týsdagur 25. februar 2020síða 50

Mikudagur 26. februar 2020 26 Sosialurin LESTRARBLAÐIÐ Steinar Patursson Umframt miðnámsskúlarnar á Kambsdali, í Klaksvík, Havn og Vestmanna, er eisini mið­ námsskúli í Suðuroy. Vakri skúlin í Grønudali í Porkeri er lut­ fals­liga lítil, men hetta er heilt vist ein av styrkj­unum hjá skúlanum, metir Guðrið Johan­sen, rektari á Miðnámsskúlanum í Suður­oy. Av tí, at tað er ein lutfalsliga lítil skúli, er stutt millum lærarar og næmingar, og hetta merk­ist á lestrarumhvørvinum. – Vit hava ein lítlan skúla, har vit kunnu rúma øllum. Tað er eitt tætt samband millum næmingarnar - og millum næmingar og lærarar. Vit hava eitt lítið, men trygt, um­ hvørvi, har vit ansa eftir hvørjum øðrum, sig­ur Guðrið Johansen. Støddin á skúlanum merkir, at hvør næm­ ingur verður sæddur sum ein einstaklingur, tí at lærarar og leiðsla kenna hvønn næming. Støddin á skúlanum merkir samstundis eisini, at lærarar hava meira tíð til hvønn ein­ stakan næming. – Fyri lærarar og leiðslu merkir tað, at vit kenna næmingarnar øgiliga væl, og vit kunnu taka hædd fyri hvørjum einstøkum næm­ ingini. Vit vita betri, hvat næmingarnir fáast við, og hvørjum teimum tørvar, tí vit kenna teir betri. Tú ert ikki bara ein í mongdini hjá okkum, og øll verða sædd og hoyrd. Hóast flestu næmingarnir á Mið­náms­ skúlanum í Suðuroy er suðringar, eru eisini fleiri, ið koma aðrastaðni frá í landinum. Or­ søkir­nar kunnu vera ymiskar, til at tey velja júst hendan skúlan, men yvirhøvur er tað tí, at einstaki næmingurin er í fokus. – Summi eru komin, tí tey hava gingið á Ítróttarháskúlanum, og tey vilja verða ver­ andi í Suðuroy. Onnur vilja ganga í skúla her, tí tey síggja, at hjá okkum eru tey ikki bert ein í mongdini Skúlabygningurin sjálvur er rættiliga nýggj­ur og hevur allar hentleikar, ið ein nú­tímans skúli skal hava. Á skúlanum eru sam­virknar talvur í øllum skúlastovunum, væl­útgjørdar royndarstovur, venjingarhøli, bóka­savn og matarhøll. – Tað er ein deiligur bygningur. Skúlin er ikki meira enn 10 ár, so fysisku karmarnir eru rætti­liga góðir, sigur Guðrið Johansen. Á skúlanum eru um 100 næmingar, um­ framt at flokkarnir á Heilsuskúlanum eisini hús­ast í snotiliga skúlabygninginum. Eins og við øðrum gymnasialum miðnámsskúlum í Føroyum er útbúgvingin bygd upp eftir breytaskipan, sum gevur tær møguleika at velja útbúgving eftir egnum áhugamálum og ætlanum. Á skúlanum kanst tú velja hug­ breyt, náttúrubreyt, umframt FHS yrkisnám og búskaparbreyt. Felags lærugreinar eru millum bæði breyt­ir og árgangir, soleiðis at næmingarnir á skúlanum í størri mun koma hvørjum øðrum við. – Næmingarnir eru blandaðir, bæði mill­ um tær ymsu breytirnar, sum tey lesa á, men eisini millum árgangirnar. Tað merkir, at í summ­um fakum eru bæði 2. og 3. g'arar. Av tí sama kennast næmingarnir eisini heilt væl, sigur Guðrið Johansen, rektari. Tá næmingarnir á skúlanum verða spurdir um, hvat eyðkennir skúlan, eru svar­ ini rættiliga lík teimum, ið rektarin greiðir frá. "Hetta er ein lítil skúli, har øll kenna øll", "lærararnir eru altíð klárir at hjálpa, tá tú møtir teimum á gongini", og "góðar um­ støður at arbeiða í bólki í gongini, men eisini góðar umstøður at arbeiða sjálvur ófor­ stýraður", eru millum svarini. Somuleiðis vísa næmingarnir eisini umhvørvið og góða út­sýnið, ið skúlin hevur, umframt eina góða kantinu við góðum mati. Umstøðurnar skapa trivnað og úrslit Størri er ikki altíð betri, og onkuntíð kann dygdin á einum skúla vera í avmarkaðu støddini. Hetta er Miðnámsskúlin í Suðuroy eitt prógv um, heldur rektarin á skúlanum, Guðrið Johansen UM SKÚLAN: Skúlin er frá 2009 og liggur í Grønudali í Porkeri Á miðnámsskúlanum eru um 100 næmingar umframt 25 starvsfólk Á skúlanum eru breytirnar hugbreyt, náttúrubreyt, FHS yrkisnám og annað hvørt ár 2. ára búskaparbreyt, ið byggir á FHS- prógvið