mánadagur 17. februar 2020síða 23

23 Mánadagur 6. januar 2014 · Nr. 2 Sosialurin Mánadagur 17. februar 2020 · Nr. 20 Hugskot og viðmerkingar – send sms til 225000 KLUMMAN Tróndur sigur sína hugsan... Tað kom sum ein ordans skelkur, tá UEFA um vikuskiftið boðaði frá, at Manchester City er dømt at verða útihýst av Champions League komandi tvey kappingarárini. Hvør skuldi trúð tí? Í fleiri ár hava feløg sum Manchester City og Paris Saint Germain, hvørs eigarar eru ríkir statseigarar í Abu Dhabi og Katar, keypt seg til sigurs. Fleiri hava sett spurnartekin við framferðarháttin hjá feløgunum, og nú ber av hjá UEFA., sum á fyrsta sinni torir at traðka eitt av teimum stóru og ríku feløgunum á tærnar. Í ringasta føri kann revsingin eisini flytast yvir á Premier League, har Manchester City millum annað kann missa okkurt av meistaraheitunum, sum bleiv vunnið í tíðarskeiðnum, tá brotini eru framd. Millum annað í 2014, tá Manchester City vann meistaraheitið í harðari kapping við Liverpool. Manchester City hevur eisini fingið eina bót upp á 222 milliónir krónur. Orsøkin er, at Manchester City í tíðarskeiðinum 2012 til 2016 hevur brotið fíggjarreglurnar í Financial Fair Play reglugerðini. Millum annað er felagið dømt fyri at hava snýtt við tølunum viðvíkjandi sponsorum, fyri at lúka treytirnar, sum siga at eitt felag ikki kann hava meir enn 222 milliónir krónur í undirskotið upp á trý ár. Hartil er felagið eisini dømt fyri ikki at hava samarbeitt nóg væl. Felagið sigur í tíðindaskrivi, at avgerðin hjá UEFA ikki kemur óvæntað og at mann í Manchester City kennir seg órætt viðfarnan av evropesiska fótbóltssambandinum. Hetta er aðru ferð, at Manchester City hevur fingið dóm fyri óreglusemi í fíggjarviðurskiftinum. Felagið fekk í 2014 eina bót á 435 milliónir krónur. Felagið hevur millum annað roynt at fingið annan av høvðusákærunum kolldømdan, tí hann fyri einum ári síðani lak skjøl út til eitt nú New York Times. Manchester City hevur í løtuni tíggju dagar at kæra dómin hjá UEFA. Felagið hevur boðað frá, at málið verður eisini reist í ítróttardómstólinum CAS. Her skal ein avgerð fyriliggja áðrenn 23. juli í summar, tí tá byjar fyrsta evropesiska kappingin. trondur@sosialurin.fo Tróndur Arge Leygardagin varð 42. aðalfundur Fótbóltssamband Føroya. Aðal­ fundurin var í FSF-húsinum á Tórs­vølli.. Og talan gjørdist um ein friða­ligan fund, har FC Suðuroy tók síni uppskot aftur, skrivar Fót­ bóltssambandið. Fundurin byrjaði við at FSF- forsetin, Christian F. Andreasen bjóðaði vælkomin. Forsetin segði síðani minningarorð um fyrrverandi stovnara og formann í B71, Ragar Fossdalsá, sum andaðist í fjør. Aðalfundurin mintist Ragnar í tøgn í ein minutt. Rós frá FIFA og UEFA Altjóða fótbóltssamgongurnar FIFA og UEFA vóru eisini um­boð­ að­ar á aðalfundinum. Valentina Mer­colli frá UEFA, og Heidi Beha frá FIFA, róstu FSF og føroysku feløgunum fyri stóra arbeiðið, ið gjørt verður at menna fótbóltin í Føroyum. Umboðini fyri UEFA og FIFA søgdu seg eisini gleðast um at síggja, at stuðulin frá FIFA og UEFA varð nýttur til at betra um umstøðurnar kring vøllirnar hjá føroysku feløgunum. Eisini fegnaðust tær um, at verkætlanin at liðugtgera Tórsvøll nú nærk­ast endanum, og at hendan út­bygg­ ingin gevur FSF møguleika at bjóða seg fram at hýsa størri kappingum, so sum EM-endaspælinum hjá U17- gentum, sum verður í mai í 2021. 650 túsund í yvirskoti Síðani greiddi Christian F. Andrea­ sen, forseti, frá virksemi FSF’s í 2019. Roknskapurin seinasta ár gav eitt yvirskot upp á 650.000 krónur. Virksemið hjá FSF hevur ongantíð verið størri og í fjør spældu okkara landslið heili 54 landsdystir. Eginognin hjá FSF er nú 31,5 milliónir krónur. Samlaðu inntøkurnar hjá FSF í fjør vóru áleið 51,6 milliónir krónur, og út­ reiðslurnar 51 milliónir. Viðtøkur FSF’s vóru broyttar á Aðal­fundinum, soleiðis at tað nú er heimilað Starvsnevndini at gera broytingar í kappingarreglum, agareglugerð og leikarareglugerð. Aðalfundurin var tó samdur um, at møguligar broytingar í nevndu reglum tó altíð fyrst skulu umrøðast á formansfundi. FC Suðuroy tók uppskotini aftur FC Suðuroy hevði innsent trý upp­skot til broytingar. Tvey í kapp­ingar­reglunum og eitt í leikara­reglugerðini. Í vetur varð tó ein arbeiðsbólkur settur av Fót­bóltssambandi Føroya, sum skal koma við tilmæli um nýggja kappingarskipan og upp­ aling­ar­gjald, og eftir umrøðu á aðalfundinum avgjørdi FC Suður­ oy at taka síni uppskot aftur. Til seinast takkaði FSF-forsetin fyri ein góðan og siðiligan fund, og síðani varð fyrsta ørindi í Tjóð­ sanginum sungið. trondur@sosialurin.fo Aðalfundur: So langaði UEFA til FSF hevur havt aðalfund og vísti á eitt yvirskot á 650 túsund krónur í ár. FC Suðuroy tók uppskotini um broyttan kappingarleist aftur, men treytin er at ein bólkur heldur fram við at arbeiða við kappingarleistinum FÓTBÓLTSSAMBANDIÐ HEVUR EITT YVIRSKOT Á 650 TÚSUND KRÓNUR Í ÁR