hósdagur 4. juni 2020síða 46

FRÍGGJADAGUR 5. JUNI 2020 SOSIALURIN 44 18 Kappróður T ølini siga, at ein av bestu bátunum yvir­ høvur seinastu árini í føroysku kappróðri er 5-mannafarið Erla Kongsdóttir við kvinnum. Óføru kvinnurnar úr Fugla­ firði hava seinastu seks árini vunn­ið FM fimm ferðir – í 2014, 2015, 2016, 2018 og 2019. Erla Kongsdóttir bjóð­ar seg aftur í ár fram í kvinnu­kapp­ ingini. Undanfarnu árini hava tær í Fuglafirði verið í báti­ num saman við rógvarum úr granna­bygdunum. Í ár er tað heilt merkisvert, at bara ein av teim­um sjey, sum eru við til at manna Erlu Kongsdóttir, býr í Fuglafirði. Tað er hon, sum situr afturi í rongini. -Vit hava altíð havt gott samstarv við rógvarar úr granna­bygdunum, og í ár kemur hetta samstarvið sera væl við. Fleiri av teimum, sum hava verið við til at vinna øll FM heitini, eru ikki tøkar at rógva í ár. Onkur er flutt til Havnar og hevur ikki umstøður at venja í Fuglafirði, og so eru tað aðrar, sum hava smá børn og tí ikki hava umstøður at venja og kappast í ár. Tað sigur Sunnleyg Eliasen, sum er forkvinna í ÍF kappróður. -Ein umborð á Erlu Kongs­ dóttir býr í Klaksvík, onkur býr á Skála, og so eru fleiri úr Leirvík. Hesar hava allar róð í fleiri ár, og fleiri teirra hava verið við til at manna bátar hjá okkum, so vit rokna tær mest sum at hoyra til hjá okkum, sigur Sunnleyg Eliasen. 5-mannaførini Fenja og Silja eru mannaðar við barna­mann­ ingum. Talan er um blandaðar mann­ingar – bæði gentur og dreing­ir. Á mannfólkasíðuni er tað 8-mannafarið Gullbrandur, sum bjóð­ar seg fram. -Vit eru fegin um, at menninir eisini taka lut. Talan er um nakrar ungar dreingir – 16-17 ára gamlir – sum áður hava róð í dreingjabátum, og sum nú hava hug at royna seg millum menn. At hjálpa sær hava teir nakrar eldri og meiri royndar rógvarar, sigur Sunnleyg Eliasen. Umstøðurnar at venja og rógva kapp eru góðar í Fugla­ firði – bæði í neystinum og á sjón­um. Fuglafjørður verður rokn­að­ur at vera eitt av bestu róðrar­økjunum í landinum. Tað kenn­ist undarligt, at tað bara er FM kappróður í Fuglafirði annað­hvørt ár. Í ár verður eingin FM kappróður á varmakeldu. FM róðurin í ár verður á Skála­ fjørðinum. Langt síðani menninir vunnu Síðani 2010 hevur Erla Kongs­ dótt­ir við kvinnum vunnið seks FM heiti. FM í genturóðri vann Erla Kongsdóttir í 2012 og 2013, og Silja úr Fuglafirði vann FM í genturóðri í 2014. At kvinnurnar í Fuglafirði hava verið framúr í kappróðri sein­nu árini verður undirstrikað av, at 6-mannafarið Rádni við kvinn­um vann FM í 2016 og 2017. Tað er heilt langt síðani, at bátar úr Fuglafirði, mannaðir við monnum, hava verið í fremstu røð. Eingin bátur úr Fuglafirði við monnum hevur vunnið FM, síðani meistarakappingin í 1973 varð skipað eftir tí leisti, sum tað síðani hevur verið kappast eftir. Frá 1964 og fram til 1972 varð FM kappingin avgjørd í einum róðri stutt eftir ólavsøku. Søgu­ liga yvirlitið vísir, at tá vóru fuglfirðingar meistarar. 10-mannafarið Fuglfirðingar var meistari bæði í 1967 og 1968. Tað vil siga, at tað er liðin meiri enn ein hálv øld, síðani menn­inir úr Fuglafirði vunnu FM í kapp­ róðri. Kvinnurnar úr Fuglafirði vunnu í 1964 FM við Erlu Kongs­ dóttir. Síðani varð einki gull vunnið til Fuglafirðar aftur fyrr enn í 2010. Síðani hevur tað verið stutt millum gullkrónurnar hjá kvinnunum. Sum tað er nevnt omanfyri, so samstarva tey í Fuglafirði við grannabygdirnar. Í Eystur­ kommunu – Leirvík og Gøtu – varð kappróðrarfelag endur­ stovnað fyri fáum árum síðani. Kappróðrarfelagið hjá teimum eitur Tindur, sum bjóðar seg fram við tveimum mann­ ingum – einari í barnaróðrinum fyri dreingir og einari í kapp­ ingini millum 5-mannafør við dreingjum. NÝGGJ MANNING SKAL LYFTA TUNGA ARVIN Erla Kongsdóttir hevur vunnið gull fimm ferðir seks tey seinastu árini