hósdagur 5. mars 2020síða 70

46 FÓTBÓLTUR 2020 FÓTBÓLTSBLAÐIÐ HJÁ MIÐLAHÚSINUM Í hesi øldini eru flestu kappingarárini hjá kvinnum endað við, at KÍ hevur vunnið meistaraheitið. Frá 2000 og heilt fram til 2016 vann KÍ á hvørjum ári meistaraheitið. EB/Streymur/Skála breyt sigursrøðina hjá KÍ í 2017 og endurvann meistaraheitið í 2018, men í fjør tók KÍ gullið aftur til Klaksvíkar. Nú farast skal undir nýtt kappingarár hjá kvinnum, er nógv, sum bendir á, at kappingin verður jøvn og tøtt í ár. Hesaferð bjóða seks lið seg fram í kvinnukappingini. Tey eru KÍ, HB, B36 og NSÍ umframt felagsliðini EB/Streymur/Skála og ÍF/ Víkingur/B68. JØVN KAPPING Meistaraliðið KÍ líkist sær sjálvum og fer eftir enn einum meistaraheitið. Fleiri av teimum, sum vóru stuðulsspælarar í óhoyrdu sigursgongdini eru ikki við longur, og tær, sum eru við, hava ikki sama leiklut sum áður. Nýtt ættarlið hevur í stóran mun tikið við í KÍ, men framvegis taka nakrir av gomlu profilum eitt tak – eitt nú Ragna Patawary, Rannvá B. Andreasen og Malena Josephsen. Felagsliðið ÍF/Víkingur/B68 ger nógv burtur úr og vil røkka longur, enn liðið gjørdi í fjør. Miðskeiðis í kappingini lá liðið væl fyri, men dragnaði í avgerandi dystunum í seinnu hálvu. Nú miðar ÍF/Víkingur/B68 eftir, at tað skal ganga betri í ár, og tær ætla at leggja nógv fyri í royndini at vinna FM. Í HB eru onkrar týðandi broytingar. Venjarin seinnu mongu árini, Alan Dybczak, er ikki longur venjari, men Landskrona-legendan Kári Reynheim hevur yvirtikið. Stóri profilurin Heidi Sevdal hevur skift til NSÍ at spæla, og tað verður dyggur missur fyri álopsspælið. Tí er spurningurin, um HB fer at hava somu styrki í ár sum undanfarin ár. NSÍ er nýggja liðið í deildini. Tað eru nøkur ár síðani, at NSÍ gavst við kvinnuliðnum, men nú hevur felagið aftur fingið mannað kvinnulið. Tað hava tær gjørt við at biða fleiri av teimum lokalu spælarunum, sum hava spælt aðrastaðni, koma heimaftur. Stóru profilarnir á liðnum vera systrarnar Heidi og Ansy Sevdal. EB/Streymur/Skála og B36 vóru aftanfyri hini liðini í fjør, og ábendingar eru um, at soleiðis kann fara at verða aftur í ár. EB/Streymur/Skála hevur ikki somu styrki, sum tá ið liðið vann FM tvey ár á rað, og B36 hevur seinastu trý árini verið í niðara enda. Betri-deildin hjá kvinnum byrjar 22. mars, tá ið dystirnir verða hesir: B36-ÍF/Víkingur/B68, NSÍ- EB/S/Skála og KÍ-HB. Seinasta umfar verður spælt 17. oktober. BETRI-DEILDIN KVINNUR KAPPINGIN HJÁ KAPPINGIN HJÁ KVINNUM KVINNUM ER VÍÐOPIN ER VÍÐOPIN Roknast kann við tættari og spennandi landskapping hjá kvinnum, har seks lið luttaka í ár