hósdagur 5. mars 2020síða 30

6 FÓTBÓLTUR 2020 FÓTBÓLTSBLAÐIÐ HJÁ MIÐLAHÚSINUM LYKLASPÆLARIN Jóannes Bjartalíð Hóast KÍ hevur sera nógvar góðar spælarar í hópinum, hevur Jóannes Bjartalíð fingið ein avgerandi leiklut fyri avrikini hjá liðnum. Jóannes er arbeiðssamur og kreativur spælari, sum skapar kjansir og skorar mál – eisini í teimum tøttu og týðandi dystunum. GJØGNUMBROTIÐ Óli Eyðsteinsson Poulsen Veruliga gjøgnumbrotið hjá Óla Eyðsteinsson Poulsen varð útsett, eftir at hann fekk álvarsaman knæskaða í fjør. Nú er Óli komin fyri seg og fer at bjóða av í kappingini um pláss á liðnum. Óli er fjølbroyttur spælari, sum kann røkja nógv pláss á liðnum – bæði í verju- og álopsparti. VENJARIN Mikkjal Thomassen Í fjør vann Mikkjal Thomassen tann stóra sigurin við KÍ – FM heitið – og nú fer havnamaðurin við ættarbondum úr Klaksvík undir sítt sætta kappingarár sum venjari hjá KÍ. Mikkjal hevur við miðvísum arbeiði lyft støðið í KÍ munandi  – bæði á vøllijnum og kring vøllin – og KÍ skal aftur í ár kappast við um gullið. MÁLIÐ FM Føroyameistararnir eru favorittar til at endurvinna meistaraheitið, hóast tað vanliga verður mett trupult. KÍ hevur helst sterkasta hópin í landinum, og tað ger stóran mun í einum longum kappingarári við heimligu dystum og altjóða avbjóðingum. PÁLL A. KLETTSKARÐ MÁLREVURIN SKORAR ANNAN HVØNN DYST Páll Klettskarð, sum hevur skotiði 118 mál í bestu deildini, er til reiðar til nýtt kappingarár við KÍ. Málið verður at endurvinna FM ÁRNI GREGERSEN Tað eru ikki nógvir fótbóltsleikarar, sum megna tað sama sum Páll Klettskarð. Síðani hann fór at spæla í bestu deildini í føroyskum fótbólti, hevur hann skorað í øðrum hvørjum dysti. Í 227 dystum í landskappingini hevur hann gjørt 118 mál. – Ja, tað er rættuliga gott í miðal, sigur tann nú 29-ára gamli áleyparin hjá meistaraliðnum KÍ. Páll Klettskarð hevur hildið sama miðaltal í steypakappingini, eins og tá ið hann hevur spælt við næstbesta liðnum. Páll Klettskarð hevur gjøgnum nógv ár verið maðurin í álopinum hjá KÍ. Hann hevur gjørt hópin av málum, men hann er eisini brúktur sum »target man« og hevur spælt aðrar leysar. ITALIA Í fjør tók Páll Klettskarð eina avgerð, sum loysti hann frá KÍ í tað, sum vísti seg at blíva eitt hálvt ár. Hann fór til Italia at spæla fótbólt burturav. – Tað var eitt stórt upplivilsi fyri meg. Fyri fyrstu ferð skuldi eg bara hugsa um at spæla fótbólt. Tað var fantastiskt, sigur Páll Klettskarð. Uppihaldið í stivlalandinum vardi eitt hálvt ár. – Bara tað at anda eina aðra luft og hitta onnur fólk var eitt upplivilsi fyri lívið. Tað angri eg ikki, leggur hann afturat. AFTUR TIL KÍ Í seinnu helvt av kappingarárinum í fjør var hann aftur partur av tí KÍ-liðnum, sum eftir 20 ár aftur fekk FM til Klaksvíkar. – Eg spældi ikki so nógv, men eg fekk so skorað seks mál tilsamans í teimum dystum, eg spældi, sigur hann. Í tilstundandi kappingarárinum er áleyparin aftur partur av liðnum, sum skal royna at endurvinna FM. – Tað er altíð torført at endurvinna FM, men vit ætla at vera ein partur av toppinum, og endamálið er sjálvandi at vinna FM aftur, sigur Páll Klettskarð – Tað má tað vera. Tað er stuttligast at kappast, har sum kappingin er um ovasta plássið, sigur hann. RAÐFYLGJAN Landskappingin í ár er millum somu liðini sum í fjør. Hesi seinnu árini hevur tað víst seg, at landskappingin fer í helvt. Fimm lið vísa seg at vera eitt sindur sterkari enn hini fimm, og tey manna ovaru helvtina av stigatalvuni. Tá ið Páll Klattskarð verður spurdur um, hvussu hann væntar at landskappingin her í 2020 fer at enda svarar hann: – Man tað ikki fara at verða so, at tað verða tey fimm liðini KÍ, HB, Víkingur, B36 og NSÍ, sum aftur enda ovast. Spurningurin verður meirra, hvussu raðfylgjan av teimum liðunum fer at enda, sigur hann. KÍ-hópurin er broyttur nakað, so spurningurin er um at nýggju spælararnir fara at rigga saman við hinum. – Tað er spennandi, men tað fara vit ikki at síggja ordiliga, fyrr enn vit spæla fyrsta landskappingardystin, sigur hann. Páll Klettskarð hevur nú í eini fimm ár havt Mikkjal Thomassen sum venjara. – Tað er fínt. Hann gongur 100 prosent upp í sítt arbeiðið, og allar avgerðir, sum hann tekur, eru væl gjøgnumhugsaðar. Vit hava virkað væl saman, sigur Páll Klettskarð. KÍ fer í summar at taka lut í Champions League. Liðið káraði seg annars væl í Evropa í fjør, men hetta er nakað annað. – Alt stendur og felliur við lutakastinum, men vit fingu góð úrslit í fjør. So hvør veit?, sigur Páll Klettskarð. Hann minnist serliga væl báðar dystirnar, teir spældu móti sveisiska liðnum Luzern í summar. KÍ tapti báðar dystirnar, men munurin var lítil. – Teir vunnu báðar dystirnar 1-0, men tað kundi væl fallið okkara veg. Vit høvdu skot á steingina, og eg hevði ein headdara, sum málmaðurin stórbjargaði, sigur málrevurin. Umframt at tað gekk væl í Evropa í fjør, gav luttøkan uttanlands eisini nakað annað til felagið. – Vit eru saman upp á ein annan máta, tá ið vit ferðast saman. Tað gevur eitt sterkari og betri samanhald í hópinum, tí vit eisini læra hvønn annan betur at kenna, sigur hann. Páll Klettskarð hevur spælt 227 landskappingardystir við KÍ og 18 dystir um Løgmanssteypið. Hann hevur eisini spælt 13 altjóða dystir. Hann hevur eisini spælt 13 landsdystir fyri Føroyar. Í 2010 og 2011 spældi hann 32 dystir við Víkingi. Tað er altíð torført at endurvinna FM