hósdagur 5. desember 2019síða 4

FRÍGGJADAGUR 6. DESEMBER 2019 SOSIALURIN 141 4 Vikan ið fór Sæð á Facebook: Sæð á Facebook: Landsstýrið fer at leggja eitt uppskot fyri Løgtingið um at tryggja børnum og ungum ókeypis atgongd til sálarfrøðiliga viðgerð Næsta ár kunnu lærlingar tjena 50.000 krónur - uttan at rinda skatt av tí. Mett verður, at einir 1.000 lærlingar fáa hendan skattlættan Danska forsætisráðfrúan Mette Frederiksen hitti mikudagin amerikanska forsetan Donald Trump á Nato-fundi í London, men einki umboð fyri Føroyar og Grønland var við Á almennum fundi í Suðuroy var tað eitt krav, at suðuroyartunnilin verður gjørdur - og at farið verður undir fyrireikingarnar nú Huawei MEST NÝTTA ORÐIÐ HESA VIKUNA ...uppá ein minutt 25,5 milliónir krónur eru játtaðar á donsku fíggjarlógini til havgransking á Havstovuni komandi fýra árini 25,5 25,5 Kinesiska tøkni­ fyritøkan hevur fylt sera nógv seinastu vikuna í sambandi við ætlanirnar hjá Føroya Tele at samstarva við Huawei um 5G. Vit hava eitt tema í Vikuskiftis Sosialinum hesa ferð, har vit hyggja nærri at hesum "Hví er tað eingin føroyngar, sum dugir at úttala Huawei? Øll siga Hu-a-vey. Tað úttalast Wah-way!" "Top of FormBottom of FormHvat fært tú, um tú kryssar ein ateist og ein Jehova Vitni? Ein, sum gongur runt og bankar uppá uttan at vilja nakað" Hendan vikan byrjaði eitt sindur buldrasligt. Eftir at hava bølt oman á tíðindum, sum eru avgerandi fyri Føoya fólk, so kundi Kringvarpið í Degi og Viku mánakvøldið fortelja, at vit fingu ikki at vita hvat tað var. Fútarætturin legði fútabann fyri at KvF slapp at fortelja tað tey vistu um eina vitjan hjá einum sendiharra úr Keypmannahavn. Talan var um kinverska sendiharran, sum hevði biðið um bráðfund við landsstýrið. Bara tann vitanin er nóg mikð til at allir journalistar sleikja sær um munnin, tí hetta ljóðar sum ein spennandi krimisøga hjá Jógvani Isaksen. KvF var á staðnum, tá ið fundurin var 11. november. Ikki í sjálvum fundarhølinum, men tey hoyrdu eina briefing um fundin. Í staðin fyri at fortelja Føroya fólki hesi avgerandi tíðindi, so valdi KvF at vera tann skikkiligi ddrongurin í klassanum og heldur biðja um alment innlit í málinum. Tað fingu tey sjálvandi ikki, tí her var talan um viðurskifti við onnur lond. Í staðin troppaði fútin upp 14 dagar eftir at KvF hevði fingið tíðindini og legði fútabann. Føroya fólk fekk onki at vita um, hvat tað var sum hendi á fundinum. Ája! Sjálvandi er tað lætt at sita aftaná og siga, at KvF skuldi havt sagt tíðindini og so lagt minni í leiðreglurnar fyri góðan fjølmiðlasið í hesum føri, men alt er tó knýtt at tí, sum var sagt á fundinum. Mong hava síðani gitt, at kinverski sendiharrin boðaði landsstýrinum frá, at lata vit vera við at brúka tøknina frá Huawei til 5G netið, so kann tað fáa handilsligar avleiðingar fyri Føroyar. Løgmaður hevur eftir fundin sagt, at hann als ikki kendi seg trýstan av kinverska sendiharranum og at orsøkin til fútabannið snýr seg um at kunna tosa við aðrar tjóðir í trúnaði. Ája! Fíggjarlógin stendur á skránni. Sjálv tann framskrivaða fíggjarlógin var løgd fram seinast í september, men tær politisku avgerðirnar, sum heddan samgongan ætlar at stýra eftir, kemur frá landsstýrinum til fíggjarnevndina í dag. Tað gevur sjálvandi ikki so nógvar dagar hjá nevndini og Løgtinginum at arbeiða í, tí fíggjarlógin skal samtykkjast við 3.viðgerð í hesum árinum. Slíkt er hent fleiri ferðir áður, so man tað ikki eisini fara at bera til hesuferð. Ája! Politiskt eru mál eftir at loysa og tað rumblar eitt sindur í sambandi við broytingarnar, sum ætlanin er at gera í lógini um sjófeingi. Onkrir av útlendingunum, sum eigga part í føroysku fiskivinnuni, eru tiknir við buksunum niðri. Møguliga fer tað at ávirka støðutakanina til útlendskan kapital í føroysku fiskivinnuni. Spennandi at fylgja við. Ája! Árni Gregersen, journalistur, skrivar Ája! Visti tú? At føryoskir skúla­næm­ ingar hava havt afturgongd í lesing, men framgongd í náttúruvísind og støddfrøði? Tað vísir nýggjasta Pisa- kanningin FRÍGGJADAGIN Gul til stívt andøvsgul av útnyrðingi, 5 til 10 m/s. Hann veksur vindin upp í ein strúk, 8 til 13 m/s. Vekslandi skýlot og æl við heglingi, vátaslettningi ella kava. Hitin um dagin milum 1 og 4 stig, um náttina niður í frostmarkið. LEYGARDAGIN Lot til andøvsgul av ymsum ættum, 3 til 8 m/s. Um náttina av landnyrðingi og eystri. Hann veksur vindin til strúk í vindi upp í skrið, 13 til 18 m/s. Vekslandi skýlot og okkurt æl, um náttina vátaslettingur ella kavi. Hitin millum 1 og 5 stig. SUNNUDAGIN Strúkur í vindi upp í skrið av eystri, 13 til 18 m/s, sum snarar móti landnyrðingi og minkar út á nátti- na í andøvsgul til stívt andøvsgul av norði, 8 til 13 m/s. Skýggjað og regn, seinni klárar í, og okkurt vátasletting- ella kavaæl. Hitin um dagin millum 2 og 5 stig, um náttina niður í frostmarkið. 13-18 m/s 3-8 m/s 5-10 m/s