týsdagur 3. desember 2019síða 22

Mikudagur 4. desember 2019 · Nr. 140 22 Sosialurin JÓL Í FØROYUM NÝBAKAÐAR VAFLUR OG JÓLA- SØLA Á OYRI Tað setir sín serstaka dám á jólamánaðin, at skipaðar jólasølur eru kring landið, har vitjandi eitt nú kunnu keypa sær kaffi og køkur – ella heitar vaflur, sum tey eitt nú kunnu keypa í gamla skúla á Oyri Vilmund Jacobsen Í gamla skúla á Oyri, sum liggur við Oyraveg 7, er jóla­kafé og jólasøla, og her er høvi hjá fólki, sum leita sær á gátt, at keypa sær ymiskt, sum fólk í Sundalagnum hava gjørt. Her ber saktans til at finna eina góða og fjálga jólagávu til ein av sínum kæru, vinum ella kenningum – og her fæst eisini ein góður drekkamunnur aft­ ur við nýbakaðum vaflum. Tað var longu leygardagin hin 30. november, at jólakafé’in og jólasølan lótu upp í gamla skúla á Oyri. Flestu dagar Nú vit eru komin inn í jóla­ mánaðin, verður jólakafé’in og jólasølan á Oyri opin hvønn dag uttan mánadag, vanligar yrka­dagar og sunnudag frá klokk­an 16 til 20. Leygardagar verður opið frá klokkan 13 til 17, og soleiðis verð­ur eisini komandi tveir leyg­ardagarnar, ávikavist 7. desember og 14. desember. Sunnudagin 8. desember og sunnudagin 15. desember verð­ ur eisini - eins og aðrar yrka­ dagar, undantikið mánadag - opið frá klokkan 16 til 20. Á Facebook-síðuni – Jóla­ café og Jólasøla í gamla skúla á Oyri – síggjast myndir av ym­ iskum handgjørdum pløggum og lutum, sum er á søluni. SOLEIÐIS VERÐA JÓLATRØINI TENDRAÐ Í kvøld og annaðkvøld verða flestu jólatrø í Sunda kommunu tendrað, og í øllum bygdunum, har haldini verða, bjóðar kommunan til ein drekkamunn Vilmund Jacobsen S unda kommuna fevnir víða – ja, heilt úr Hósvík um Saksun og norður til Tjørnuvík og Gjáar. Nú mikudagur, 4. desember er í dag, eru nøkur av jóla­trø­ un­um í kommununi longu tendrað, men enn eru nøkur trø eftir, sum verða tendrað ávika­vist í kvøld og anna­ð­ kvøld, 4. og 5. desember. Við øll tiltøkini bjóðar borg­ ar­stjórin í Sunda kommunu, Heð­in Zachariasen, væl­kom­ in, prestur heldur røðu,  og Eið­is Ljómfelag spælir. Jóla­menn vitja eisini í brand­ bili til haldini kring um í komm­ununi, og teir hava pakk­ar við til børn­ini. Tá jóla­ trø­ini eru tendrað í ávísu bygd­un­um, bjóðar Sunda komm­una øllum til ein góð­an drekka­munn. Í kvøld, mikukvøldið 4. des­ ember, verða jólatrøini í ávika­ vist Hósvík (18), Hvalvík (19) og Haldarsvík (20) tendrað. Í annaðkvøld, hóskvøldið 5. desember klokkan 18, verður jólatræið í handilsøkinum við Norðskála tendrað, og klokk­ an 20 í annaðkvøld verður tendrað við Gjógv. Sagt verður úr Sunda komm­unu, at um veðrið verð­ ur keðiligt til onkra av løtun­ um, tá tiltøkini eru, verður farið undir tak við haldinum, tá trøini eru tendrað.