týsdagur 17. desember 2019síða 44

Mikudagur 18. desember 2019 · Nr. 146 12 Sosialurin JÓL Í FØROYUM Vilmund Jacobsen Brynhild Sørensen er borgarstjóri í Húsa­víkar kommunu, og tað er mangt, hon fegnast um, nú 2019 gongur móti enda­num. - Eg fegnist um, at ferð aftur er komin á kloakkarbeiðið - spillivatnsætlanina - sum varð góðtikin í 2013. Hetta skeiðið eru umleið 500 metrar av kloakk lagdir niður í Húsavík, og tað merk­ir, at meginparturin av Stórá nu er rein. Pen­ingur er aftur settur av til kloakk­ ar­beiði, so hildið verður fram í komandi ári. Borgarstjórin vísir á, at kom­munu­ stýrið hevur samtykt at fara undir verk­ ætlanina at sóttreinsa drekkivatnið í Dali og Húsavík. Peningur er settur av til hetta arbeiðið, sum kostar tað mesta av einari álíkning hjá kommununi. - Vegur er gjørdur til nýggju út­ stykkingina Sunnan fyri Á í Húsavík, og nýggjur drekkivatnsbrunnur til Skarva­ nesar er projekteraður. Til­búgv­inga­ rætlan, sum fevnir um Húsavík, Dal, Skarva­nes og Djúpadal, er gjørd og varð latin Fiskimálaráðnum til viðmerkingar hin 1. november í ár, sigur Brynhild Søren­sen. Ymiskt er á skrá Borgarstjórin sigur, at kommunan eisini hevur brúkt fitt av peningi til viðlíkahald av bygningum, sum kom­ mun­an eigur, umframt at gøtuljósini leyp­andi verða skift út til led-ljós. - Í samstarvi við kommunustýrini í Sandoyar sýslu verða trý nýggj køm­ur nú bygd aftrat í sambýlinum á Skeri­ num í Skopun, og Sandoyar Barna­ vernd­ar­tænasta hevur fingið eina upp­ normer­ing, soleiðis at eftir nýggjár 2020 verður søkt eftir einum fólki aftrat til tænastuna. Hetta eru mál, ið eg sum borgar­stjóri og vit sum kommuna fegnast um. Hvat fer at henda í tíðini, sum er eftir av hesum valskeiði? - Í 2020 verður farið í holt við ar­ beiðið at sóttreinsa drekkivatnið. Hús til reinsiverkini skulu byggjast, bæði í Dali og Húsavík, og samstarvað verður við Nomatek um verkætlanina. Eisi­ni verður hildið fram við kloakk­ arbeiðinum. Brynhid Sørensen sigur seg vóna, at drekkivatnsbrunnurin á Skarvanesi eisini verður settur upp í komandi ári, og peningur er settur av til hetta ar­ beiðið. Ein spennandi tíð Í Húsavíkar kommunu kunnu tey fegn­ ast um, at fólkatalið í 2019 er vaksið, og at barnatalið eisini er vaksið. - Vit gleðast um, at Dalstunnilin nú er farin í gongd. Hetta er ein verkætlan, sum landsmyndugleikarnir hava sett í verk og standa fyri. Hjá okkum er at vóna, at arbeiðið við Dalstunnlinum ikki tekur ov langa tíð. Brynhild Sørensen fegnast eisini um, at undirsjóvartunnilin í Sandoynna fer at geva oynni atgongd til allar teir møgu­leikar, sum dagsins samfelag og liviháttur krevur, umframt at fasta sam­ bandið fer at betra um møgu­leikarnar, bæði innan trivna og vinnu. Hvat var tað keðiligasta, sum hendi í 2019? - Her í kommununi eru vit spard fyri keðiligar hendingar, og tað eru vit takksom fyri. Men, tankarnir eru hjá teimum, sum hava mist onkran av sín­ um hetta árið. Tað hevur týdning Hvar og hvussu fer borgarstjórin at halda jól í ár? - Ætlanin er, at jólini verða hildin saman við mínum kæru - manni, børn­ um og ommubørnum. Jólaaftan eru vit boðin til Havnar til eldru dóttrina og hennara. At fara í kirkju og sita undir orði­num, njóta friðin í kirkjuni, syngja jóla­sálmar og hoyra prædikur og lestur hevur týdning fyri meg, sigur Brynhild Søren­sen, sum ynskir øllum eini gleðilig jól og eitt gott nýggjár. TUNLAR FARA AT BROYTA UMSTØÐURNAR Í OYNNI - At fara í kirkju og sita undir orðinum á jólum, njóta friðin í kirkjuni, syngja jólasálmar og hoyra prædikur og lestur hevur týdning fyri meg, sigur Brynhild Sørensen, borgarstjóri í Húsavíkar kommunu - Vit vóna, at arbeiðið at byggja Dalstunnlinum ikki fer at taka ov langa tíð, sigur Brynhild Sørensen, borgarstjóri í Húsavíkar kommunu Í Húsavíkar kommunu kunnu tey fegnast um, at fólkatalið í 2019 er vaksið, og at barnatalið eisini er vaksið