týsdagur 25. februar 2020síða 48

Mikudagur 26. februar 2020 24 Sosialurin LESTRARBLAÐIÐ Hví valdi tú júst hesa útbúgvingina? Eg las marknaðarførslubúskap á Glasi og ynskti at fáa eina bachelor aftaná. Eg fekk at vita, at tað møguliga kom ein top- up í innovatión og íverksetan, og hugsaði beinanvegin at hetta var akkurát eg. Eg elski avbjóðingar og at royna okkurt nýtt, og tí var eg ovurfegin, tá ið útbúgvingin kom til Føroya. Mær dámar væl at vera kreativ og finna nýggjar loysnir uppá ymiskt, og tað fái eg gjørt á hesi útbúgvingini. Harumframt havi eg stóran áhuga í at fáa innlit í, hvussu ein byrjar sína egnu fyritøku, og tað er júst tað, ið ein partur av útbúgvingini gongur út uppá. Hvat er tað besta við tínum lestrarstaði? Ein fyrimunur við at lesa í Føroyum er, at man er tætt við familju og annað her, men eitt annað er, at tað er rímiliga lætt at arbeiða tætt at vinnulívinum í Føroyum við at gera uppgávur, ið eru viðkomandi fyri útbúgvingina. Á hendan hátt sleppur tú at avprøva tínar førleikar í praksis, umframt at tú skapar tær eitt netverk, ið tú fær gagn av, tá tú kemur út á arbeiðsmarknaðin. Umframt tað eru verkætlanarferðirnar ótrúliga læruríkar. Tá eg las marknaðarførslubúskap, vóru vit í USA og Dubai, og nú hava vit verið í Tokyo. Slíkar ferðir eru ótrúliga læruríkar, umframt at tað ger nakað serligt fyri samanhaldið. Hevur tú nakað gott ráð til onnur, ið umhugsa at lesa? Ikki bara lesa fyri at lesa, tað nyttar lítið. Les okkurt, ið tú tímir, ið kann geva tær teir førleikarnar, ið tær tørvar fyri at fáa tær tað arbeiðið, sum tú ynskir. Trúgv uppá teg sjálvan, at tú kanst alt tað, tú setur tær fyri. Sum Martin Joensen syngur: Viljin er sterkasta svørðið, bítur á harðasta stál. Lesandi til lesandi – Trúgv upp á teg sjálvan Navn: Birita Jacobsen Útbúgving: Innovatiónsútbúgvingin Lestrarstað: Glasir, Tórshavn Hví valdi tú júst hesa útbúgvingina? Eg valdi júst hesa útbúgvingina, tí mær dámar sera væl at læra nýggj mál og at læra um ymiskar mentanir, og eg haldi, at Spania og londini í Latínamerika eru sera spennandi og áhugaverd lond. Persónliga hevði eg fyrit­ rekt italienskt sum mál, men eg haldi, at spanskt gevur betri arbeiðsmøguleikar, av tí at tað er eitt størri verðinsmál. Eg havi altíð viljað lisið okkurt innan fyri humanistiska økið og hevði gott kunnað hugsað mær at verið tolkur ella spansktlærari. Tó virkar tolkur kanska eitt sindur meira spennandi. Hvat er tað besta við tínum lestrarstaði? Eitt, sum mær dámar sera væl við út­búgv­ ingini, er sjálvandi tað sosiala uni­versitets­ lívið. Sum spansktlesandi kemur man rætti­liga lætt í samband við spaniólar og latín­a­merikanarar, og tey eru sum oftast altíð líka blíð, festlig og fyrikomandi, so eg føli meg sera væl tilpassar saman við teim­ um. Annars dámar mær eisini sera væl at læra um ljóðlæruna – hvussu man út­talar hvønn einasta bókstav, og hvar artikula­ tións­punktið liggur. Tað vil t.d. siga, hvar í munninum tungan rakar, tá man skal út­ tala ymiskar bókstavir. Eisini lærir man um tónalagið, fyri at man sum minst møgu­ligt fær eina fremmanda dialekt, tá man tosar spanskt. Eitt annað, eg haldi er øgiliga interessant, er at læra um politikk og mentan. Latínamerika hevur sum oftast eitt ringt orð á sær í Vesturheiminum, og vit hava lært nógv um, hvussu politikkurin hong­ur saman (ella ikki í summum førum), og hvussu tann evropeiska kolonialiseringin hevur neiliga ávirkað Suðuramerika. Hetta haldi eg er rættiliga spennandi. Eg eri nú eisini í gongd við eina umsókn um at taka fjórða og fimta semestur uttan­ lands, sum verður stórliga viðmælt, um man vil hava nakra karrieru í sponskum – har fyri­ gongur tað eina semestrið í Spania og hitt í Latín­amerika. Hevur tú nakað gott ráð til onnur, ið umhugsa at lesa? Um eg skal geva nakað ráð, so er tað nokk tað, at tá man søkir inn á universitetið, so skal man ikki hava ov lágar væntanir, tí universitetstøðið er nógv hægri enn í student. Fyrireika teg mentalt upp á eitt nógv hægri støði! Og um man vil lesa mál, um tað so er spanskt ella franskt, so vil eg við­mæla at læra málið áðrenn. Noyðist ikki at vera flótandi, men so leingi man kann hava eina samrøðu ella dugir tað basiska. Ein túr til Spania ella Suðuramerika hevði eisini komið sera væl við! Tí um man bara hevur staðið royndina á student, og so fer bein­leiðis til universitetið, so verður tað rætti­liga torført, av tí at støðið er so høgt. Og mítt besta ráð er: um tú ikki veitst, hvat tú vilt lesa, so bíða. Tað er ok at bíða, sjálvt um man kanska følir eitt sosialt trýst, tí tú ikki er byrjað/ur á universitetinum, og øll tíni vin­ fólk longu eru byrjað. – Tað er í lagi at bíða, um tú ivast Navn: Jón Larsen Útbúgving: Spanskt mál og mentan Lestrarstað: Københavns Universitet, Keypmannahavn