týsdagur 17. desember 2019síða 50

Mikudagur 18. desember 2019 · Nr. 146 18 Sosialurin JÓL Í FØROYUM Heilsuverkið bjargaði dóttir míni - Pápi mín doyði fyri einum stórum ári síðan, men áðrenn ringasti skelkurin og sorgin vóru linkað, leyp næsta skriðan. Pápi var nóg gamal til at fara í annað ljós, men tað var dóttir mín ikki. Um hjálpin ikki var so óvanliga skjót, hevði eg mist mína elstu dóttir, sum bara var komin í hálvan aldur, sigur Tórbjørn Jacobsen, borgarstjóri, sum vit hava sett nakrar spurningar Vilmund Jacobsen Jólini 2019 verða tey seinastu, áðrenn kommunuval verður aftur næsta heyst. Hvørji mál ert tú serliga fegin um, at býráðið higartil hevur framt? - Umframt alt tað, sum vit hava gjørt úti á smáu bygdunum í kommununi, fegnist eg í stóran mun um, at vit hava víðkað munandi um havnarlagið, sum Runavíkar havn umsitir, serliga í økin­ um eystan fyri við Skálafjørðin. Tórbjørn Jacobsen vísir á, at út­ stykk­ingarnar í Rituvík, Skála og í Salt­ angará/Runavík vóru alneyðugar, og komið verður á mál við teimum um eitt ár. Væntandi verður eisini útstykkjað í Æðuvík í næstum. - Ljósini til fótbóltsvallirnar í Runa­ vík og á Skála eru annað mál, og tað kann nú vera, at tað, sum rættiliga verð­ur eitt lop í kommununi, er, at ung­ dóm­urin nú umsíðir fær eitt savn­ing­ ar­stað í Gulu Smiðjuni, og at vit skriv­ liga hava bundið okkum til eina deteil­pro­jektering av nýggjari svimji­ høll, sum vónandi og væntandi stendur liðug í 2022. Tórbjørn Jacobsen ásannar, at hetta er stór fíggjarlig avbjóðing, kanska tann størsta hjá kommununi nakr­an­ tíð, men hann heldur, at ein nútímans býur og kommuna eigur at kunna bjóða sínum borgarum henda møgu­ leik­an. Ikki arbeiðsleysur Hvat fer at henda í tíðini, sum er eftir av hesum valskeiði? - Umframt rakstrarliga gerandis­dag­ in er peningur settur av til íløgur fyri hálvthundrað miljónir krónur í 2020. Hesar hava partvíst nakað nógv við tað at gera, sum eg havi nevnt, men fleiri íløgur eru umframt hetta, og tær skulu avgreiðast. Tórbjørn Jacobsen sigur, at hann tí­ skil heldur ikki verður arbeiðsleysur í ár­in­um sum kemur. Hann væntar eisini, at valstríð fer at merkja árið 2020, nú val verður til kommunurnar hin 10. november næsta ár. - Longu nú er valfepurin farin at merkj­ast, og nú jólaborðhald varð hildið í kommununi fyri øllum, sum starv­ast í hennara regi, boðaði borg­ar­ stjór­in í røðu frá, at hann ætlar sær at stilla upp aftur á valinum komandi, um hann verður uppstillaður. Hvat tað røkk­ur til – ja, tað spyrst, um livst. Borg­ar­in eigur kommununa, og hann eig­ur avgerðina. Skelkur í familjuni Hvat var tað keðiligasta sum hendi í 2019? - Politiskt kann eg ikki minnist, at nakað var keðiligari enn tað, tú kanst vænta í einum sessi sum hesum. Pol­it­ isk­ir oddasessir eru ikki fyri sartar sálir, og tí er hvøljan hesi árini vorðin nóg tjúkk til at kunna taka sjálvt tað harð­asta trýstið. Tórbjørn Jacobsen vísir á, at per­són­ liga hendi kortini okkurt, sum órógvaði meiri, enn gott var. - Herfyri var eg í Klaksvík og spældi, sang og segði okkurt fyri teimum, sum hava sína dagligu gongd í gamla hús­in­ um hjá Norðoya Banka, sum nú gongur undir heitinum ”Gloym meg ei”. Borgarstjórin sigur, at pápin doyði fyri einum stórum ári síðan, og tað var ikki meiri enn, at ringasti skelkurin og sorgin vóru linkað, tá leyp næsta skrið­ an. Deyðin var farin at gera um seg. - Pápi mín, sum eisini var vinur okkara, var nóg gamal at fara í annað ljós, men tað var dóttir mín ikki. Ein dag­in, eg verið eini ørindi í Havn og kom akandi út millum Fjarða - tá møti eg sjúkrabilinum, sum koyrdi alt tað, hann var mentur, sigur hann. Mundi mist dóttir Tórbjørn Jacobsen sigur, at eina løtu eftir, at hann hevði møtt sjúkrabilinum, ringdi versonur hansara. - Hann segði mær, at dóttir mín lá á børuni í hesum skundiga akfari. Hon arbeiddi/ arbeiðir hjá Almanna­verk­in­ um og ”Gloym meg ei” í Klaksvík, út­ búgv­in bachelorur í námsfrøði, og nú var hjartað fyrigingið. Steðgað. Hon brast í gólvið norðuri í Klaksvík, lívið hvarv, og var hjálpin ikki so óvanliga skjót á staðnum, hevði eg mist mína elstu dóttir, sum bara var komin í hálv­ an aldur. Tórbjørn Jacobsen ásannar, at einki kann vera keðiligari enn hetta, men nú er dóttirin farin at ernast aftur. - Heilsuverkið bjargaði henni, og tað var hon, sum fekk meg norður hós­ kvøldið at hugna um til jólaborðahaldið hjá henni og teimum sum starvast og halda til í tilhaldinum. Sjálvur fekk eg á henda hátt bundið eina sloyfu á - utt­ an sambering - ta ringastu og keði­lig­ astu hendingina í 2019, sigur hann. Hvat er tað besta, sum er hent í 2019? - At Kongshavnar Kvinnufelag gav Gulu Smiðju stórfingnu gávuna á 2,5 miljónir krónur fyri at fáa ungdóm­in­ um í býnum eitt savningarstað. Hitt er, at eg fekk høvi at skriva undir sáttmála um at svimjihøllin í Runavík umsíðir verð­ur neyvætlað, soleiðis, at vit fáa boðið út arbeiðið at byggja høllina á vári 2021. Jólini hjá Tobba Hvar og hvussu fer borgarstjórin at halda jól í ár? - Tað verður ein skáksigling millum heimbygdina Glyvrar og Havnina. Skift verð­ur millum mína egnu slekt og slekt­ina hjá konuni. Seinnapartin jóla­ aft­an siti eg saman við børnunum á mínum fasta beinki í Glyvra kirkju. Tað mesta av kvøldinum verður hildið sam­ an við slektini hjá konuni og á midnátt fari eg aftur í kirkju, hesaferð hjá katol­ ikk­unum. Tórbjørn Jacobsen sigur, at jóladag vera tey hjá einari systir hansara, og síð­an fara restin av jólunum í stóran mun til at avstreingja seg sjálvan til eitt nýtt arbeiðsár. - Annars havi eg verið til skips eini 25 jól, og tey vóru ikki tey ringastu, hó­ ast hóvastákið var væl minni enn skund­anin inn og út úr krambúðum, har tað ræður um at gelda peninga­ pung­in einaferð fyri allar, sigur borg­ar­ stjór­in í Runavíkar kommunu. - Jólini verða ein skáksigling millum heimbygdina Glyvrar og Havnina. Skift verður millum mína egnu slekt og slektina hjá konuni, sigur Tórbjørn Jacobsen