týsdagur 3. desember 2019síða 16

Mikudagur 4. desember 2019 · Nr. 140 16 Sosialurin JÓL Í FØROYUM TEKNI­ KAPPING FYRI BØRNUM Tekningarnar skulu leggjast í ein stóran postkassa, sum kemur at haga í jólagøtuni Vilmund Jacobsen Í samband við tiltakið á Skála - Jól á Gamlavegi - verður eisini skipað fyri einari teknikapping fyri børn­ 0um. Børnini verða bólkaði upp í fýra bólkar, 3-6 ár, 6-9 ár, 9-12 ár og 12-15 ár, har ein vinnari verður kosin úr hvørjum bólki. Dómarar verða trý óheft fólk. Á Skála siga tey, at tekningarnar skulu verða í A4 stødd, og mynda­ evnið skal hava við jólini at gera. Tekningarnar skulu leggjast í ein postkassa, sum kemur at hanga í jólagøtuni – á leiðini, har smátt­ur­ nar eru. Stóri og blái postkassin, sum Kaj Olsen hevur smíðað og málað, verð­ur hongdur upp í seinasta lagi miku­kvøldið, sum er í kvøld. Av Skála verður sagt, at seinasta freist at lata tekningar inn, er leyg­ ar­dagin 7. desember klokkan 20. STEVE OG ANNBRITT SYNGJA SAMAN Á Skála gleða tey seg til at hoyra Steve Sitzman og Annbritt B. Jacobsen framføra í gamla turkihúsinum leygarkvøldið Vilmund Jacobsen Men, hvør er Steve Sitzman, sum fer at framføra saman við skála­ dam­uni, Annbritt B. Jacobsen. Steve Sitzman er úr Týsklandi, men býr í løtuni á Skála saman við konu og dóttir. Hann tekst nógv við at syngja, og til jólatiltakið í gamla turkihúsinum leygarkvøldið, hev­ur hann fingið skáladamuna, Ann­britt B. Jacobsen, at syngja sam­an við sær. Annbritt B. Jacobsen er sjálv sera virkin innan tónleik, bæði her heima og eisini í útlondum, har hon eisini er við í einum altjóða sang­skrivarabólki. - Vit gleða okkum at hoyra tey bæði syngja saman, siga tey á Skála. HUGNALIGT JÓLATILTAK Á GAMLAVEGI Á SKÁLA Leygardagin 7. desember, sum er komandi leygardag, verður eitt forvitnisligt jólatiltak á Gamlavegi á Skála Vilmund Jacobsen T að eru gamla turkihúsið og neyst­ini innan fyri Skála kirkju, sum verða karmur um hetta hugna­liga jólatiltak, har umhvørvið verð­ur pyntað. Jól á Gamlavegi á Skála hevur verið eitt afturvendandi familjutiltak í nøk­ ur ár, og undirtøkan hevur verið góð. Klokkan 15 henda dagin lata neystini við sølubúðum upp, og eitt av hædd­ arpunktunum er, tá pyntaði jólabáturin við glaðum jólamonnum leggur at bryggj­uni hjá Evald. Jólamenninir hava okkurt søtt við til børnini, og saman við børnum og familjum teirra verða nakrir jólasangir sungnir. Alt verður pyntað Á Skála verður soleiðis hugni við sangi, mati, jólamonnum, jólasølu og ymisk­ um øðrum góðum niðri við neystini. Her fara tey at selja hunang, bakstur, kjøtpylsur og ymiskt handaligt. Her verða eisini lutir úr eitt nú rekaviði, jólapynt, bundin pløgg, vín úr Ungarn og mangt annað. Alt umhvørvið verður jólapyntað, og í gamla turkihúsinum verður góður jóla­tónleikur. Neystini verða opin leygardagin til klokkan 19.30, og seinasta tiltak hetta kvøldið verður tónleikurin í turki­hús­ in­um, sum byrjar klokkan 19.30. Her fara Steve, sum er týskari og Ann­britt, sum er av Skála, at framføra góð­an jólatónleik. Meðan jólatiltakið er á Gamlavegi, verður høvi eitt nú at keypa sær suppu og pylsubreyð, og seint seinnapartin - ella klokkan 17.30 - verður jólasøga lisin í sonevnda myndakrókinum hjá Joan. Sylverius hugleiðir Dagin eftir jólatiltakið á Gamlavegi - ella sunnukvøldið 8. desember klokkan 18 - verða jólini sungin inn í Skála kirkju. Her fer Streingjakórið í Meinig­ heits­húsinum at seta sín hugnaliga dám á, og Sylverius Jacobsen fer at hug­leiða um jólini.