hósdagur 5. mars 2020síða 32

8 FÓTBÓLTUR 2020 FÓTBÓLTSBLAÐIÐ HJÁ MIÐLAHÚSINUM NÚ ER GJØGNUM­ TREKKURIN LÍTIL Í B36 BÓLTFELAGIÐ B36 Tølini nógvu tey síðstu árini siga, at B36 telist millum tey fremstu og tí altíð verður roknað millum favorittarnar bæði í landskappingini og steypakappingini. Síðani 2010 hevur B36 vunnið FM tríggjar ferðir, silvurkrónur einaferð, bronsukrónur tríggjar ferðir og steypafinaluna einaferð. Í fjør var tað á síðsta leikdegi í hondunum á teimum í árstalsfelagnum sjálvum og á heimavølli at gera av, um FM steypið skuldi vera í Gundadali. Hetta var tó ikki dagurin hjá heimamonnunum í Gundadali, sum stóðu eftir við silvurkrónunum. Jákup á Borg er venjari á fjórða ári, og eftir tvær ferðir bronsu og silvur í fjør er tað einki at siga til, at málið nú er at vinna fínasta skreytið. Sammett við í fjør eru broytingarnar í hópinum ikki so stórar, sum tær eru í fleiri av hinum feløgunum. Og so telur tað eisini rætta vegin, at tað higartil í ár eru væl færri spælarar á skaðalistanum, enn tað vóru í fjør. Oftast hevur tað fyrst og fremst verið í álopspartinum, at B36 hevur skavað nógvu stigini saman. Tað hevur ikki bilað, at nógv mál eru farin ígjøgnum. Soleiðis var tað ikki í fjør, tá ið B36 verjan var tann, sum læt næstfæst mál ígjøgnum. Merkisvert var tað, at trý onnur feløg í fjør skoraðu fleiri mál, enn B36 gjørdi. Tað letur til, at verjuparturin ikki verður verri í ár, enn hann var í fjør. Símun Rógvi Hansen er komin fyri seg, eftir at hann í fjør var nógv skaðadarvaður, og hann verður roknaður millum bestu málverjarnar í landinum. Rói Mørk Hentze og Mattias Lamhauge eru eykamálverjar. Sonni Ragnar Nattestad er nýggjur miðverji. Hann verður roknaður at vera kanska besti føroyski miðverjin yvirhøvur. Andrias H. Eriksen, Erling D. Jacobsen, Bjarni Petersen og Alex Mellemgaard eru nøvn, sum boða frá, at verjan er í góðum hondum. Nýggjur vongverji skal finnast fyri Jónas Þór Næs, sum hevur takkað fyri seg. Andrias H. Eriksen hevur onkuntíð verið vongverji. Ein annar møguleiki er Benjamin Heinesen, sum í fjør oftast var í framrættaðum leiklutum, og so eru tað Ragnar Samuelsen og Andreas Thomsen. Tað kann væl vera, at Eli Falkvard Nielsen og 19 ára gamli Magnus Holm Jacobsen aftur fara at eiga lyklaleiklutir á verjukenda miðvøllinum. Árni Frederiksberg er arkitektur í álopsspælinum, og Stefan Radosavljevic og Hugin Samuelsen fara ivaleyst at eiga stóran leiklut. Aðrir miðvallarar, ið kappast um sentralu plássini, eru Erlendur Magnusson, 17 ára gamli Mattias W. Joensen og 16 ára gamli Martin Agnarsson. Í fjør átti B36 ongan spælara, sum kappaðist ovast á máltindinum. Árni Frederiksberg var toppskjútti við níggju málum, og Benjamin Heinesen, Brian Jakobsen og Michal Przybylski skoraðu sjey mál. Teir eru framvegis í felagnum, og nú er Sebastian Pingel, sum spældi við B36 í 2016, tá ið hann av fyrstan tíð kom til Føroya, komin aftrat. Hann hevur skorað 24 mál í 68 dystum í bestu deildini. B36 STOVNAÐ 28. mars 1936 FORMAÐUR Magni Mouritsen 3 V I T T I P P A HÓPURIN B36 hevur havt fáar útskiftingar í vetur, og færri spælarar eru á skaðalistanum. B36 skal aftur í ár verða millum tey fremstu Mál 1 Rói Mørk Hentze 16 Símun Rógvi Hansen 25 Mattias Lamhauge Verja 2 Andrias Erikssen 3 Sonni Ragnar Nattestad 4 Bjarni Petersen 12 Alex Mellemgaard 13 Erling Dávidsson 16 Andreas Thomsen 24 Ragnar Samuelsen Miðja 5 Magnus H. Jacobsen 6 Eli Falkvard Nielsen 7 Árni Frederiksberg 15 Hugin Samuelsen 17 Mattias W. Joensen 18 Benjamin Heinesen 19 Erlendur Magnusson 23 Martin Agnarsson 28 Michal Przbylski Álop 8 Stefan Radosavljevic 9 Meinhard Olsen 20 Andrass Johansen 21 Brian Jakobsen 22 Sebastian Pingel Venjari Jákup á Borg Hjálparvenjari André Olsen Tilgongd Mattias Lamhauge, Sebastian Pingel, Ragnar Samuelsen, Sonni Ragnar Nattestad, Meinhard Olsen Frágongd Lukasz Cieslewicz, Hannes Agnarsson, Gilli Samuelsen, Jónas Tór Næs, Hans Jørgensen