hósdagur 2. januar 2020síða 4

FRÍGGJADAGUR 3. JANUAR 2020 SOSIALURIN 1 4 Vit eru komin inn í eitt nýtt áratíggju. 0-ini og 10-ini eru farin aftur um bak og vit byrja uppá 20-ini. Her á gáttini sær út til at heimurin hev­ur stórar avbjóiðingar, sum skjøtil skal setast á í hesum ára-tígginum at loysa. Upphiting og dálking stada framm­arlaga eins og vit mugu rokna við at far at brúka meira grøna orku. Her í okkara lítla parti av heiminum fara vit at síggja tað sama, hóast kanska í minni mátistokki. Vit mugu fylgja við í alheims gongdini og taka okk­ara ábyrgd, sjálvt um vit kanska ikki síggjast aftur í stóru myndini. Samgongan, sum legði frá sær í farna ári, hevði ein politikk á økinum og tað hevur sitandi samgonga eisini. Ofta kann tykjast sum alt gongur ov seint, men vit mugu minast til, at tað tek­ur drúgva tíð at venda einum stór­um skipi. Løgmaður hevur sagt, at hetta er eitt øki, sum nógv fokus fer at verða sett á í hes­um valskeiðnum Ája! Vit hava broytt fiskivinnuskipanina aft­ ur, so hon líkist meira tí, sum var fyri 1. januar 2018. Tað er lætt at síggja, at vit kunnu vera óasamd um undanfarnu skipanina og so hesa, sum hendan samgongan sam­tykti. Politiskt er hetta ein greið ábending um, at vit í Føroyum á ongan hátt megna at gera breiðar semjur, tá ið tað snýr seg um tey stóru virðini. Ó­semju­r­nar eru so grundleggjandi politiskt. Mangan verður sagt, at vinnan ynsk­ir hetta ella hatta, men ofta verður gloymt at vinnan er í fleiri bólkum og har er heldur ongin semja. At hvør er sær sjálvum næstur í vin­uni er skiljandi, men fyri samfelagið hava allir politikararnir ábyrgd. Ája! Í heyst hava vit verið vælsignað við góð­ um vetrarveðri, hóast tað hevur verið vátt. Nú jólini fóru afturum hendi ein broyt­ ing. Ódnarveður hevur leikað í og skal ein lurta eftir veðurfrøðingunum, so fáa vit illveður komandi vikuna. Hvussu nógv veðurlagsbroytinganar hava at siga í hesum sambandi er illt at meta um, men tey klóku hava sagt, at tað verður líggjari veður um okkara leið­ir, men eisini meira avfall og meira vind­ur. Ája! Eitt búskaparliga gott ár fór afturum og í blað­num í dag sigur ein bú­ska­p­ar­frøð­ingur, at í løt­uni bendir onki á nak­að afturstig. Vónandi hevur hann rætt. Vit liva í stóran mun av náttúruni og henn­ara ríkidømi, so tað skal ikki so nógv til aat hótta okkum. Minni fiskur og hóttafall í alingini kunnu henda, men vónandi uppliva vit tað ikki nú. Vit eiga at halda fram við at betra okkara samfelag, so øll her , stór og smá, veik og sterk, halda at hetta er eitt gott land at búgva í. Vit mugu bara duga at stýra og umsita rætt. Ája! Vikan ið fór Sæð á Facebook: "Sera keðiligt og stressandi at arbeiða hjá ALS, segði ein. “Hví?” spurdi hin. “Tí”, svaraði hann, “um tú verður koyrdur, skalt tú allíkavæl koma til arbeiðsplássið dagin eftir”. Nú er frítíðarkortskipanin SPJALDUR hjá Runavíkar kommunu virkin. Við hesum fáa børn og ung ein kreditt á 2.000 kr. frá kommununi, sum tey kunnu nýta til at rinda fyri lima- og luttøkugjøld í samband við ítróttar- og frítíðarvirksemi Av trygdarávum vil IRF mæla fólki frá at goyma fýrverk til næsta nýggjár. Betri er, um tað verður burturbeint á rættan hátt, sum er at koyra tað í reyðu posarnar hjá IRF ella lata tað inn til eitt mannað endurnýtslupláss Sjúrður Skaale helt alternativa nýggjársrøðu á DR2 nýggjársdag. Her hugleiddi hann skemtiliga um Føroyar sum nýggja miðdepilin í ríkisfelagsskapinum og tók støði í Arktis og søgu um ævintýraran Sigert Patursson At svikarar gera um seg á samskiftisappuni Viber? Hetta hevur løgreglan ávarað um. Fleiri brúkarar hava fingið eini boð, har teir verða biðnir um at trýsta á eina leinkju fyri síðani at tøppa inn fleiri loyniorð, ið teir fáa sendandi umvegis SMS Nýggjár MEST NÝTTA ORÐIÐ HESA VIKUNA ...uppá ein minutt Hví 2020 er talið hesa vikuna, sigur seg sjálvt - gott nýggjár! 2020 Sprotin: Nýggjár h3 byrj­an at nýggjum ári, áramót, árs­skifti (eis. um ársins fyrstu dagar), á nýggj­ári­ num; halda nýggjár; gott nýggjár; millum jóla og nýggjárs Tað var ringt veður mestsum um alt land­ ið, nú vit fóru inn í tað nýggja árið, 2020. Fleiri nýggjárshald vórðu antin fram­ skund­að, avlýst ella útsett. Men nýggj­ árs­aftan bleiv klokkan 00 kortini, og nú skriva vit 2020 og eru í einum nýggj­um áratíggju. Í blaðnum hesa ferð hava vit tema um nýggja árið, har vit spyrja nakrar fyritøkur og stovnar um útlitini fyri hetta árið. Árni Gregersen, journalistur, skrivar Ája! Visti tú? At til ber at fáa hjálp frá Fólka­ heils­u­ráðnum at leggja av at roykja umvegis SMS? bara Sæð á Facebook: "Í 2019 var mítt nýggjárslyfti at vera nøgdur. Tí er mítt nýggjárslyfti í ár ikki at hava nakað nýggjárslyfti, tí so er tað okkurt, eg ikki eri nøgdur við, og Strúkur í vindi upp í av vestri, 13 til 20 m/s, stundum stormur, 23 m/s. Hitin um dagin um 2 stig, um náttina um frostmarkið 13-20 m/s 10-15 m/s LEYGARDAGIN FRÍGGJADAGIN SUNNUDAGIN Lítið lot av ymsum ættum, undir 5 m/s. Um náttina stívt andøvsgul upp í hvassan vind av útsynningi, 10 til 15 m/s. Hitin um 5 og 8 stig. Andøvsgul upp í ein strúk 8 til 13 m/s. Skýggjað og regn, seinni klárar í. Um náttina veksur hann vindin til strúk í vindi upp í skrið. Hitin alt samdøgrið millum 5 og 8 stig.