hósdagur 5. mars 2020síða 56

32 FÓTBÓLTUR 2020 FÓTBÓLTSBLAÐIÐ HJÁ MIÐLAHÚSINUM LYKLASPÆLARI Bjarki Nielsen Frá at hava verið ein lovandi ungur leikari hjá AB seinastu árini er leikluturin hjá Bjarka Nielsen í ár blivin alsamt meira týðandi, enn hann hevur verið seinastu árini. Tí verður Bjarki Nielsen mettur sum avgjørdi lyklaleikarin hjá AB hetta kappingarárið. GJØGNUMBROTIÐ Filip í Liða Ungi kantspælarin hevur fingið nógva spælitíð á liðnum hjá AB seinastu tvey árini og hevur fleiri ferðir víst lovandi taktir. Tað verður væntað, at Filip í Liða í ár kann fáa ein uppaftur størri leiklut enn í fjør, og møguliga fáa sítt stóra gjøgnumbrot. VENJARIN Sorin Anghel Sorin Anghel fer í holt við sítt triðja kappingarár sum venjari hjá AB. Fyrsta árið eydnaðist AB at yvirliva í seinastu løtu, og farna kappingarár yvirlivdi AB á sannførandi hátt eftir góða seinnu hálvu. Nú skal Sorin spæla nýtt lið saman. MÁLIÐ At yvirliva Hóast AB yvirlivdi væl og virðliga farna kappingarár, tykist tað sum um, at málið hjá AB í hesum kappingarárinum aftur verður at yvirliva. Orsøkin er, at AB hevur havt stóra broyting í hópinum og hevur havt frágongd av fleiri stórum profilum frá í fjør. Vit mugu so at siga byrja av nýggjum til hetta kappingarárið BJARKI NIELSEN BJARKI ÆTLAR AT TAKA STØRRI ÁBYRGD Hóast Bjarki Nielsen hevði tilboð um at fara aðrastaðni at spæla, valdi framrættaði miðvallarin at taka eitt ár afturat í AB. Bjarki Nielsen heldur, at hann kann menna seg uppaftur meira í AB ANDRÉ OLSEN Kviki framrættaði miðvallarin Bjarki Nielsen hevur av álvara gjørt um seg á liðnum hjá AB seinastu trý kappingarárini. Í 2017 var ungi Bjarki Nielsen millum stóru stjørnuskotini á AB liðnum, sum tryggjaði sær uppflyting úr næstbestu deildini, og seinastu tvey kappingarárini er týdningurin av miðvallaranum alsamt vaksin hjá argjamonnum. Rætt at halda fram í AB Tað vóru helst fleiri, sum eftir farna kappingarár væntaðu, at Bjarki Nielsen kundi vera á veg í okkurt annað føroyskt felag. Men hóast áhugi var fyri Bjarka Nielsen aðrastaðni, valdi ungi argjamaðurin at taka eitt ár afturat í barndómsfelagnum. – Eg hevði tilboð aðrastaðni frá, men eg valdi at taka eitt ár afturat á Argjum. Eg føldi, at tað var tað rætta at gera fyri mína menning. Eg kenni meg væl í hópinum hjá AB, og eg haldi, at eg kann menna meg uppaftur meira á hesum liðnum og eisini fáa størri ábyrgd. – Ein annar stórur partur av avgerðini at halda fram, er eisini Sorin Anghel. Hann hevur lært meg nógv tey bæði árini, sum hann hevur verið venjari hjá okkum, og eg føli, at hann enn hevur nógv eftir at læra meg, sigur Bjarki Nielsen. Mugu mestsum byrja av nýggjum Í vetur hava nógvar broytingar verið framdar á liðnum hjá AB. AB hevur mist fleiri týðandi leikarar frá farna kappingarárið, og nógvir nýggir mans eru knýttir at hópinum. – Vit mugu so at siga byrja av nýggjum til hetta kappingarárið. Vit hava mist nógvar leikarar, og harímillum eisini fleiri leikarar við nógvum royndum – millum annað Jobin Drangastein, Jónas Stenberg, Bárður Olsen og Mikkjal Hentze. Men vit hava eisini styrkt okkum við bæði royndum leikarum, og ungum og svangum leikarum. So um vit byggja eitt sindur víðari á tað spælið, sum vit spældu farna kappingarár, ivist eg onga løtu í, at vit kunnu geva øllum liðunum í deildini dygga mótstøðu, sigur Bjarki Nielsen. Ein fyrimunur at hava fótað sær Fyri nøkrum árum síðani skifti AB nógv ímillum bestu og næstbestu føroysku fótbóltsdeildina. Men seinastu árini tykist AB av álvara at hava fótað sær í bestu fótbóltsdeildini. – Tað hevur heilt sikkurt stóran týdning og er ein fyrimunur, at vit nú eru triðja árið á rað í bestu deildini og ikki hava flutt ímillum deildirnar tey seinastu árini. Eg trúgvi ikki at vit høvdu ment okkum líka nógv – hvørki sum felag ella leikarar –  um vit ikki høvdu fingið royndirnar í bestu deildini, sum vit hava fingið seinastu trý árini, sigur Bjarki Nielsen. Í fjør endaði AB á einum sjeynda plássi í Betri- deildini hjá monnum. Vónin hjá Bjarka Nielsen er, at tað kann fara at ganga betur enn farna kappingarár. – Man hevur altíð eina vón um at gera tað betur enn í fjør. Men tað kann gott gerast trupult, nú tá vit hava havt so stóra frágongd. Hinir kappingarneytarnir hjá okkum frá í fjør av, síggja eisini út til at hava styrkt seg væl, so eitt nøktandi mál beint nú undan kappingarbyrjan er at yvirliva, og ikki at enda sum nummar níggju ella tíggju. Ætlar at vera avgerandi Persónliga hevur Bjarki Nielsen ein málsetning um at vera meira avgerandi fyri AB hetta kappingarárið, enn hann var farna kappingarár. – Sum offensivur leikari havi eg sjálvandi eisini persónlig mál. Eg ynski fyrst og fremst at gera tað betur enn farna kappingarár, at skjóta fleiri mál og at leggja upp til fleiri mál. So um eg skjóti 10 mál og leggi upp til nøkur, verði eg ógvuliga væl nøgdur persónliga eftir kappingarárið, sigur Bjarki Nielsen.