hósdagur 5. desember 2019síða 30

FRÍGGJADAGUR 6. DESEMBER 2019 SOSIALURIN 141 30 TRÓNDUR ARGE M ánadagin var árligi Ballon d’Or bólturin latin. Lionel Messi vann bóltin á sætta sinni og yvirhálar Cristiano Ronaldo, sum í 2017 vann sín fimta Ballon d’Or bólt. Í fjør var fyrstu ferð í tíggju ár, at vinnarin ikki eitur Lionel Messi ella Cristiano Ronaldo. Tá vann fryntligi Luka Modric úr Real Madrid og Kroatia. Hann er fyrsti Ballon d’Or vinnarin, sum ikki er í uppskoti ári eftir. Bólt­sterki miðvallarin møtti tó smíl­andi upp til tiltaki í París og handaði Lionel Messi, úr arva­fíggindanum FC Barcelona, bóltin. -Ítróttur og fótbóltur snýr seg ikki bara um at vinna. Tað snýr seg eisini um virðing fyri tínum við­spælarum og mótspælarum, skriv­aði Luka Modric á Twitter. Ballon d’Or Tað er franska tíðarritið, France Foot­ball, sum skipar fyri Ballon d’Or. Heitið hevur verið til síðani 1956, tá Stanley Matthews vann. Fram til 1995 var tað bara til spælarar úr Evropa. Síðani bleiv tað til spælarar, sum spæla í Ev­ ropa, áðrenn tað í 2007 fór at um­fata allan heimin. Frá 2010 til 2015 løgdu Ballon d’or og FIFA saman, men eru nú aftur hvør sær. Tað er ein journalistur úr hvørjum landi, sum atkvøður fyri Ballon d’Or. Lionel Messi og Cristiano Ro­nal­do hava vunnið bóltin 11 ferðir sína millum. Síðani hava Michel Platini (1983, 1984, 1985), Johan Cruyff (1971, 1973, 1974) og Marco van Basten (1988, 1989, 1992) vunnið bóltin tríggjar ferðir. Messi ella van Dijk Tað eru altíð nógvar meiningar um fótbólt. Ikki minst, tá tað kem­ur til einstaklingar. Tað var drúgt kjak um sigurin hjá Luka Modric í fjør. Millum annað tí Lionel Messi endaði á fimta plássi, hóast hann enn eina ferð hevi eitt framúr ár sum ein­stak­lingur. Aftur í ár dominerar Lionel Messi tølini fyri ein fram­rætt­ aðan spælara í einum av fimm teim­um stóru kappingunum í Ev­ropa. Hann skorar flest mál, legg­ur upp, dribblar og skapar eisini flest málmøguleikar. Avbjóðingin kemur, tá tú skal seta einstaklingaavrikini upp í móti liðavrikinum. Millum annað møttust Lionel Messi og Virgil van Dijk í hálvfinaluni í Champions League. Her vann Liver­pool og fór víðari til finaluna, sum teir vunnu 2-0 á Totten­ham, men tað hoyrir eisini við til søguna, at Lionel Messi skoraði tvær ferðir í 3-0 sigri­num á Camp Nou. Hann átti eisini lut í øllum álopunum, sum FC Barcelona hevði á Anfield, tá Liverpool vendi øllum á høvdið og vann 4-0. FC Barcelona vann La Liga fyri áttindu ferð upp á 11 ár, með­an Liverpool fekk heili 97 stig, men bleiv nummar tvey í Premier League. Tað er ongin ivi um, at Virgil van Dijk hevur kollvelt Liver­ pool, síðani hann um ársskiftið 2017/18 kom til felagið frá South­ampton. Miðverjin úr Hol­landi ein av bara tíggju verjuspælarum, sum er endaði í topp trý. Av øðrum kunnu nevnast Paolo Maldini, Franz Becken­bauer, Franco Baresi, Ro­ berto Carlos og Fabio Cannavaro, sum vann bóltin í 2006. Ronaldo hongur í enn Cristiano Ronaldo verður 35 ár skjótt, men endar numm­ar trý á lista­num. Hann hevur ikki havt sítt besta kapp­ ingar­ár, men í treytinum fyri at atkvøða, stendur at tú skal eisini taka atlit til yrkis­ leiðina sum heild. Her er tað bara Lionel Messi, sum kann kappast við portugis­isku heimsstjørnuna. Tað er tætt millum Cristiano Ron­aldo og Sadio Mané úr Liver­pool. Skjóti vonguirn hjá Liver­pool hevur verið ein av týdn­ingar­ miklastu spælarunum hjá Liver­pool í góðu gongdini sein­ astu trý árini. Heldur senegalski landsliðsspælarin áframt við sínum góðu avrikum, so verður hann skjótt at gott boð upp á Ballon d’Or bóltin. Bara ein afrikanskur spælari hevur vunn­ið Ballon d’Or, tað var liberiski George Weah, sum vann í 1995. Ein annar afrikansur spæl­ ari, sum hevur gjørt sum seg seinastu trý árini er lið­felag­ in hjá Sadio Mané í Liver­pool, Mohamed Salah. Skjóti og máls­ økni vongurin úr Egypta­landi bleiv nummar fimm á listanum í ár. Liverpool væl við Tað gongur væl hjá Liverpool í hesum døgum. Felagið er Champions League vinnari og fekk heili 97 stig í Premier League farna kappingarár. Hetta kapp­ingarárið er Liverpool fyri­bils greitt oddalið í Premier League. Tað sæst eisini aftur á Ballon d’Or stigatalvuni, tí ikki færri enn seks spælarar úr Liverpoool eru í topp 26. Umframt áðurnevndu Virgil van Dijk, Sadio Mané og Mo Salah, so eru Alisson Beck­ er (7), Roberto Firmino (17), Trent Alexander-Arnold (19) og Georginio Wijnaldum (26) eisini á listanum í ár. Søguliga eru Ballon d’Or vinn­ar­arnir úr FC Brcelona, við seks vinnarum og 12 Ballon Tað eru altíð ymiskar meining um fótbólt og spælarar, men døma vit útfrá Ballon d’Or bóltum, so er Lionel Messi við sínum sætta Ballon d’Or bólti besti fótbóltsspælarin nakrantíð. Hann vann Ballon d’Or 2019 við bara sjey stigum fleiri enn Virgil van Dijk úr Liverpool ÍTRÓTTUR: Fótbóltur Ballon d’Or 2019: LIONEL MESSI LIONEL MESSI ER NÚ BESTUR ER NÚ BESTUR NAKRANTÍÐ NAKRANTÍÐ