týsdagur 10. desember 2019síða 28

Mikudagur 11. desember 2019 · Nr. 143 28 Sosialurin JÓL Í FØROYUM Piparkøkuhús Piparkøkuhúsið hevur sín uppruna í Týsklandi í 16. øld. Hesi flottu køku­ húsini, sum vóru prýdd við silvur- og gullpappíri vórðu við tíðini partur av jólatraditiónini har. Køkuhúsini vórðu alsamt betur umtókt, tá brøðurnir Grimm í 1812 góvu út ævintýrið um Hans og Gretu, har børnini koma fram á eitt hús, ið er gjørt av kaku, góðgæti og øðrum góðum. Tað er ikki heilt víst, um piparkøkuhúsini vóðu umtókt av ævintýrinum, ella um tað var ævintýrið, ið varð umtókt av køkuhúsunum. Tilfar: 250 gram av smøri 200 gram av myrkum muscovadosukri 7 súpuskeiðir av ljósum siropi 600 gram av hveitimjøli 2 súpuskeiðir av natron 4 teskeiðir av ingifer Tilfar til prýði: 200 gram av tunt skornum mandlum (ikki hakkaðar) 2 eggjahvítar 500 gram av florsukuri 125 gram av lítlum sjokolátafingrum Fitt av blandaðum bommum í litum, sum tær dámar 1 skumfidusu til skorsteinin Etandi silvurkúlur Mannagongd Set ovnin á 200° ella á 180°, um tú nýt­ ur luft. Smelta smørið, sukurið og siroppin á eini pannu. Blanda mjølið, natronið og tað malna ingiferi saman í einum stórum bolla, og rør síðani smør­blandingina í til deiggið verður hart. Er tað torført at fáa at hanga sam­an koyr so eitt lítið vet av vatni í eisini. Klipp skapilónina út. Legg eitt petti av bakipapíri á borðið og rulla síðani ein fjórðing av deigginum út á papp­ írið. Tað skal vera á leið 5mm tjúkt. Sker eina síðu av húsinum út eftir skapi­l­ónini og flyt síðani baki­papp­ írið - við húsasíðuni á - á bakiplátuna. End­urtak hetta, til tú hevur tveir síðuveggir, vegg framman, vegg aft­ an, og tvær takplátur. Eru deiggj­ leivd­ir ber til at gera jólatrø ella okk­ urt annað eyka til húsið. Vel tær skornu mandlurnar, sum eru í besta standi og prika tær inn í tak­ síðurnar við tí spísku síðuni fyrst, so tær líkjast takflisum. Baka allar síð­ urnar í 12 minuttir, ella til deiggið er hart og eitt sindur myrkt á síðunum. Lat síðurnar kølna eitt lítið sindur og snøgga tær síðani við einum knívi. Lat kølna. Koyr eggjahvítarnar í ein stóran bolla og síla florsukurið í. Rør saman til tjúkkan glasur. Koyr glasurin í ein sproytiposa við miðalstórum túti. Sproyta nokk av glasuri á veggja­síð­ ur­nar, so síðurnar kunnu klistrast sam­an. Set til dømis eitt lítið ílat inn í húsið, so tað stuðlar veggjunum. Lat torna í nakrar tímar. Flyt ílatið innan úr húsinum og set síð­ani á sama hátt tak­plát­ur­ nar á. Takið er høgt, so best er at halda plát­unum føstum í nakrar minuttir, til glasururin verður harður. Lat torna ordiliga til næsta dag. Prýð húsið Sproyta nakað av glasuri eftir vegg­unum og líma soleiðis sjoko­láta­fingr­arnar liggjandi á. Brúka tríggjar stand­andi sjoko­látafingrar til hurð­ina. Brúka somuleiðis glasur til at seta góðgætið fast kring hurðina og framm­anfyri á húsinum. Eisini ber til at gera glerpípur við sproyti­pos­an­ um soleiðis: Halt tútinum 90 gradir frá takinum og trýst glasur á stødd við eina ertur úr. Hála tútin nið­ur og síðani av – glasururin verð­ur hálaður niður við einum spískum enda. Ger hetta allan vegin runt húsið. Klipp skumfidusina, so hon líkist einum skorsteini, og koyr glasur om­ an­yvir, so tað líkist kava. Hevur tú gjørt jólatrø av leivd­un­ um av deigginum, so ber til at prýða hesi við glasuri og silvur kúlum. Støva húsið við florsukri, so tað líkist kava. Legg eina lítla rás av bommum frá hurðini og út á borðið og set trøini framvið. Piparkøkuhúsið húsið kann etast í eina viku, áðrenn tað spillist Uppskriftin er frá Good Food magazine, januar 2008 Heimsins størsta piparkøkuhús til vælgerandi endamál Heimsins størsta piparkøkuhús varð bakað og bygt 30. november 2013 í Texas, USA. Køkuhúsið var 18,28 metrar langt, 12,8 metrar breitt og 18,28 metrar høgt. Vitjandi fingu høvi til at hitta sjálvan jólamannin inni í yvirstóra køkuhúsinum, um tey altso góvu eina peningagávu til Saint Joseph's Hospital, sum innsavning til nýtt trauma sentur. Uppskrift: NÚ: Í dag er vanligt, at piparkøkuhús verða bakað á familjutiltøkum á jólamarknaðum kring heimin. Skapilónin til piparkøkuhúsið kann klippast út á s. 30