hósdagur 16. apríl 2020síða 14

FRÍGGJADAGUR 17. APRÍL 2020 SOSIALURIN 37 14 ÁRNI GREGERSEN – Alt ger mun og er ein hjálp hjá føroysku fyritøkunum. Tí ræður um, at vit øll keypa so nógvar føroyskar vørur – heldur enn útlendskar. Helgi Abrahamsen, lands­ stýris­maður við vinnumálum, tekur fult undir við tankanum um, at vit í hesum koronatíðum leggja okkum eftir at keypa so nógv føroyskt, sum til ber. Í sambandi við at samfelagið er sett niður í ferð hava røddir verið frammi um, at tað ræður um hjá okkum at keypa so nógvar føroyskr vørur, sum møgu­ligt. Millum annað skrivar Vinnu­ húsið: – Mest effektivi hjálparpakkin er at land, kommunur og vinnu­ fyritøkur varðveita eftir­spurn­ ingin eftir vørum og tænastum hjá vinnuni, og at almennir stovnar avgreiða umsóknir og loyvis­viðurskifti skjótt og væl. Landsstýrismaðurin heldur eisini, at hetta hevur alstóran týdning, serliga í hesum døgum. – Tað er annars helst vanligt, at vit hugsa mest um okkum sjálvi, tá ið vit keypa. Hvar fáa vit mest fyri pengarnar, og hvar fáa vit bestu góðskuna. – Hetta er sjálvandi eisini ein partur av øllum, men í hesum døgum er tað skilagott held­ur at brúka pengarnar upp á før­ oyskar vørur, tí gera vit tað, so hjálpa vit til at halda føroyskari vinnu í gongd, sigur hann. Landsstýrismaðurin leggur tó afturat, at ein fortreyt er sjálvandi, at føroysku vørurnar hava eina góðsku, sum er kapp­ ingarfør. Ferðast í egnum landi Í sambandi við at keypa føroyskt nevn­ir landsstýrismaðurin ser­ liga ferðavinnuna, sum er serliga hart rakt. – Vit vita longu nú, at út­ lendsk ferðafólk í hópatali hava avlýst ferðir til Føroya í summar, og at onnur lond úti í heimi hava gjørt tað mestsum ómøguligt at ferðast. Tí eigur hetta at vera ein upplagdur møguleiki, at vit nýta høvi til í stóran mun at ferðast í egnum landi, sigur lands­ stýrismaðurin. Ferðavinnan er rakt á øllum front­um, men ein partur av henni kann fáa gagn av at vit ferðast í Føroyum. – Eg veit væl, at tað er torført at fáa okkum at brúka gistingarhúsini, men vit kunnu brúka innlendis ferðasambandið og føroysku matstovurnar. Tað er ein stór hjáp fyri vinnuna, sigur Helgi Abrahamsen. Føroyskar vørur Millum tær vørur, sum før­ oysk húsarhald brúka í ger­ andisdegnum, eru nógvar mat- og drykkjuvørur umframt aðrar vørur til húsarhaldini. Fyri at nevna nakrar, so fram­leiðir Mjólkarvirki Búnað­ ar­manna mjólkaúrdráttir av øllum handa slag, og alt hetta kann keypast í føroysku mat­ vøru­handlunum. Føroya Bjór framleiðir soda­ vatn og aðrar leskidrykkir, sum eisini kunnu keypast í handlunum. Harumframt fram­ leiða tey øl og spiritus til før­ oyska marknaðin. Tað sama gera onnur eisini. Av gerandisvørum er ein hóp­ ur av fiski og fiskavørum at fáa frá føroyskum framleiðarum, og tað sama er við kjøti og viðskera. Aðrar vørur verða eisini fram­ leiddar til før­oyska mark­nað­in, bæði rein­gerðar­evnir og máling. – Tað krevur sjálvandi, at hetta hevur eina góðsku, sum er á sama støði, sum innfluttar vør­ur, men hugsa vit eitt sindur meira um samfelagið enn okkum sjálvi, so gagnar tað okkum øllum, um vit hugsa okkum um og velja føroyskt heldur enn út­ lendskt, tá ið vit keypa, sigur lands­stýrismaðurin. – Kring landið og í teimum kommunum har, sum eftir­ spurn­ing­ur framvegis er, leggja fyri­tøkurnar arbeiðið soleiðis til rættis, at tær kunnu halda á at fram­leiða vørur og tænastur. – Fyri hesar fyritøkur er størsta hjálpin, at land, kommun­ ur o.o. halda fram við at spyrja eftir vørum og tænastum, og ikki byrja at útseta verkætlanir. Og ber til at seta enn meira ferð á eftirspurningin, so minkar tørvurin á hjálparpakkum til hendan partin av vinnulívinum, sigur Vinnuhúsið eisini. ALT GER MUN – KEYP FØROYSKT Nú samfelagið koyrir við minni ferð er ein góður hjálparpakki, at vit øll keypa føroyskar vørur heldur enn innfluttar vørur Helgi Anraahamsen, landsstýrismaður við vinnumálum, heldur at tað er eitt gott hugskot um vit øll leggja okkum eftir at keypa føroyskar vørur og tænastur Kemilux framleiðir vaskievni til bæði føroyska og útlendska marknaðin TEMA: Keyp Føroyskt