týsdagur 10. desember 2019síða 14

Mikudagur 11. desember 2019 · Nr. 143 14 Sosialurin JÓL Í FØROYUM ANNIKA ELSKAR JÓLINI - Eg eri stolt av okkara býi, sum hvørt ár er so fantastiska vakur og hugnaligur, sigur Annika Olsen borgarstjóri í Tórshavnar kommunu Vilmund Jacobsen N ú vit eru komin væl inn í jóla­ mán­aðin, hava vit sett borg­ar­ stjóranum í høvuðs­staðar­kommu­ nuni, Anniku Olsen, nakrar spurn­ingar um almennar uppgávur og ym­iskt í samband við jólahøgtíðina. Hvørjar almennar uppgávur hevur borg­arstjórin? - Jólahugnin í høvuðsstaðnum byrj­ ar av álvara, tá jólatræið verður tendrað á Vaglinum. Hetta er mín fyrsta al­ menna uppgáva í samband við høg­tíð­ ina, sum stundar til, sigur hon. Ein serlig løta Borgarstjórin vísir á, at sum siður er, fær Tórshavnar kommuna eitt stórt og flott jólatræ frá okkara grannum í Ís­ landi, og tað er altíð eitt politiskt um­ boð, sum kemur á vitjan í hesum sam­ bandi. - Mín leiklutur er at taka mær væl av teimum, meðan tey eru her. Tað er altíð ein serlig løta, tá træið verður tendrað, og allur býurin kemur í ein jólaham. Eft­ir at træið er tendrað, plaga vit at bjóða jólabollar, kaffi og kakur á Vagl­ in­um. Annika Olsen vísir á, at hon rættiliga kemur í jólahýr, tá henda løta er í býn­ um. - Av øðrum almennum uppgávum, eg havi, er eitt nú at vitja á Herberginum jólaaftan og at drekka ein drekkamun saman við búfólkunum, sigur borgarstjórin. Annika elskar jólini Verður vitjað á stovnum annars, nú jól­ ini stunda til? - Her havi eg ikki nakra fasta upp­ gávu, men eg havi gjørt mær ta til eina traditión at vitja øll ellis-og røktarheim og sambýli í kommununi um jólini. Eg haldi, at tað er so ómetaliga umráðandi at sleppa at heilsa upp á okkara eldru borg­arar um jólini – ikki minst, tí tað eru so mong, sum ongan góðan hava. Vitjar borgarstjórin út í krókarnar í komm­ununi og heilsar upp á fólk? - Tíverri fái eg ikki stundir at vitja út í hvønn krók í Tórshavnar kommunu, men eg royni at koma so nógv runt sum til ber, Annika Olsen. Borgarstjórin dylur ikki fyri, at hon elskar jólini, og hon elskar at pynta til jólar. - Mær dámar at hava so nógvar lýs­ andi perur og nissur sum gjørligt, sigur Annika Olsen brosandi. Ein serlig kensla Hvør er kenslan at vera borgarstjóri í høvuðs­staðnum, nú býur og bygdir eru pyntað til jólar? - Jú, tað er ein serlig kensla at vera borg­arstjóri um jólini. Eg eri stolt av okk­ara býi, sum hvørt ár er so fant­ast­ iska vakur og hugnaligur. Bæði Visit Tórs­havn og øll gera sítt til, at býurin skal vera so hugnaligur sum gjørligt. Jóla­hugnin røkkur eisini út um Vaglið, tí tað verða eisini jólahald hildin í hugna­ligu bygdunum í Tórshavnar komm­unu, sigur borgarstjórin. Hvussu heldur borgarstjórin jól? - Jólaaftansmorgun byrjar við einari vitjan á Herberginum, har eg drekki ein drekkamunn saman við búfólkunum. Síðan er gudstænasta á Ellisheiminum í Havn. Annika Olsen sigur, at heima við hús verður gjørt klárt til jóladøgurða, og klokk­an 17 jólaaftan fer hon í Vest­ur­ kirkj­una til jólagudstænastu. - Løtan í kirkjuni er besta løtan, har friður kemur yvir øll, og vit kunnu lata jólaboðskapin koma til okkara. Borgarstjórin sigur, at um kvøldið savnast familjan til jóladøgurða við øll­ um tí, sum hoyrir til ein slíkan. - Vit gera nógv burtur úr at vera sam­an um jólini, og vit skiftast um at vitja systkini og foreldur til døgurða um jólini, sigur Annika Olsen, borg­ar­ stjóri í Tórshavnar kommunu. - Tað er altíð ein serlig løta, tá jólatræið á Vaglinum verður tendrað, og allur býurin kemur í ein jólaham, sigur borgarstjórin