týsdagur 17. desember 2019síða 66

Mikudagur 18. desember 2019 · Nr. 146 34 Sosialurin JÓL Í FØROYUM Myrku og køldu kvøldini upp undir jól eru góð tíð at hyggja eftir filmum – og alt nýtist ikki at vera jólafilmar. Her fáa tit nøkur viðmæli um filmar til vøkru jólatíðina Jaws GÓÐIR FILMAR TIL JÓLATÍÐINA Tað verður trupult at koma ígjøgnum des­em­ber mánað uttan at síggja okk­ urt til »Home Alone« film­ar­nar. Fyrsti film­ur­in kom í 1990, og ann­ar filmurin kom í 1992. Hetta eru teir báð­ir film­ar­ nir við upp­runa­ligu sjón­leik­ar­unum. Filmar­nir snúgva seg um Mc­All­ist­er familju­na, sum skal ferðast, men sum gloym­ir drongin Kev­in eftir – fyrst heima í Chicago og síðani í New York. Film­arnir eru her­liga undir­hald­andi fyri alla familju­na, og tað tykist næst­ an líka­mik­ið, hvussu ofta tú hevur sæð filmar­nar – tað ber altíð til at síggja teir einaferð aftur­at. Tá ið ein stórur hávur fer at gera um seg í einum frítíðarøki, taka eina løgreglumaður og ein havfrøðingur seg saman og fara at jagstra risastóra hvalin. »Jaws« er ein av stóru klassikarunum í søguni. Filmurin frá 1975 spælir upp á eina kenda ræðslu fyri tí, sum er at finna í havdýpinum. Steven Spielberg leikstjórnaði filmin, sum byggir á skaldsøgu hjá Peter Benchley. Filmurin sæst á Netflix. Í løtum líkist Dr. Henry Jones einum keðiligum skúlalærara, men við eyðkenda hattinum á høvdinum umskapast hann til eina djarva hetju, sum kann finna fram goymdar skattir og samstundis stríðast við harðrendar brotsmenn. Røðin um Indiana Jones er ein tann best umtókta í filmssøguni. Fýra filmar eru í røðini, og teir kunnu allir síggjast á Netflix. Indiana Jones Home Alone Love Actually 15 ára gamli filmurin »Love Actually« er ein nýggjari jólaklassikari. Í filminum fylgja vit átta ymiskum pørum og teirra trupuleikum at fáa kærleikan at rigga. Filmurin gongur fyri seg í jólatíðini, og onkrar av søgunum flættast saman. Nógvir kendir sjónleikarar hava leiklutir í filminum – eitt nú Keira Knightley, Colin Firth, Liam Neeson, Hugh Grant og Rowan Atkinson. Filmurin er bæði stuttligur og fangandi, og við sínum lætta huglagi er hann undirhaldandi. Filmurin kann síggjast á Netflix. Night At The Museum Fráskildi Larry Daley fær arbeiði sum náttarvaktur á Museum of Natural History. Hann fær ein ordans skelk fyrstu náttina, tá ið útstillaðu djórini og persónarnir livna. Har verður nógv at halda skil á, og Larry fær góð ráð frá teimum eldru náttarvaktunum. Eina nátt bjóðar Larry soninum hjá sær við á savnið, og júst hesa náttina hendir nakað illgrunasamt. Teir gomlu náttarvaktirnir ætla at stjala ein egyptiskan fornlut, og so brennir eisini undir Larry og soninum. Hetta er ein stuttligur familjfilmur, sum riggar væl til eitt desemberkvøld. Filmurin sæst á eitt nú Viaplay. Christmas Inheritance Alpha stendur til at arva familju­fyri­ tøkuna, men hennara atburður er stundum óvarin og flovisligur. Pápin heldur, at Alpha skal búnast meira, og hann sendir hana til heimbýin Snow Falls, sum Alpha einki kennir til. Hon skal hava eitt serligt jólakort við sær til ein fyrrverandi samstarvsfelaga hjá pápnum. Alpha verður innikavað á einum gistingarhúsi, og tá ið hon ikki hevur pengar við sær, má hon hjálpa til á hotellinum. Har hittir hon fólk – eitt nú listarmannin Jake. Hetta er hugnaligur jólafilmur, sum kann síggjast á Netflix. Tann kravdi Tann klassiski Tann ævin­týr­ligi Tann hugnaligi Tann jólaligi Tann nýggi Tann undir­haldandi Tann romantiski I’ll Be Home For Christmas Jackie er ein virkin advoktarur og støk mamma. Hon hevur úr at gera og gongur høgt upp í arbeiðið hjá sær. Men hon ætlar sær at halda eini hugnalig jól saman við átta ára gamla soninum. Upp undir jól bankar á dyrnar. Pápi hennara, sum hon ikki hevur havt nógv við at gera, er komin at vitja, og tað skapar órógv í lítlu familjuni. Jackie og pápin mugu fyrihalda seg til gamlar hendingar, samstundis sum øll ynskja sær eini friðarlig og góð jól. Filmurin kann síggjast á Netflix. The Irishman Legendur hittast í mafiastórfilminum hjá Martin Scorsese. Høvuðsleikarar eru Robert de Niro, Al Pacino og Joe Pesci. Og hetta er vorðið sum filmur. Ummælarar hava koyrt tumlarnar upp, og undirtøkan millum fólk hevur verið sera góð. Á einum ellisheimi minnist Frank Sheeran – spældur av Robert de Niro – aftur á tíðina sum drápsmaður hjá mafiuni, og hesum kemur ein spennandi søgugongd burturúr. Filmurin er tríggjar og ein hálvan tíma langur og kann síggjast á Netflix.