hósdagur 5. mars 2020síða 44

20 FÓTBÓLTUR 2020 FÓTBÓLTSBLAÐIÐ HJÁ MIÐLAHÚSINUM VÍKINGARNIR ERU Í NÝGGJARI ÚTGÁVU VÍKINGUR Eftir tvey FM heiti í 2016 og 2017 hava tað verið nýggjar tíðir í Sarpugerði. Bæði í 2018 og 2019 endaði Víkingur á fimta plássi. Tað ber við sær, at europeiska luttøkan, sum hevur verið fastur partur av summarskránni, var av ongum í fjør og heldur ikki verður á skrá í summar. Nú ætla víkingarnir sær aftur at vera við í kappingini um FM og heiðursmerkini og harvið at vinna europeisk atgongumerki. Merkisvert fyri Víking er tað, at nevndin er støðug, og at stuðulin í bygdunum í Eysturkommunu er hollur. Eyðun Klakstein er nýggjur venjari, og tað boðar frá ætlan um, at fótbóltsspælið skal vera øðrvísi, enn tað hevur verið nógvu tey undanfarnu árini, tá ið dentur hevur verið lagdur á trygga verju og skjótar umstillingar. Avrikini hjá liðunum, sum Eyðun Klakstein hevur vant, hava verið eyðkend av, at tey hava verið nógv á bóltinum, og at dentur hevur verið lagdur á hugflogsrík og skjótt samanspæl frameftir vøllinum. Elias Rasmussen er framvegis fyrsta val millum stólparnar, og Sonni Højgaard er eykamálverji. Vukasin Vujovic og liðformaðurin Atli Gregersen eru ætlaðir at vera miðverjar. Higartil hevur Atli verið so mikið skaðadarvaður, at hann ikki hevur vant saman við liðfeløgunum, og tískil hevur hann ikki verið førur fyri at vera við í venjingardystunum. Aðrir møguleikar í miðverjuni eru Bergur Gregersen, sum eisini hevur verið vongverji í vinstru, og 17 ára gamli Noah Mneney, sum er kropssterkur og sera skjótur. Aðrir verjuspælarar eru Óla Kristian Jacobsen, Signar á Brúnni og Bergur Poulsen. Nýggjur vongverji í høgru eru Ari Olsen. Í vinstru hevur Elias Lervig roynt seg. Bogi Reinert Petersen tykist vera sjálvskrivaður verjukendur sentralur miðvallari, meðan málsókni Gunnar Vatnhamar í venjingardystunum hevur átt meiri álopskendan lut enn undanfarin ár. Hans Jákup Lervig, Geza David Turi, Aron Jarnskor Ellingsgaard og Olaf Bárðason hava eisini roynt seg í venjingardystum. Í borðunum eru Andreas Lava Olsen, Jákup Johansen og Lukasz Cieslewicz, sum eisini er møguleiki í sentralum leikluti aftanfyri fremsta mann. Eyðun Klakstein og Lukasz Cieslewicz samstarvaðu í 2016 og 2015, tá ið teir vunnu FM við B36. Fremsti maður er málsókni Finnur Justinussen, ið er aftur í Sarpugerði eftir lestrarár á flatlondum, og sum er sjálvskrivaður á toppinum. Arnbjørn Svensson vann sær í fjør fast pláss í hópinum, og í fyrireikingunum til nýggja kappingarárið hevur Ingi Jonhardsson fleiri ferðir verið við. Rani Hansen er eisini álopsspælari. Stýrimaðurin í álopsspælinum hjá Víkingi hevur í nógv ár verið Sølvi Vatnhamar. Hvussu tað fer at hilnast hjá honum hevur alstóran týdning fyri, um tað fer at eydnast at røkka málinum. VÍKINGUR STOVNAÐ 14. januar 2008 FORMAÐUR Brandur Jacobsen 4 V I T T I P P A HÓPURIN Mál 1 Elias Rasmussen 25 Sonni Højgaard Verja 4 Atli Gregersen 5 Elias Lervig 8 Bergur Gregersen 22 Ari Olsen 26 Vukasin Tomic 27 Óla Kristian Jacobsen 28 Signar á Brúnni 29 Bergur Poulsen Miðja 6 Bogi Reinert-Petersen 9 Hans Jákup Lervig 10 Sølvi Vatnhamar 15 Geza David Turi 18 Arnbjørn Svensson 20 Aron Jarnskor Ellingsgaard 21 Noah Mneney 24 Gunnar Vatnhamar 30 Olaf Bárðarson Álop 2 Andreas Lava Olsen 7 Jákup Johansen 11 Lukasz Cieslewicz 14 Ingi Jonhardsson 17 Finnur Justinussen 31 Rani Hansen Venjari Eyðun Klakstein Hjálparvenjari Gert Hansen Tilgongd Jákup Johansen, Ari Olsen, Lukasz Cieslewicz, Sonni Højgaard, Finnur Justinussen Frágongd Hanus Jacobsen,Heðin Hansen, Dion Splidt, Adeshina Lawal, Filip Djordjevic, Bárður á Reynatrøð, Milan Svojic Eftir tvey ár á fimta plássi strembar Víkingur eftir europeiskari luttøku og vónar at vera við í kappingini um gyltu heiðursmerkini