týsdagur 25. februar 2020síða 52

Mikudagur 26. februar 2020 28 Sosialurin LESTRARBLAÐIÐ Pætur Hjalmar Evensson pature@sosialurin.fo Løgtingskvinnurnar Ingilín Didriksen Strøm og Hervør Pálsdóttir hava tað til felags, at áðrenn tær vórðu valdar á ting, hava tær nomið sær útbúgving á Fróðskaparsetri Før­ oya. Ingilín, sum situr á tingi fyri Javn­aðar­ flokkin, hevur lisið føroyskt mál og bók­ mentir, og Hervør, sum situr á tingi fyri Tjóð­ veldi, hevur lisið politikk og umsiting. Tætt samband millum lesandi og undirvísarar Áðrenn Ingilín byrjaði á Setrinum, royndi hon ymiskt annað. Hon tók sína miðnámsútbúgving í Noregi, og aftaná hetta hevur hon arbeitt sjálvboðið, eitt nú í Addis Ababa. Hon byrjaði at journalistikk og altjóða útvikling á Roskilde Universiteti, men gavst tó við lesnaðinum og flutti heim til Føroya saman við manni sínum. Ingilín hevur altíð havt stóran áhuga fyri máli og bókmentum, og tí valdi hon at lesa føroyskt á Føroya­ málsdeildini hjá Fróðskaparsetrinum. – Munurin á at vera á einum uni­versi­teti við fleiri túsund lesandi og á Føroya­máls­ deildini, har okkara flokkur at byrja við taldi undir 20 lesandi, var ótrúliga gevandi fyri meg, sigur hon og fortelur víðari hví. – Sambandið millum tey lesandi og undir­ vísarar var so tætt. Hevur tú ein spurning um eitthvørt fakligt, so er ógvuliga skjótt at fáa vegleiðing frá einum av fremstu serfrøðingunum innan økið. Umframt hetta var eingin møguleiki aðrastaðni enn í Føroyum at nema mær útbúgving innan før­oyskt mál og føroyskar bókmentir, sigur Ingilín Didriksen Strøm, sum bleiv liðug í desember 2018. Best at læra um føroysk viðurskifti í Føroyum Fyri Hervør Pálsdóttir var tað ein løtt avgerð at søkja inn á útbúgvingina í politikki og umsiting. – Tá eg gekk á studentaskúla á Kambsdali, byrj­aðu tankarnir at mala um at lesa stjórn­ málafrøði. Samfelagsviðurskifti og politiska skipan­in serliga hava havt mín stóra áhuga leingi - serliga føroysk viðurskifti, og tí var tað upplagt fyri meg at nema mær útbúgving í politikki og umsiting á Setrinum, sigur Hervør Pálsdóttir og spyr retoriskt: – Hvar er betri at læra um føroysk viðurskifti enn í Føroyum? Lopið frá Setrinum til løgtingið Nýggju løgtingskvinnurnar eru báðar samd­ ar um, at lopið frá Setrinum til løgtingið hevur verið stórt. – Tað er eitt øgiligt lop at fara frá at vera les­andi til at sita í løgtinginum. Eitt er at fara ástøðiliga til verka, og so er tað tann praktiska tilgongdin. Men í onkran mun minnir tað nógv um at vera lesandi; hvønn dag er nógv tilfar at lesa, røður at skriva og samstarv við floksfelagar. Men at hava fingið álit at sita á Føroya løgtingi er stórt, og tað tekur nokk tíð at venja seg við, sigur Hervør Pálsdóttir. Ingilín Didriksen Strøm vísir eisini á ábyrgdina, sum løgtingssessurin hevur við sær. – Tað er jú ein ótrúliga stór ábyrgd at vera løgtingsfólk, tí meðan tað sum lesandi bara ávirkar ein sjálvan, hvørt mann klárar seg væl ella illa, so kann tað í síðsta enda ávirka alt føroyska samfelagið, um mann ikki ger sítt arbeiði til lítar í løgtinginum, sigur hon. – Tað er sjálvandi stórur munur á at vera ein almennur persónur í løgtinginum og lesandi, so lopið er stórt í nógvan mun. Men mun­urin vildi helst verið ógvusligur, óansæð hvaðani eg kom, ella hvat arbeiði eg hevði áðrenn, sigur Ingilín Didriksen Strøm. Hava lært nógv á Setrinum Vit spyrja Hervør og Ingilín, hvussu Setrið hevur verið við til at myndað tær sum politikarar. – Eg haldi avgjørt, at tað hevur verið til fyrimuns fyri meg at vera útbúgvin í politikki og umsiting. Í míni útbúgvingartilgongd menti eg meg ótrúliga nógv og lærdi øgiliga nógv um ymisk viðurskifti, samstundis sum eg kom í samband við nógv við øðrvísi meiningum og hugsanarhátti enn eg, og tí gjørdist sjónarringurin eisini størri. Tað er týdningarmikið at lýsa støður úr fleiri síðum fyri at taka eina avgerð út frá góðum grundgevingum, sigur Hervør Pálsdóttir. – Mínar politisku meiningar trúgvi eg, at eg hevði havt, óansæð um eg gekk á Setrinum ella ikki. Tó lærir mann sjálvandi eina rúgvu undir útbúgving, og tað ávirkar sjálvsagt tær meiningar, mann hevur um umheimin, sigur Ingilín Didriksen Strøm. Ingilín Didriksen Strøm og Hervør Pálsdóttir: Frá Fróðskaparsetrinum í løgtingið Í september vórðu tær báðar Ingilín Didriksen Strøm og Hervør Pálsdóttir valdar á løgting fyri fyrstu ferð. Áðrenn hetta hava tær havt sína dagligu gongd á Fróðskaparsetrinum, og tær eru báðar samdar um, at tað er stórur munur á at vera lesandi og at vera í løgtinginum Hervør Pálsdóttir og Ingilín Didriksen Strøm