hósdagur 14. mai 2020síða 18

FRÍGGJADAGUR 15. MAI 2020 SOSIALURIN 41 18 VILMUND JACOBSEN T á Sigurd Hentze í Skopun byrjaði fyri­ tøkuna Gólvfix í okto­ ber í 2014, var hann einsamallur í eina tíð. Virksemið vaks so mikið skjótt, at hann eftir fáum mánaðum hevði ein mann aftrat sær. Sum tíðin leið, hevði hann tveir mans aftrat sær, soleiðis at teir vóru tríggir yvir eina longri tíð og nú - alt árið í ár - hava teir verið fýra, harav ein er lærlingur. Sjálvur er Sigurd Hentze út­ búgvin gólváleggjari, og soleiðis er hann eisini lærumeistari. Hann gjørdist útlærdur á gólv­ deildini í Vøruhúsinum á Hjalla í 2006, men hevur annars starvast sum gólváleggjari í eini 19 ár til­ samans. - Maðurin, sum eg havi í læru, hevur starvast hjá mær næst­an síðan byrjan, og hann hevur nú lært í umleið hálvt annað ár. Eftirhondini hava vit allir fýra drúgvar royndir sum gólv­ áleggjarar, sigur eigarin av fyri­ tøkuni. Nógv at gera Sigurd Hentze sigur, at Gólvfix hevur rættiliga nógv jørn í eldi­ num í løtuni, og soleiðis verður tað í minsta lagi alt hetta árið. Hann vísir á, at tey stóru arbeiðini, sum Gólvfix í løtuni hevur at gera, er stívligar 4000 fer­metrar av gólvi í nýggja parti­ num av Fuglafjarðar skúla. - Her eru vit undirveitarar hjá byggifyritøkuni, MT Højgaard, og tað er linolium, sum skal leggjast. Vit eru byrjaðir at spartla í skúlanum, og seinni kem­ur so verulig gongd á sjálva álegg­ingina. Sambært ætlanini skal skúlin standa liðugur eina­ ferð seinni í hesum árinum. Hann sigur, at Gólvfix eisini er við í stóru byggiverkætlanini í Sunda kommunu, har nýggjur skúli og ítróttarhøll verða bygd á Oyrarbakka. Tað er byggimeistarin, Jóan Petur Vang, sum stendur fyri hesi verkætlan. - Á Oyrarbakka leggja vit linoli­um á umleið 1300 fermetrar og vinyl á umleið 400 fermetrar. Aftrat hesum koma so mottur, tepp­ir og gummilistar, sum vit eisini taka okkum av. Sigurd Hentze sigur, at sam­ bært fyriliggjandi ætlan skal arbeiðið verða liðugt síðst í juli. - Vit hava í longri tíð gjørt arbeiði í skúlanum á Oyrar­ bakka, og ætlanin er, at vit allir fara norður hagar at leggja linolium í næstu viku. Í ítróttar­ høll­ini hava vit lagt vinyl í skifti­ rúm­unum, og okkara arbeiði í skifti­rúmunum er liðugt. Nýggja politistøðin í Havn er eitt annað rímiliga stórt arbeiði, sum Gólvfix skal gera, og her er fyribils talan um einar 2000 fer­metrar við linolium. Hetta arbeiði skal eisini verða liðugt eina­ferð seint í heyst. Av øðrum stórum verk­ætlan­ um, sum Gólvfix er partur av, eru tær 18 íbúðirnar, sum byggi­fyri­ tøkan KBH byggir fyri bústaðir á Toftum, og her skal fyritøkan hjá Sigurdi Hentze leggja vinyl á baðirúm og wc. - Eg haldi, at útlitini fram eftir eru góð, og vit hava í øllum før­ um ríkiligt at takast vit í 2020 og væl og virðiliga tað, sigur hann. Privatkundaskari Hóast Gólvfix er við sum undir­ veitari í fleiri størri verkætlanum, ger fyritøkan alt fyri eisini nøkta privatkundatørvin, sum Sigurd Hentze metir hava stóran týdn­ ing. - Tá tær størru verkætlaninar eina­ferð eru fingnar frá hondini, vilja vit framvegis hava ein breið­an privatkundaskara, sum hevur verið okkum bæði trúgv­ ur og drúgvur. Sigurd Hentze sigur, at um­ framt at leggja vinyl og linolium, fæst Gólvfix eisini við at slípa træ­gólv. - Í ávísum uppgávum arbeiða vit eisini við flótispartil, har kork­ment og síðan linoleum van­liga verður lagt oman yvir, so gólvið verður bleytari at stíga á, leggur hann aftrat. Sigurd Hentze heldur ikki, at korona-smittan hevur ávirkað arbeiðið hjá fyritøkuni í stóran mun, og hann heldur ikki, at við­ skiftafólk sum heild hava stúrt fyri at fáa gólváleggjarar heim at arbeiða. - Men, vit hava so eisini syrgt fyri at skipa okkum væl, soleiðis at bert ein maður - og í mesta lagi tveir - hava verið til somu upp­gávu í senn. Nú Sigurd Hentze býr í Skopun, hevur ferðaætlanin, har Teistin í nakrar vikur fór sein­ asta túr av Gomlurætt klokkan 19.05, verið eitt sindur tvørlig, men hann fegnast um, at nú verður aftur siglt eftir galdandi ferða­ætlan. - Vit hava tríggjar bilar, har lær­lingurin og eg gjarna koyra í sama bili og hinir báðir, sum eftir eru, hava hvør sín bil. Arbeiða lærlingurin og eg á hvør sínum staði, seti eg hann gjarna av og taki hann uppí aftur, tá dagur er lokin, sigur hann. Stórt og smátt Onkran einstakan dag er Sigurd Hentze heima við hús, har hann tekur sær av tilboðum og ymisk­ um øðrum fyrifallandi. - Viðskiftafólk kunnu altíð venda sær til okkara við fyri­ spurn­ingum, og vit geva óbind­ andi tilboð. Vit gera stórarbeiði, og vit gera arbeiði, sum taka ein ella tveir tímar - alt fyri at nøkta tørvin hjá okkara við­skifta­ fólkum, leggur hann aftrat. GÓLVFIX HEVUR ÚR AT GERA Eftir skjótt seks árum er fyritøkan hjá Sigurdi Hentze í Skopun nógv vaksin. - Eg byrjaði einsamallur, og nú eru vit fýra, sigur royndi gólváleggjarin í Skopun Sigurd Hentze byrjaði einsamallur við Gólvfix. Nú eru teir fýra og hava úr at gera kring landið Sveisivinyl í einum baðirúmi ger rúmið sera snøgt og lætt at halda reint og vakurt BYGGIVINNA