týsdagur 25. februar 2020síða 40

Mikudagur 26. februar 2020 16 Sosialurin LESTRARBLAÐIÐ Føroya Fólkaháskúli er eitt av teimum fáu støðunum í dagsins samfelag, har gerandis­ dag­urin er skipaður, so tú fært tíð og rúm at for­djúpa teg við listini og tí kreativa. Her eru ongi krøv um karakterir, útsjónd ella próvtøkur. – Stutt sagt eitt stað, har tú kanst vaksa sum menniskja gjøgnum tína listaligu skap­ an. Og í tøttum felagsskapi, har vit búgva og liva saman í fleiri mánaðir í senn, sigur Hedvig Westerlund-Kapnas, stjóri á há­ skúlanum. Føroya Fólkaháskúli hevur skipað árið við einum langum heystskeiði, og so fleiri styttri skeium á vári. Stuttligt og skapandi Sum nakað nýtt hava tey nú valt at leingja heystskeiðið við tveimum mánaðum upp í eitt hálvt ár. – Hetta, tí luttakararnir á síðsta skeiði ynsktu flestallir, at skeiðið var longri. Tey sóu, at skalt tú veruliga koma í dýpdina við tín­um listaliga virksemi, mást tú hava meira tíð, sigur Hedvig Westerlund-Kapnas. Sambært stjóranum leggja tey stóran dent á at hava tað stuttligt í felagsskapinum, meðan næmingarnir menna sínar kreativu og listarligu gávur undir kønari vegleiðing frá væl skikkaðum undirvísarum. – Vit leggja stóran dent á tað kreativa, men eru eisini nógv úti í náttúruni og vitja ymsastaðni í landinum, sigur Hedvig Wester­ lund-Kapnas. Upplagt sum sabbatár Mong velja at fara á háskúla, áðrenn tey fara víðari á útbúgvingarleiðini. Hetta heldur Hed­vig Westerlund-Kapnas vera eina sera skila­góða avgerð. – Á háskúla fært tú ein skáa úr øllum resinum í skúlanum og samfelagnum, har tú ofta skalt røkka ávísum úrslitum, ella gera og vera, sum onnur krevja av tær, sigur háskúlastjórin. Háskúlastjórin, sum eisini hevur sam­ skip­að Ung í Føroyum í fleiri ár, sigur tað hava stóran týdning fyri ung at royna sínar listaligu veingir, tí tá kunnu tey kaga inn í seg sjálvi og vaksa saman við øðrum. – Her kanst tú droyma og royna ymiskt, sum tú annars ongantíð fært høvi til. Gjøgn­ um listina og felagsskapin kanst tú føra eina uppbyggjandi innari samrøðu um, hvat tú veruliga hevur hug til og vilt við lívinum, sigur hon. At hava dirvi at kiksa Eitt eyðkenni við háskúlanum er, at her er onki krav um støði ella royndir á listarliga øki­num fyri at vera á Háskúlanum, tí enda­ málið er eitt annað. – Tað ber til at elska at mála uttan endiliga at ætla sær at gerast professionelt listafólk. Tú kanst til dømis sita og mála og so kiksa full­komiliga. Kortini er tað ein sigur, tí tú hevði dirvi at royna teg, og harí liggur eisini skapa­n­in av tí nýggja og samleikaskapandi. Tí er um­ráðandi at hava dirvi til at leita út har vit vanliga ikki grynna, sigur Hedvig Wester­lund-Kapnas. – Her kanst tú droyma og royna ymiskt, sum tú annars ongantíð fært høvi til, sigur Hedvig Westerlund-Kapnas, stjóri á Føroya Fólkaháskúla Hugsa tær: Eitt hálvt ár at fordjúpa teg kreativt og fáa vinir fyri lívið Mynd: Sólmei Nolsøe FAKTA Vel millum tvær leiðir: - MYNDLIST & LISTAHANDVERK - PALLUR & ORÐ Tú skalt vera 16 ár við skeiðsbyrjan. Tey flestu eru vanliga undir 30 ár. Útlendingar eru eisini hjartaliga vælkomnir á háskúlaskeið. Undirvísingarmálið er føroyskt. Umsóknarskjalið finnur tú á www. haskulin.fo. GAMAL SKÚLI VIÐ SÁL Føroya Fólkaháskúla liggur í náttúruvøkrum og hugnaligum umhvørvi í Hornabø í Havn. Skúlin er gamal, men hevur fingið fleiri umvælingar síðstu árini. Eitt nú eru fleiri av kømrunum dagførd, meðan restin verður umvæld í næstum.