólahugnan á Bisk­ups­torgi heilt serligan. Tað er ótrú­liga stutt­ ligt at síggja, hvussu handl­ar­ nir og ymiskir stovnar bein­an­ vegin hugsa um samstarv, tá ið farast skal und­ir eitt tílíkt til­ tak, sigur Mimmy Vágsheyg, sam­skipari av Norðurjóli í Klaks­vík. Átta handlar hava fastan bás á Norðurjól, meðan nógv annað virksemi fer at verða í styttri og longri tíðarskeið. Møgu­leiki verður millum annað at keypa prýðislutir, pløgg, kaffi og køkur. Leygardagin 7. desember vitj­ar jólamaðurin á Norðurjól, sum hann eisini ger hvønn leygardag fyri jól. »Tú upplivir meir av einum staði, tá tú ert til gongu og tað er sunt fyri okkum at skifta perspektiv viðhvørt í hesum gerandis­ meldrinum. Eg haldi eisini at uppliv­ingin skal snúgva seg um meir enn at vitja keypsstøð og avgreiða ørindi« »Tað er gott fyri okkum at vera sosial, og tunnilsdagarnir eru eitt gott høvi til at lata hurðarnar upp í býnum og vísa á tað, sum vit duga í Klaksvík. Tað ger einki, um vit spíla okkum út hendan dagin, tí tað hendir ómetaliga nógv í Klaksvík um jólini«