mikudagur 20. mai 2020síða 14

FRÍGGJADAGUR 22. MAI 2020 SOSIALURIN 42 14 HEIM & URTAGARÐAR - Nú kanst tú fáa tíni egnu hús laðað upp og innilokað við byggiblokkum frá Sp/f Vind í Saltangará. – Velur tú eina slíka loysn, kunnu vit inniloka tíni hús eftir stuttari tíð. Blokkarnir eru so mikið lættir at arbeiða við, at fólk eisini kunnu laða sjálvi - við vegleiðing frá okkara fólki, sigur Hans Petur Ellingsgaard VILMUND JACOBSEN S p/f Vind í Saltangará, sum í fleiri ár hevur verið veitari av dygdargóðum vind­eygum og hurðum úr plasti, træi og træ-alu umframt góðum og sterkum garasjuhurðum, hevur í eina tíð eisini verið veitari av byggiblokkum, sum kunnu gera tað lættari og skjótari, tá húsini skulu byggjast. Byggiblokkarnir, sum nærmast eru eini lego-loysn, bjóða rættiliga teirri siðbundnu loysnini við sethúsabygging av - bæði við skjót­leika og tí, at tú saktans kanst byggja húsini sjálvur við teirri ferð, tú sjálvur ynskir og hev­ur orku og umstøður til. Fyritøkan hjá Hans Peturi Ell­ings­gaard í Saltangará bjóðar sær eisini til at laða húsini - ella uppí­byggingina - fyri teg, soleiðis at hús ella uppíbygging stendur innilokað við vindeygum og taki eftir stuttari tíð. - Eg havi umboð upp á hesar byggi­blokkar hjá fyritøkuni - balpol.lt - í Litavia, og nú vit hava selt hesar blokkar í eina tíð, hava vit havt leveringar kring um landið, sigur hann. Góðar afturmeldingar Ymiskir byggiblokkar hava verið á marknaðinum í nógv ár, men her í Føroyum hevur tað tikið sína tíð at síggja henda frálíka byggi­ møgu­leika. Men, nú hevur Sp/f Vind rættiliga vindin í segl­un­um við byggiblokkum. - Serliga seinastu tíðina hava vit sæð, at áhugin er vorðin rættiliga stórur og veksandi, umframt at aft­urmeldingarnar, vit hava fingið, hava verið góðar. Hans Petur Ellingsgaard vísir á, at byggiblokkarnir eru serstakliga vælegnaðir til húsabygging - bæði til nútímans sethúsabygging og siðbundna bygging. - Vit hava lagt okkum eftir at hava best hóskandi støddina av byggi­blokkum á goymslu, soleiðis at við­skiftafólk altíð kunnu síggja og keypa tað, tey ynskja. Eigarin av Sp/f Vind sigur, at blokk­urin, tey hava á goymslu, er 1,25 sentimetrar langur og 30 senti­ metrar høgur. Samlaða breiddin er 40 sentimetrar. - Samansetingin í blokkinum, sum er úr polystiren EPS, er flam­ingo­kendur. Á innaru síðu er bjálv­ingin fimm sentimetrar - og á ytru síðu 20 sentimetrar. Síðan eru teir 15 sentimetrarnir inni í blokk­ in­um til betongfyllu. Hans Petur Ellingsgaard vísir á, at blokkurin fæst í ymiskum tjúk­dum, og var talan eitt nú um blokk­ar til eina garasju, hevði sjálv­sagt ikki verið neyðugt við somu bjálving, sum í einari húsa­ grund og húsum annars. - Vit kunnu bíleggja ta tjúkd, sum viðskiftafólk ynskja - alt eftir, hvat endamálið er, men vit hava valt at hava teir eftir okkara tykki best hóskandi blokkarnar til húsa­ bygg­ing á goymslu, sigur hann. Sp/f Vind kemur í næstum eisini við lidnum tekningum, har viðskiftafólk kunnu velja ímill­ um eini 6-8 ymisk byggisnið, sum eru teknað til loysnina við byggi­ blokk­um. - Fólk kunnu eisini senda okk­ um sínar egnu tekningar, og síðan seta vit eitt tilboð saman, sigur Hans Petur Ellingsgaard. Lætt at laða Tað er lætt at laða sær eini hús - ella eina uppíbygging - við byggi­ blokk­unum, sum Sp/f Vind selur. - Tú kanst saktans laða húsini upp sjálvur, tí blokkarnir eru lætt­ ir at arbeiða við. Teir eru upp­bygd­ ir soleiðis, at tú krøkir teir í hvønn annan, og síðan eru spor í blokk­ un­um, sum eru til at leggja jarnið í. Hans Petur Ellingsgaard vísir á, at húsini saktans kunnu laðast í fleiri hæddum og tríggjar hæddir, sum vanlig sethúsabygging ofta er, er als eingin trupulleiki. - Hesin byggiháttur er so lættur, at tað skal gangast tær rættiliga illa í hond, um tú fert skeivur á leiðini. Okkara royndir eru, at tað er passandi at laða einar fimm blokkar upp í hædd í senn og síðan fylla betong í. Hetta svarar til eina hædd á hálvan annan metur, tá hvør blokkur, sum nevnt, er 30 senti­metrar høgur. Ein slíkur blokkur, sum Sp/f Vind hevur á goymslu, vigar eini 4-5 kilo, so teir eru lættir at hand­ fara. - Blokkarnir verða skornir eftir tørvi, tá tú kemur um vind­eygu, hurðar ella endar. Vit brúka ein skeribrennara, ið er ein brenni­ tráð­ur, sum fer ígjøgnum blokkin, og hetta ger arbeiðið so sera lætt. Hans Petur Ellingsgaard sigur, at eitt, sum eisini ger hesa bygging sera ómakaleysa, er, at her er ikki neyð­ugt við nakrari tilrigging og av­rigging, tá dagsins arbeiði byrjar ella endar. - Tú arbeiðir, tá tú hevur hug, og tá klárt er at fylla betong í, send­ir tú boð eftir betongbilinum - ella, tú velur at blanda betongið sjálv­ur og fyllir í uppsetingina. Tú avger ferðina sjálvur, og her er eingin, sum bíðar eftir, at tú kem­ur aftur við forskallingum, sig­ur hann. Skjótt at inniloka Sp/f Vind hevur bygt eini hús við byggi­blokkum og fara væntandi í holt við tey næstu fyrsta dagin. - Um so er, at viðskiftafólk ikki hava stundir at byggja sjálvi, so laða og inniloka vit gjarna húsini. Hans Petur Ellingsgaard vísir á, at fyritøkan soleiðis eisini kann levera ein lidnan pakka, har Sp/f Vind laðar og innilokar. - Tá eru húsini laðað upp, og vit seta vindeygu í og leggja tak á. Eftirhondini hava vit gjørt okk­ um royndir við hesi bygging, og tí nýt­ist tað ikki at taka meira enn ein ella tveir mánaðir at laða og inni­loka, tá talan er um eini vanlig sethús. Eigarin av Sp/f Vind heldur, at hetta er ein fantastiskur møgu­ leiki, eins og hann heldur, at byggi­ blokk­arnir eru sera væl egnaðir til sítt endamál. - Eini hús, sum eru laðað við byggi­blokkum, kunnu antin klæð­ ast ella pussast, og vit halda, at eitt lag av pussi uttan á blokkunum er besta loysnin. Innan kann eitt nú klæð­ast við gipsi, sigur hann. Til dystin fús Sp/f Vind heldur til í góðum um­ støð­um í gamla bygninginum hjá Skipa­felag Føroya á havnalagnum í Salt­angará. - Vit eru til dystin fús og hava fólk brúk fyri ráðgeving og veg­ leiðing, eigur eingin at halda seg aftur, sigur Hans Petur Ellings­ gaard. Ein skjót húsaloysn við byggiblokkum - Tað er lætt at laða sær eini hús - ella eina uppíbygging - við byggiblokkunum, sum vit selja, sigur Hans Petur Ellingsgaard, sum eigur og rekur Sp/f Vind. Mynd: Oliver Joensen