hósdagur 30. januar 2020síða 35

Samrøða 11 Turið Finnbogadóttir Arge 37 ár Gift við Otto Andreasen Tríggjar døtur: Rakul 21 ár, Christina 18 ár og Aleksandra 9 ár Familjan býr í Havn Í frítíðini dámar Turið væl at lesa, og venur eisini nakrar ferðir um vikuna. Harafturat eru tað børnini og familjan, sum verða raðfest í frítíðini. Útbúgvingar: HD í roknskapi og fíggjarstýring Cand.merc.aud MBA frá Henley Business School Broytingarleiðsla: Á framølu síni á Leiðaradegnum 2020 fer Turið F. Arge at tosa um broytingarleiðslu. Hetta fer hon millum annað at gera við at vísa á konkret og praktiskt dømi úr gerandisdegnum í BankNordik. Tá talan er um broytingarleiðslu, so eru tað eru økir, sum hon heldur eru serliga umráðandi. Hesi eru millum annað internt samskifti, innliming av lyklastarvsfólki, hvussu tryggjað verður at broytingar verða stuðlaðar og at skilja natúrligu mótstøðuna mótvegis broytingum. Eisini fer hon at vísa á dømi um veruliga royndir og støður, har tað ikki gekk sum væntað og at greiða frá, hví tað bleiv so.