týsdagur 10. desember 2019síða 18

Mikudagur 11. desember 2019 · Nr. 143 18 Sosialurin JÓL Í FØROYUM Nýggjárshald í Vági er nakað fyri seg - Hetta er eitt ógvuliga hugnaligt kvøld í Vági, og eg eri líka spentur hvørja ferð – spentur eftir at síggja, hvussu veðrið fer at hátta sær, og hvussu alt tiltakið annars fer at taka seg út, sigur formaðurin í nýggjársnevndini, Búi Dahl í Vági Vilmund Jacobsen Í Vági verður serliga nógv gjørt burtur úr seinasta degi í árinum og gamla­árskvøldi, og tá stóra til­ takið við faklagongu, báli og stór­ um fýrverksshowi er liðugt eftir mid­ nátt, verður stórdansur á Eiðinum. Í Vágs Høll fara Showmenn við Kim Han­sen, Eyðuni & Terja at spæla, og í VB-hús­inum fara Hans Jacob & Vin­ menn at spæla. Trúgvir stuðlar Formaður í nýggjársnevndini í Vági er Búi Dahl, og hóast hann er í bestu ár­ um, hevur hann verið partur av hesum í eini 25 ár. Tað sama hava aðrir eisini verið. - Vit eru fleiri, sum hava verið við, síðan vit vóru smádreingir. Páparnir vóru við, og tá teir góvust kanska mið­ skeiðis í nítiárunum ella har umleið, tóku vit yvir, og nú eru børnini hjá okk­ um eisini við. Búi Dahl sigur, at nýggjárshaldið so­ leið­is hevur partur av hansara til­veru alt lívið. - Hetta er eitt ógvuliga hugnaligt kvøld í Vági, og eg eri líka spentur hvørja ferð – spentur eftir at síggja, hvussu veðrið fer at hátta sær, og hvussu alt tiltakið annars fer at taka seg út. Tað er ikki sørt, sigur hann brosandi, at adrenalinið koyrir runt í kroppinum henda dagin. Hann vísir á, at hóast fýrverkið, sum árini eru liðin, er vorðið størri og flott­ ari, so hevur kortini verið skotið á nøku­lunda sama hátt í fleiri ár, har kúl­ urnar eru í einum øki fyri seg – batt­ar­í­ ini fyri seg. - Tað eru eisini í stóran mun somu menn, sum hava skotið fyri okkum ár und­an ári, og onkur hevur kanska skotið í eina fjórðingsøld, sigur Búi Dahl. Ymisk tiltøk Men, tað verður eisini ymiskt annað á skránni í Vági seinasta dag í árinum. Í tímunum frá klokkan 10-12 bjóðar nýggjársnevndin til ókeypis almennan morgunmat í Garðslon, sum er á Vágs­ vegi 114. Hetta er í gamla Billiars­hús­in­ um, og her eru øll hjartaliga vælkomin. Vanliga plaga eini 250-300 fólk at koma til morgunmatarborðið, og eingin verð­ ur koyrdur avstað aftur. Klokkan 10 byrjar eisini kirkjurenn­ ingin, sum verður frá Vágs kirkju til Porkeris kirkju og aftur til Vágs. Búi Dahl vísir á, at klokkan 12.30 lata dyrnar upp til barnatiltak í VB-hús­ inum, sum byrjar klokkan 13. - Her verður ymiskt undirhald, spøl, andlitsmáling, og Ingi Poulsen fer eisini at syngja fyri børnunum, leggur hann aftrat. Faklagongan hjá monnum fer frá Vágs Skipasmiðju klokkan 23.45, og fakla­gongan hjá kvinnum byrjar við Meinig­heitshúsið, tá menninir koma vest­ureftir. Búi Dahl sigur, at bálið og stóra fýr­ verksshowið verða á Tríkantinum og Sand­inum, og sum vant verður sálm­ urin – “Tíðin rennur sum streymur í á” – sungin, áðrenn faklarnir verða tveitt­ ir í bátin. Filmur um haldið Teir báðir, Uni Arge og Hans Petur Hansen, hava eisini gjørt ein film, sum lýsir nýggjárshaldið í Vági. Hetta eru upp­tøkur, sum eru gjørdar yvir tvey nýggjárshald fyri at fáa tað mesta við, sum fer fram í Vági ein slíkan dag og gamlaárskvøld. - Vit hava latið henda film gera, og hann kann eisini keypast av áhugaðum, sigur Búi Dahl, sum longu nú er farin at gleða seg til stóra nýggjárshaldið í Vági. Nógv ymiskt á skránni í Vági í desember Vilmund Jacobsen F ram til nýggjárs verður nógv ym­ iskt á skránni í Vágs kommunu, sum hevur við jól og nýggjárið at gera. Nú fríggjadagin hin 13. desember klokk­an 18 verða jólini sungin inn í Vágs kirkju. Her verður Lusiagongd og barna­kór, og prestur verður, Patric Con­way de Neergaard. Dagin eftir – sunnudagin hin 15. des­ emb­er – verður skipað fyri nissu­renn­ ing hjá Hvistuni, og her verður mtt í nissu­húgvu. Her verður byrjað og endað við Hotel Bakkan. Klokkan 16 sunnudagin komandi verða jólini sungin inn í Frelsunar­her­ in­um. Ein annað tiltak, sum Frelsunarher­ urin eisini skipar fyri, er jólaverkstaður, sum verður leygardagin 21. desember frá klokkan 11-15, og her eru øll væl­ komi­n, bæði ung, gomul, lítil og stór, sum tikið verður til. Jólaaftan verður jólagudstænasta í Vágs kirkju, og her verður Patric Con­ way de Neergaard prestur. Fara vit til 1. Jóladag, verður lestur í Vágs kirkju klokkan 11 henda dagin, og klokk­an 18 verður møti fyri alla familj­ una í Bethel. Á gudstænastuni, sum verður í Vágs kirkju 2. jóladag klokkan 11, verður Jens Mortan Mortensen, prestur, og henda dagin klokkan 16 verður árliga jóla­ veitsl­an hjá Frelsunarherinum og møti fyri alla familjuna í Bethel klokkan 18. Í Vági verður nógv gjørt burtur úr fýrverkinum Búi Dahl er formaður í nýggjársnevndini í Vági