hósdagur 5. mars 2020síða 40

16 FÓTBÓLTUR 2020 FÓTBÓLTSBLAÐIÐ HJÁ MIÐLAHÚSINUM HAVNAR BÓLTFELAG HB spílar seg út við útlendskum venjaratoymi og nýggjum venjingarhølum. Málið er at náa upp á tindin Tað vóru nýggjar tíðir og nýggir siðir, tá ið HB við íslendskum venjara og íslendskum álitismanni á miðvøllinum vann FM í 2018 og fyrsta finalusigurin í steypakappingini í 15 ár í 2019. Spælararnir vandu meiri, enn teir høvdu gjørt, og tað varð lagt nógv fyri í nærdystunum. Nú er venjari við royndum á høgum stigi í donskum fótbólti við róðrið í sigursvanda felagnum í Gundadali. Jens Berthel Askou hevur fleiri spælarar við sær úr Danmark. Uppaftur meiri verður lagt fyri í venjingini, og umstøðurnar til kropsligu venjingarnar eru betraðar. Týskvøldið tapti HB stórsteypadystin ímóti KÍ 6-5. Eftir vanliga leiktíð var 1-1, og tað kostaði steypið, at Adrian Justinussen misnýtti í brotssparkskappingini. Dysturin vísti, at HB kapprennur við tíðina. Tað snýr seg um at samanspæla nýtt lið, og tað snýr seg serliga um at fáa verjuspælið at rigga, nú talan er um nýggja miðverju. Í álopspartinum eru eisini avbjóðingar, nú eingin upplagdur fremsti maður er. Teitur Matras Gestsson er framvegis tryggi aftasti skansi, og Jákup Højgaard er eykamálverji. Ein av stóru spurningunum hevur verið, hvussu miðverjan skal mannast, nú danski Lasse Andersen er burtur, og Hørður H. Askham orsaka av skaða ikki er tøkur. Í síðstu viku varð greitt, at 28 ára gamli Delphin Tshiembe úr Danmark fær høvið at royna seg undir liðini á Bartali Wardum ella Heðini Hansen, sum er aftur í HB. Jógvan Rói Davidsen og Daniel Johansen hava nógvar royndir á vongverjunum, Heri H. Mohr er annar møguleiki, og 20 ára gamli Hanus Danielsen og 18 ára gamli Dánjal Reginsson hava verið við í venjingardystum. Á miðvøllinum er saknur í langtíðarskadda Tróndi Jensen. Dan í Soylu er framvegis í felagnum. René S. Joensen er ætlaður lyklaleiklut í verju og miðvølli, og hann er um at koma fyri seg eftir langan skaðasteðg. Tveir danir eru ætlaðir sentralar leiklutir – Mathias Nygaard og Mikkel Frankoch – og eingin ivast í evnunum hjá blaðunga Samuel Johansen Chukwudi. Fríspørkini og langskotini hjá Adrian Justinussen eru framvegis øgilig. Tað sást týskvøldið, tá ið hann skoraði rimmarmál av brotsteigarmarkinum. Pætur J. Petersen er væl upplagdur og málsøkin í borðunum, og Øssur Dalbúð, sum er aftur í HB, er møguleiki í fremstu ódnini. Teit Jacobsen er komin aftur í barndómsfelagið, eftir at hann hevur roynt seg í SønderjyskE. Krossbandsskaði ber við sær, at tað neyvan verður fyrr enn eftir summarsteðgin, at hann fer at gera seg galdandi. Seinnu árini hevur tað verið longri millum, at onkrir av mongu evnaríku unglingunum, ið eru uppvaksnir í felagnum, hava funnið lyklaleiklut í fremstu røð. Tað verður arbeitt miðvíst við at finna aftur á gamla HB lagið. Omanfyri eru Hanus Danielsen, Dánjal Reginsson og Samuel Johansen Chukwudi nevndir. Ein annar er 17 ára gamli álopsspælarin Ási Dam, sum tað er væl hugsandi, at tað longu í ár fer at eiga eyðsýndan leiklut. HB STOVNAÐ 4. oktober 1904 FORMAÐUR Tórmóður Stórá 2 V I T T I P P A HÓPURIN Mál 1 Teitur Gestsson 14 Jákup Højgaard Verja 3 Jógvan Rói Davidsen 4 Heðin Hansen 5 Delphin Tshiembe 6 Daniel Johansen 14 Samuel Chukwudi 15 Heri Mohr 17 Bartal Wardum 19 Hørður Askham 22 Dánjal Reginsson 23 Hanus Danielsen Miðja 8 Dan í Soylu 9 Tróndur Jensen 10 Rene Joensen 18 Mathias Nygaard 21 Mikkel Frankoch Álop 7 Adrian Justinussen 11 Pætur Petersen 20 Ási Dam 25 Øssur Dalbúð 27 Teit Jacobsen Venjari Jens Bertel Askou Hjálparvenjari Kevin Schindler Tilgongd Jákup Højgaard, Heðin Hansen, Delphin Tshiembe, Heri Mohr, Mathias Nygaard, Mikkel Frankoch, Teit Jacobsen, Øssur Dalbúð Frágongd Magnus Egilsson, Ari Mohr Olsen, Lasse Andersen, Símun Samuelsen, Sebastian Pingel, Binni Hløðversson, Andreas Breimyr, Símun Sólheim HB GONGUR NÝGGJAR LEIÐIR