hósdagur 5. mars 2020síða 60

36 FÓTBÓLTUR 2020 FÓTBÓLTSBLAÐIÐ HJÁ MIÐLAHÚSINUM LYKLASPÆLARIN Mads Raben Verður TB-verjan eins ring at bróta niður, sum ætlanin er, kann Mads Raben gerast ein lykaleikari í hinum endanum. Við góða máltevi sínum kann hann sparka og skalla TB longri upp eftir stitatalvuni. Í fjør hevði TB – serliga í seinnu hálvu – trupulleikar við at gera mál, men danski álopsspælarin kann fara at bøta um støðuna. GJØGNUMBROTIÐ Rasmus Møller 19 ára gamli Rasmus Møller er eitt stórtalent, sum hevur fingið sína fótbóltsuppaling í danska stórfelagnum FCK, og sum nú væntandi kann fáa sítt gjøgnumbrot í vaksnamannafótbólti sum verjuskansi í TB. VENJARIN Michael L. Vinter Hann er ikki týskari fyri einki. Hann krevur knallhart arbeiði, og hann ynskir, at tað skal vera trupult at spæla ímóti TB. Ikki tí hann vil verja, men tí hann vil spæla álopsfótbólt. Hetta er fyrsta árið hjá Michael L. Vinter í føroyskum fótbólti. Hann hevur gjørt tvey ára sáttmála við TB. MÁLIÐ Betri enn átta TB-venjarin hevur gjørt greitt, at málið er at gera tað betri enn í fjør. Tá bleiv TB nummar átta. Eitt 7. pláss er kanska ein tóm kensla, so møguliga skal TB sikta enn hægri. Nærkast topp fimm? Eg vil gjarna spæla sera álopskendan fótbólt og trýsta høgt MICHAEL L. VINTER SKAL VERA TRUPULT AT SPÆLA ÍMÓTI TB Nýggi TB-venjarin, týski Michael L. Vinter, hevur kollvelt venjingarhugburðin á Tvøroyri og ætlar sær at spæla álopskendan fótbólt. – Vit skulu vera truplir at spæla ímóti, sigur hann PÆTUR ALBINUS Nýggjur venjari hjá TB er týski Michael L. Vinter. Hann er 40 ára gamal, og hann hevur longu verið víða um í fót­bólts­heimi­ num bæði sum spælari og sum venjari. Michael hevur verið fulltíðar fótbóltsspælari í trið- og fjórðbestu deildini í Týsklandi, næstbestu deildini í Svøríki og næstbestu deildini í Danmark. Lívið sum fótbóltsspælari endaði í Skive IK í 2007, tá ið hann vegna hjarta­trupul­ leikar mátti leggja gaggurnar á hillina. Hann ynskti tó at halda fram í fótbóltsheiminum og kastaði seg út í tilveruna sum venjari. – Eg var so heppin at fáa venjarastarv í Danmark, har eg stóð á odda fyri U23- og eykaliðnum hjá Randers FC, sigur Michael. – Har var eg í næstan fimm ár. Eg var hesa tíðina eisini venjari á fótbóltsskúlanum hjá Randers FC, har eg vandi leikarar í aldrinum 14-19 ár. Nógvir av teimum leikarunum spæla í dag í Superliguni og í útlandinum, vísir Michael á. Michael sigur, at hetta var sum eitt kall fyri hann, og at hann skjótt fann útav, at venjaralívið júst var nakað fyri hann. Hann hevur síðani verið U19-venjari og hjálparvenjari á besta liðnum hjá FC Roskilde, og seinast var hann høvuðsvenjari hjá Brønshøj BK í triðbestu deildini. Tað er nógvur fótbóltur í lívinum hjá Michael, tí eisini kona hansara, Louise Lundsgaard Winter, er innarliga í fótbólti. Hon er fulltíðar fótbóltsspælari hjá Brøndby IF og hevur eisini spælt á danska landsliðnum. KOLLVELTING Michael L. Vinter var og vitjaði TB í eina viku, har hann fekk møguleikan at hyggja nærri at umstøðunum, og hvat skuldi arbeiðast við á liðnum. – Eg sá at tað manglaði ágrýtni og ein, sum kundi kickstarta eina grundleggjandi spæliætlan, har man skuldi kýta seg, men samstundis eisini passa tann sosiala partin, sigur Michael L. Vinter, sum síðani fekk ein sáttmála í hondina. – Vit vórðu samd frá degi eitt, at venjingarumhvørvið skuldi broytast til nakað meira professionelt, so vit venja tveir morgnar um vikuna kl. 6.30 og annars fimm til seks ferðir um vikuna seinnapartar, sigur Michael, sum hevur verið nøgdur við tað, hann higartil hevur sæð. - Veðrið hevur argað okkum av og á, men upptaktin hevur verið sera góð. Tað hevur verið ein kollvelting fyri leikararnar at venja so nógv, men vit hava havt 16-20 leikarar til venjing hvørjaferð. Eingin hevur gramt seg, og allir hava vant væl, sigur Michael. Fyrireikingarnar hava fevnt um venjingarlegu og teambuilding, men eisini ein býtúr. – Har fingu teir møguleika at kenna hvønn annan betur undir leysari teymum. Vit hava vant nógv, men vit leggja eisini dent á at skapa sambond og at vera eitt lið eisini uttanfyri vøllin, sigur nýggi TB- venjarin. MÁLSETNINGUR Við sær úr Danmark hevur Michael L. Vinter fingið ikki færri enn fýra spælarar. Teir eita Frederik Mehder, Rasmus Møller, Sebastian Kroner og Mads Raben, og teir skulu eftir ætlan vera við til at styrkja allar keturnar á vøllinum. – Teir veita liðnum nakrar royndir, sum teir hava frá sínum donsku feløgum. Teir hava eisini ein góðan venjingarhugburð, og so geva teir sjálvandi eisini liðnum nógva góðsku, sigur Michael, sum hevur sína fótbóltsfilosofi við úr heimlandinum, Týsklandi. – Mær dámar væl tann týska mátan at spæla fótbólt upp á, sigur hann. – Eg vil gjarna spæla sera álopskendan fótbólt og trýsta høgt. Vit skulu upp á tærnar, renna fyri hvønn annan og geva áskoðarunum nakað aftur. Tað skal vera stuttligt at síggja okkum spæla, sigur Michael, sum tó leggur afturat, at teir mugu arbeiða seg fram ímóti hesum ynskjunum. – Í løtuni arbeiða vit við at skapa eina grundleggjandi heild, sum skal gagna liðnum í longdini. Síðani leggja vit afturat viku eftir viku fyri at røkka stílinum, sum vit ynskja at spæla, sigur hann. Um málsetningin fyri kappingarárið sigur TB-venjarin, at teir gjarna skulu gera tað betri enn í fjør. Tá blivu teir nummar átta. – Vit skulu vera truplir at spæla ímóti. Vit skulu gera tað strævið fyri mótstøðuliðið, stinga sum vespur og revsa tá ið vit vinna bóltin. Harnæst skulu vit vera ein eind. Tað skal vera okkara vørumerkið, sigur Michael L. Vinter.