týsdagur 17. desember 2019síða 34

Mikudagur 18. desember 2019 · Nr. 146 2 Sosialurin JÓL Í FØROYUM Jólini í Skúvoy meira friðarlig nú - Her eru ikki so nógv fólk eftir, so fleiri av teimum tiltøkum, sum plagdu at vera, eru ikki longur, sigur borgarstjórin í Skúvoyar kommunu, Harry Jensen Vilmund Jacobsen Tað, sum hevur fylt mest hjá Skúvoyar kommunu seinastu tvey árini, er helst arbeiðið at fáa kloakkskipanina gjørda eftir krøvunum frá myndug­ leik­unum. Harry Jensen vísir á, at komm­unustýrið í samband við hetta arbeiði valdi at burtur­ beina allar rottangar og seta ein felagstanga til alla bygdina ístaðin. - Fyri eina so lítla kommunu sum okkara var hetta eitt ógv­ u­liga stórt og kostnað­ar­mikið arbeiði. Hetta hevur kostað kommununi so mikið nógv, at tað er ikki nógv annað at gera enn at verja borg og ikki brúka meira pening enn hægst neyð­ ugt tað, sum er eftir av skeiðn­ um. Spurdur, hvat hevur verið gott og minni gott í árinum, sum nú gongur móti endanum, heldur Harry Jensen, at nógv er ikki at siga um hesar spurn­ ingar. - Okkurt er gott, og okkurt er minni gott, men sum heild hevur alt verið rímiligt, heldur hann fyri. Kríatúrini passast Jólini hjá borgarstjóranum verða hildin í Skúvoy við tí, sum hoyrir jólunum til – við góðum mati og kirkjugongd. - Konan hevur mammu á Sandi, so um veðrið loyvir tí, verð­ur hon kanska onkran dag sam­an við henni og børnunum, sum eisini verða har. Harry Jensen vísir á, at hann hevur væl av seyði í fjós­ in­um, høsn og tveir hundar, og tey skulu eisini hava tað gott á jólum. - Kríatúrini gera eisini, at tú noyðist út at geva teimum, og tískil kanst tú – heldur ikki um jólini – bara bíða eftir næstu mál­tíð, sum hann tekur til. Friðarlig jól Borgarstjórin sigur seg eisini vóna, at veðrið verður hampi­ ligt um jólini, tí sum hann vísir á, so eru tey í Skúvoy slett ikki mann­aði, um stormskaðar skuldu rakt bygdina. - Her eru ikki so nógv fólk eftir og fleiri av teimum tiltøk­ um, sum plagdu at vera, eru ikki longur. So, jólini eru meira frið­arlig nú, sigur Harry Jen­ sen í Skúvoy. Jólini hjá borgarstjóranum verða hildin í Skúvoy við tí, sum hoyrir jólunum til – við góðum mati og kirkjugongd Eysturoyartunnil kemur at broyta Sjóvar kommunu - Truplasta tíðin var í heyst, tá sjúkan hjá pápa versnaði skjótt, og hann legði árarnar inn. Um sama mundið gjørdist eisini ein beiggi mín álvarsliga sjúkur. Men, sjálvt um hetta var ein svár tíð, so var hon eisini rík, tí hetta savnaði alla familjuna á ein heilt serligan hátt, sigur Artur Johansen Vilmund Jacobsen Artur Johansen, borgarstjóri í Sjóvar kommunu, ásannar, at byrjanin av hesum valskeiði var ikki sørt spennandi, tí bor­ ingin av Eysturoyartunlinum skuldi byrja fyrst í 2017. - Hetta førdi við sær, at stór­ ur áhugu var fyri okkara øki, bæði viðvíkjandi búseting og vinnu. Borgarstjórin vísir á, at komm­unustýrið tíðliga í hes­ um valskeiði setti sær fyri at fara í holt við nýggjar útstykk­ ingar, og nú 2019 syngur sein­ asta ørindi, so kunnu tey í Sjóv­ar kommunu staðfesta, at tey eru um at verða komin á mál við hesum ætlanum. - Økti áhugin fyri búseting førdi eisini við sær, at tørvurin á stovnsplássum øktist skjótt, og vit kunnu fegnast um, at í september 2019 kundu vit bjóða okkara borgarum tríggj­ ar nýggjar vøggustovur við til­ samans 36 vøggu­stovu­pláss­ um. Hvat fer so at henda í Sjóvar kommunu í 2020? - Vit fara at gera lidnar onkr­ ar verkætlanir, sum eru byrj­ aðar í 2019 og fyrr. Á vinnuliga økinum eru vit í gongd við at umvæla og víðka vinnuøkið við Hulkin á Strondum og at gera eitt nýtt vinnuøki við tunnils­munnan á Eystur­oyar­ tunl­inum. Borgarstjórin vísir á, at komm­unan eigur eisini nógvar ognir, sum alla tíðina krevja við­líkahald, og í 2020 verður nógv orku løgd í viðlíkahald av bygn­ingum, skúla, barnagarð, bygda­húsið og kommunu­ skriv­stovuna, og harumframt skulu umvælingar og betringar gerast á Eysturoyar Røktar- og Ellis­heimi. - Vit fara eisini framhaldandi at útstykkja út á Strondum, Innan Glyvur, Kolbeinagjógv og á Selatrað, og í 2020 ætla vit at ”vetrarfriða” Selatrað, so­ leiðis at vit í 2020 eru komin á mál við vetrarfriðing av øllum bygd­um í kommununi. Borgarstjórin sigur, at tey eisini fara at halda fram við fríðk­an og øllum tí, sum tey merkja, at borgarin í komm­ ununi ynskir og virðismetir. Hvat var tað keðiligasta í árinum? - Tað eru sjálvandi nógvar hend­ingar í 2019, sum vit minn­ast aftur á við gleði og sorg. Truplasta tíðin var nú í heyst, tá sjúkan hjá pápa versnaði skjótt, og tá hann legði árarnar inn fyri seinastu ferð í oktober. Um sama mundið gjørdist ein beiggi mín eis­ini álvarsliga sjúkur. Men, sjálvt um hetta var ein svár tíð, so var hon eisini rík, tí hetta savn­aði alla familjuna á ein heilt serligan hátt. Hvat var tað besta? - Vit kunnu eisini fegnast um nógvar góðar hendingar og løt­ur í 2019. Eg eri blivin mammu­beiggi, pápabeiggi og ommubeiggi í árinum, men eg fegn­ist serliga nógv um, at sjúk­an hjá beigga mínum ”kopp­aði” tann rætta vegin, og at hann eftir øllum at døma er blivin frískur. Artur Johansen sigur seg eisini fegnast um, at tað gong­ ur væl í samfelagnum, og hann vónar ikki, at góða tíðin fer at fáa føroyingar til at liva yvir evni. Hvar verða jólini hildin? - Eg eri elstur av sjey systkj­ um, sum øll eru gift og hava børn og kona mín, Marjun, er yngst av fýra systkin, sum eis­ ini eru gift og hava børn. Børn­ ini í Strandafamiljuni eru fram­vegis smá og hálvvaksin, og í Skálafamiljuni eru tey væl undan­komin og hava børn sjálvi, og tí er munur á jóla­aft­ an. Artur Johansen sigur, at familjan heldur rættiliga fast við, at tey jólaaftan skulu saml­ast til báðar síður í familj­ uni, annað hvørt ár. - Í ár eiga vit at verða saman við Strandafamiljuni, so vænt­ andi verður eitt sindur rokaligt í ár. Men, jólini eru ikki bara jóla­aftan, og eisini 1. og 2. jóla­ dag eru vit saman til góðan mat og hugnaliga samveru, legg­ur borgarstjórin í Sjóvar komm­unu aftrat.