týsdagur 3. desember 2019síða 20

Mikudagur 4. desember 2019 · Nr. 140 20 Sosialurin JÓL Í FØROYUM Hondvirkaði pløgg og jóla- prýði í Lávusarhúsi í Leirvík - Øll eru hjartaliga vælkomin í Lávusarhús at síggjar okkara vørur, og vit hava altíð ein drekkamunn, sigur Hallbjørg Eliassen í Leirvík Vilmund Jacobsen Í hugnaliga Lávusarhúsi í Leirvík er nú opið frá mánadegi til og við leyg­ ardag – heilt fram til sunnudagin 22. desember, tá opið verður frá klokk­ an 16 til 20. Nú jólini nærkast, er opið hvønn yrka­dag frá klokkan 19 til 21, men leyg­ ar­dagin komandi, sum er 7. desember, verður opið heilt frá klokkan 12 til 17. Hallbjørg Eliassen í Leirvík sigur, at í húsunum hava tey hópin av hond­virk­ aðum pløggum og ymiskum jólaprýði. - Øll eru hjartaliga vælkomin at síggj­ar okkara vørur, og vit hava altíð ein drekkamunn, eins og fólk eisini hava høvi at keypa sær okkurt gott aft­ ur­við drekkamunninum. Næstan 30 kvinnur Hallbjørg Eliassen sigur, at Lávusarhús í Leirvík er opið alt árið, týskvøld og hóskvøld frá klokkan 19 til 21 og leyg­ar­ dag frá klokkan 14 til 17. - Men, nú vit eru í jólamánaðinum hava vit opið hvørt kvøld frá klokkan 19 til 21 – og leygardagin komandi frá klokk­an 12 til 17. Hon vísir á, at tað er Eysturkommuna, sum eigur húsini, og síðan er tað ein áhuga­bólkur við kvinnum, sum skiftast um at vera í handlinum, tá hann er opin. - Eg haldi, at vit eru út við 30 kvinnur tilsamans, sum eiga vørur í Lávusarhúsi og sum soleiðis skiftast um at vera í handlinum. Hon sigur, at tað eru mest kvinnur, sum lata vørur í handilin at selja, men onkur maður er, sum arbeiðir við træi. Eisini verkstovur Hallbjørg Eliassen vísir á, at tey seinnu árini eisini hava havt tvær verkstovur í Lávusarhúsi um árið – eina um várið og eina um heystið. - Vit hava soleiðis verkstovur í hús­ in­um, har vit eitt nú hava lært at binda bundnaturriklæði. Vanliga varar ein verk­stova fimm týskvøld hvørja ferð, og undirtøkan hevur verið góð, leggur hon aftrat. Jólaligt hvítt GLØGG Á jólum drekka vit gløgg. Soleiðis er tað bara. Heiti jóladrykkurin hoyrir til hesa ársins tíð og hitar kroppin hesar køldu vetrardagarnar. Hvítt gjøgg er mildari og ikki so sterkt sum tað vanliga reyða gløggið, og tað er tí eitt fríksligt íkast eina hugnaligu løturnar saman við familju og vinum TILFAR 1 vistfrøðilig appelsin 2-3 stk heilar kardamummur 5 heil nelikur 5 stk svart pipar 1 heil kanel stong 2-3 skivur av feskum ingeferi 1⁄2 litur súreplasevja 75 gram av ljósum rosinum 1 fløska av hvíttvíni 1⁄2 dl av ljósum rommi ella vodka Møguliga 3-4 súpuskeiðir av sukuri 50 g snittaðar mandlir MANNAGONGD: • Vaska appelsinina og sker hana í skivur • Legg appelsinurnar í eina grýtu við knústum kardamummufrøum, nelikur, svartum pipari, kaneli og ingifer • Oys súreplasaftina í og fá tað spakuliga upp á kók. Tak grýtuna av plátuni og lat úrdráttin standa í á leið ein tíma • Síla veskuna niður í eina reina grýtu og koyr rosinur og hvítvín í. Hita tað varliga men lat tað ikki koma upp á kók • Smakka tað til við sukri og koyr møguliga rom ella vodka í. Servera í vøkrum gløsum við smátthækkaðum mandlum LEKKURT KRYDDAÐ HVÍTT GLØGG Mynd: http://copenhagencakes.com/