hósdagur 2. apríl 2020síða 40

FRÍGGJADAGUR 3. APRÍL 2020 40 ÁRSAÐALFUNDUR Í P/F ATLANTIC PETROLEUM www.petroleum.fo Boðað verður við hesum til ársaðalfund í P/F Atlantic Petroleum at verða í hølunum hjá Advokatfelagnum, Lucas Debesargøta 8, 100 Tórshavn hósdagin tann 30. apríl 2020 kl. 15.00 (føroysk tíð) við hesi fundarskrá: 1. Val av fundarstjóra. 2. Frásøgn nevndarinnar um virki felagsins í farna roknskaparári. 3. Framløga av grannskoðaðum ársroknskapi til góðkenningar. 3A. Góðkenning av nevndarsamsýning fyri 2019 og 2020. A. Góðkenning av nevndarsamsýning fyri 2019. Nevndin skjýtur upp at aðalfundurin góðkennir faktisku nevndarsamsýningina fyri 2019 á íalt DKK 510.483,82. B Góðkenning av støði fyri nevndarsamsýning fyri 2020. Nevndin skjýtur upp, at støðið fyri nevndarsamsýning fyri 2020 verður: • Støðisnevndarsamsýningin skal vera kr. 60.000,00. • Formaðurin móttekur 2,00 fer støðisnevndarsamsýningina. • Næstformaðurin móttekur 1,50 fer støðisnevndarsamsýningina. • Vanligur nevndarlimur móttekur 1,00 fer støðisnevndarsamsýningina. • Formaðurin fyri grannskoðaranevndina móttekur 0,50 fer støðisnevndarsamsýningina afturat vanligu nevndarsamsýning síni. 4. Avgerð um nýtslu av yvirskoti ella rindan av halli sambært góðkenda roknskapin og ársfrágreiðing. Nevnd felagsins mælir til, at úrslitið sambært góðkenda roknskapin verður flutt fram til næsta ár. 5. Val av nevnd. Allir nevndarlimir standa sambært viðtøkunum fyri vali fyri eitt 1 ára skeið, nevniliga: Ben Arabo, Kaj Johannesen og Mourits Joensen. Nevndalimirnir hava boðað frá at teir taka við vali og verður afturval skotið upp. Um fleiri upplýsingar ynskjast um valevnisuppskotini, verður víst til heimasíðu felagsins, www.petroleum.fo. 6. Val av grannskoðara, ið situr til næsti vanligi ársaðalfundur er lokin. Grannskoðari felagsins er P/F Januar løggilt grannskoðanarvirki, Óðinshædd 13, 100 Tórshavn, og skjýtur nevndin upp at afturvelja P/F Januar løggilt grannskoðanarvirki at sita sum grannskoðari felagsins til næsta ársaðalfund. 7. Aðalfundargóðkenning av at strika sekundæru listingina av partabrøvum hjá felagum á OSLO BØRS. Í løtuni eru ein partur av partabrøvum felagsins sekundært listaði á OSLO BØRS. Hesi partabrøv eru, eins og øll hini partabrøv felagsins, primert listaði á keypsskálanum í Keypmannahavn (NASDAQ OMX Copenhagen). Umsetningurin av sekundært listaðu partabrøvum felagsins á OSLO BØRS er ógvuliga lítil. Virksemi felagsins er ógvuliga nógv skert seinastu árini, har felagið eisini er hildið uppat við virksemi sínum í Noreg. Nevnd felagsins metir tí ikki hóskiligt at hava partabrøv í felagnum listaði á OSLO BØRS, og tí ynskir nevnd felagsins at strika hesa sekundæru listing av partabrøvum felagsins frá OSLO BØRS og søkja um at fáa strika hesa sekundæru listing av partabrøvum felagsins frá OSLO BØRS. Nevndin setur tí til aðalfundin fram hetta uppskot til aðalfundarviðtøku: “Aðalfundur felagsins góðkennir at sekundæra lisitingin av partabrøvum felagsins á OSLO BØRS, verður strikað og verður nevnd felagsins heimilað at taka eina og hvørja avgerð og stig í hesum sambandi” Aðalfundur felagsins hevur áður viðtikið hetta, men fór striking tá ikki fram. Fyri at viðgerða slíka umbøn krevur keypsskálin at viðtøka um hetta ikki er eldri enn 12 mánaðir og verður hetta tí at viðtaka av nýggjum. 8. Ymiskt. - - - 0 - - - Viðtøkumeiriluti. Uppskot á skránni fyri fundin kunnu viðtakast við vanligum atkvøðumeiriluta. Bílegging av atgongumerkjum og atkvøðuseðlum, umframt atkvøðugreiðsluháttur. Rættur parteigarans at luttaka á aðalfundi og at greiða atkvøðu í sambandi við partabrøv síni, verður ásettur í mun til tey partabrøv, sum viðkomandi partaeigari eigur skrásetingardagin. Skrásetingardagurin er týsdagin hin 23. apríl 2020. Partaeigari, fulltrúi hansara vegna, umframt fjølmiðlarnir, hava rætt til at luttaka á aðalfundinum, um viðkomandi í seinasta lagi mánadagin hin 27. apríl 2020 hava fráboðað felagnum hetta. Fráboðan um luttøku á aðalfundinum fer fram umvegis heimasíðu felagsins www.petroleum.fo ella á skrivstovu felagsins Lucas Debesargøta 8 , FO-110 Tórshavn ella á tlf nr. + (298) 591601 og/ ella á teldupostinum markh@petroleum.fo. Um so er, at partaeigari ikki kann luttaka á aðalfundinum, hevur hann møguleika at geva øðrum skrivliga fulltrú til at møta sína vegna. Á heimasíðu felagsins www.petroleum.fo, umframt á skrivstovu felagsins Lucas Debesargøta 8, F0- 100 Tórshavn, kunnu partaeigarar útvega sær fulltrúarskjal, sum kann nýtast í hesum sambandi. Parteigarar, ið eru tilknýttir Investor Portal umvegis heimasíðu felagsins, kunnu greiða fulltrúaatkvøðu umvegis henda portal. Atkvøðugreiðsla, ið ikki fer fram við brævatkvøðu, fer fram á sjálvum aðalfundinum, við at viðkomandi partaeigari (ella fulltrúi hansara), ið rættstundis hevur fráboðað luttøku á aðalfundinum, møtir upp á aðalfundinum og har greiðir atkvøðu. Atgongumerki og atkvøðuseðlar verða útflýggjaðir við dyrnar til aðalfundin. Brævatkvøður Partaeigarar hava møguleika at atkvøða við brævi, t.e. at atkvøða skrivliga, áðrenn aðalfundurin verður hildin. Á heimasíðu felagsins www.petroleum.fo er atgongd til oyðublað at nýta í sambandi við brævatkvøðu. Um so er, at partaeigari ynskir at greiða brævatkvøðu, skal brævatkvøðan verða móttikin á skrivstovu felagsins Lucas Debesargøta 8, FO-110 Tórshavn ella á teldupostinum markh@petroleum.fo í seinasta lagi mikudagin hin 29. apríl 2020. Rættur partaeigaranna til at seta fram spurningar. Partaeigarar kunnu undan aðalfundinum skrivliga seta leiðslu felagsins spurningar um viðurskifti, sum eru av týdningi fyri at meta um ársfrásøgnina 2019 og støðuna hjá felagnum annars ella um spurningar, sum avgerðir skulu takast um á aðalfundinum. Ynskir partaeigari at nýta henda rætt sín til at spyrja, kann hann senda spurning við brævi til P/F Atlantic Petroleum, Lucas Debesargøta 8, F0- 110 Tórshavn ella við teldubrævi á markh@petroleum.fo. Harumframt kunnu partaeigarar á sjálvum aðalfundinum munnliga seta leiðslu felagsins spurningar um nevndu viðurskifti. Skjalatilfar til aðalfundin, harundir ársroknskapurin 2019 og dagsskrá við fullfíggjaðum uppskotum. Skjalatilfar viðvíkjandi aðalfundinum, harundir (1) ársroknskapurin 2019 við grannskoðaraátekning og ársfrágreiðing (2) dagsskrá, (3) fullfíggjað uppskot til aðalfundin (4) upplýsingar um samlaða talið av partabrøvum og atkvøðum í felagnum dagin innkallað verður til aðalfundin og (5) fulltrúaskjøl og oyðublað til brævatkvøður liggja frammi og eru tøk á skrivstovu felagsins Lucas Debesargøta 8, F0- 110 Tórshavn (tlf nr. + (298) 51 16 01) í seinasta lagi 3 vikur áðrenn aðalfundin, og kann fáast eintak av hesum við at venda sær til felagið, umframt at alt hetta tilfar eisini er tøkt á heimasíðu felagsins www.petroleum.fo. Partapeningur, atkvøðurættur og kontoførandi peningastovnur. Partapeningur felagsins er kr. 3.697.860 býttur sundur í partabrøv á kr. 1,- og multipla av hesum. Í § 5 stk.1 í viðtøkunum er ásett, at partaeigararnir hava 1 atkvøðu fyri hvørjar kr. 1,- teir eiga í partapeningi. Tal av pørtum er: 3.697.860 og tal av atkvøðum: 3.697.860. Felagið hevur kosið sær P/F Betri Banki til kontoførandi peningastovn og kunnu parteigarar felagsins venda sær til henda peningastovn á bústaðnum Yviri við Strond 2, 100 Tórshavn ella á heimasíðuni www.betri.fo ella á telefon nummar + 298 348 000 fyri at útinna fíggjarligu rættindi síni í felagnum. Tórshavn, hin 3. apríl 2020 P/F Atlantic Petroleum Nevndin