hósdagur 28. mai 2020síða 50

TEKSTUR VILMUND JACOBSEN Samrøða Gulllaksavertíðin er í gongd og á Tavuni í Leirvík, har gulllaksurin verður skorin og malin til fars, er í løtuni eingin kreppa G ulllaksavertíðin byrjar vanliga í fyrru hálvu av apríl, og í fleiri ár hava seks skip - ella trý partrol­ arapør - fiskað gulllaks í vertíðini. Vanligt plagdi at vera, at vertíðin vardi til nakað út á heystið, men sum árini eru liðin, er heildarkvotan minkað. Vertíðin hesaferð er fyrsta árið, at skip­ ini, sum fiska gulllaks, hava eginkvotu. Higartil í vertíðini hevur Tavan í Leirvík keypt nógvan gulllaks og stjór­in, Joen Magnus Rasmussen, væntar, at gulllaksavirksemið í ár verð­ur liðugt til ólavsøku. Arbeiða í vaktum Joen Magnus Rasmussen sigur, at tey hava havt nógv at gera, síð­an vertíðin byrjaði í farna mánaði. Arbeitt verður vanliga í tvey-skifti­ vakt­um, sum eru á 10 tímar hvør vaktin. Tá mest er at gera, hava fólk bara frí sunnudag, og síðan tørnar fyrra vaktin til aftur mánamorgun. - Vit eru von við at virka nógv fars inn á goymsluna, og síðan verð­ ur vøran avskipað og seld, sum árið gongur. Stjórin sigur, at higartil hevur korona-kreppan ikki havt stórvegis ávirk­an á virksemið hjá Tavuni. - Gulllaksafarsið verður mest selt til handlar í norðurlondum, og tí vænta og vóna vit, at okkara virksemi ikki verður so hart rakt. Støðan er ivaleyst truplari hjá framleiðarum, har ein størri partur av søluni fer til mat­stovur, tí nógvar matstovur hava verið stongdar, sigur hann. Gera mat sjálvi Joen Magnus Rasmussen vísir á, at nú korona-smitta hevur herjað, hava mong hildið seg heima við hús - ikki bara í Føroyum - men eisini í londunum rundan um okkum. - Tað merkir, at fólk hesa tíðina í størri mun enn áður sjálvi hava gjørt mat heima við hús, og hetta hevur faktiskt verið ein fyrimunur fyri okkara virksemi. Stjórin í Tavuni sigur seg hava frætt frá keyparum, at eftir­spurn­ ing­urin eftir teirra vørum hevur verið heldur størri enn fyri kreppuna. - Eg vil ikki siga, at vit endiliga hava merkt øktan eftirspurning, men vit hava so heldur ikki merkt nakra minking, sigur Joen Magnus Rasmussen. Eingin hjálparpakki Tavan hevur higartil ikki havt brúk fyri almennum hjálparpakka, og stjórin væntar ikki, at hetta fer at gerast aktuelt. Í vikuni hevur eisini stjórin á Kósavirkinum í Klaksvík, Jógvan Han­sen, úttalað seg um, at tey neyvan heldur fara at fáa tørv á hjálp­ ar­pakka. - Enn klára vit at halda tørn, men vit vita sjálvsagt ikki, hvussu drúgv kreppan verður. Nógv er broytt seinastu tvær vikurnar, og vón­andi verður ikki neyðugt við hjálparpakka til okkara virksemi. Stjórin í Kósavirkinum sigur seg vóna, at tað fer at eydnast virk­ in­um at klára brotasjógvin, sum korona-kreppan hevur verið fyri nógva fiskaframleiðslu. - Nú sær betri út, men vit kenna ikki framtíðina, sigur Jógvan Hansen, stjóri á Kósavirkinum. SKIPINI FÁA VÆL MINNI FYRI GULLLAKS Í fjør fingu manningarnar 5,20 krónur fyri kilo av gulllaksi - nú fáa teir 4,70 Tey seks gulllaksaskipini hava nú gjørt fleiri túrar. Dánjal í Skálum, reiðari á Vesturbúgvanum, sum partrolar saman við Eysturbúgvanum, segði herfyri, at teir fyrstu túrarnir vóru góðir í nøgd, og skipini komu fullfermd aftur. Síðan var nakað minni at fáa, men skipini hava í vertíðini hesaferð havt brúkiligan fiskiskap. - Men, eitt er nøgdin. Annað er prísurin, og í byrjanini av gulllaksavertíðini fingu skipini 4,70 krónur fyri kilo. Í fjør fingu vit 5,20 krónur fyri kilo. Reiðarin í Vestmanna sigur, at skip og manning høvdu vónað, at prísurin í ár fór at vera nakað betri enn í fjør, men soleiðis hevur tað ikki verið higartil. Dánjal í Skálum vísir á, at korona-kreppan kom so bráddliga, og hann væntar eisini, at afturgongdin í gulllaksaprísinum helst er eitt sindur tengd at lágu norsku krónuni. - Vit hava verið í skiftandi tíðum, og í løtuni er fiskaprísurin lágur. Eg vænti tó, at prísurin hækkar aftur, tá umstøðurnar broytast. Oljan er eisini vorðin bíligari, og tað lættir so hinvegin nakað um hjá trolarunum, sigur Dánjal í Skálum. Stjórin í Tavuni, Joen Magnus Rasmussen, vísir á, at gulllaksavøran verður seld í donskum krónum, og tí er hon dýrari hjá norðmonnum at keypa, nú norska krónan er lág. - Vit hava tó ikki merkt prísfall enn, men vit kunnu vænta eitt ávíst prísfall, sum árið gongur, leggur hann aftrat. KEYPA OG ETA HEIMA VIÐ HÚS Tað hevur verið nógv arbeiði í Tavuni í Leirvík seinastu vikurnar, síðan gulllaksavertíðin byrjaði Dánjal í Skálum er reiðari á Vesturbúgvanum »Okkara vøra verður avskipað og seld, sum árið gongur« 18