hósdagur 4. juni 2020síða 55

FRÍGGJADAGUR 5. JUNI 2020 SOSIALURIN 44 27 Kappróður VILMUND JACOBSEN B ergur R. Dam Jen­ sen umboðar KÍF k a p p r ó ð u r u m Kollafjarðar Ítróttar­ felag, KÍF. Hann sigur, at í kapp­ róðrar­árinum, sum nú byrjar á norð­oyastevnu, verður ikki stór luttøka úr Kollafirði. Tað merkir tó ikki, at KÍF kappróður ætlar at leggja árarnar inn. Tvørturímóti. - Vit hava í ár fingið nakrar ungar dreingir at manna 5-mannafarið Koll til FM-róðurin í ár. Hetta er ein barnamanning, og hetta er okkara einasta manning, sum er byrjað at rógva. Vit arbeiða eisini við at fáa eina gentumanning umborð á Koll til barnaróður. Enn er tó ov tíðliga at siga við vissu, hvussu tað fer at eydnast, men genturnar hava so ikki verið í bátinum enn. Bergur R. Dam Jensen sigur, at 6-mannafarið Kollfirðingur, sum felagið eisini eigur, er ikki tilmeldaður FM í ár, tí báturin er ikki mannaður. - Vit hava fingið onkrar fyri­ spurningar um at lána Koll­ firðing, men vit vilja heldur, at báturin verður mannaður við einum róðrarumhvørvi í Kolla­ firði. Í staðin fyri at lata aðrar rógva í Kollfirðingi, fara vit heldur at gera bátin kláran til næsta kappróðrarár, so hann vónandi kann verða mannaður næsta ár, sigur hann. Umhvørvið betrast Formaðurin í KÍF kappróðri sigur, at hóast manningarnar eru fámentar í ár, verður nógv arbeitt fyri at reisa róðrar­um­ hvørvið í Kollafirði á føtur aftur. - Eg fekk til uppgávu fyri tveim­um árum síðan at sam­ skipa róðrarpartin hjá KÍF, og hesa tíðina havi eg sæð, at um­støðurnar hjá róðrarfólki í Kollafirði mugu gerast betri, tí tær eru als ikki tíðarhóskandi. Hann vísir á, at KÍF eigur róðrar­neyst, men her hevur einki viðlíkahald, ei heldur nøk­ ur dagføring, verið í mong ár. - Stevnan verður her næsta ár, og tá vilja vit, at umstøðurnar eru komnar upp á pláss. Tey, sum rógva her hjá okkum, mugu hava líka frægar umstøður sum onnur, ið rógva. Í neystinum eru ongar brúsur og eingi wc. Vit hava tveir bátar og ljós, men tað er bara ikki nóg mikið, sigur hann. Vanta eldsálir Bergur R. Dam Jensen heldur, at kappróðrarumhvørvinum í Kolla­firði vantar nakrar eldsálir, sum ikki hava verið seinnu árini. - Vit hava tikið upp eitt sam­ skifti við kommunala myndug­ leik­an, og vit bæði vóna og vænta, at hesin sær týdningin av kapp­róðrinum í økinum og fer at lurta eftir okkum. Tað, sum má gerast, má vera í samstarvi millum felag og kommunu. Formaðurin vísir á, at ein høll, sum ítróttarhøllin í Kollafirði, hevur so nógv størri týdning fyri tey lutfalsliga fáu fólk, sum búgva í Kollafirði, enn ein til­ svarandi høll hevur fyri ein bý sum Tórshavn, sum hevur so nógv annað. - Eg haldi, at virðingin fyri tí arbeiði, sum hevur verið gjørt fyri kapp­róðurin í økinum, hevur verið ov lítil, tó at báðir bátarnir - Kollur og Kollfirðingur - hava úrslit at vísa á, har Kollfirðingur eigur trý FM-heiti og Kollur við dreingj­um eigur tvey, leggur hann aftrat. Kjølur í Kollafirði Bergur R. Dam Jensen veit eisini at siga, at eitt privatkeyp, sum hann tekur til, er gjørt, soleiðis at 10-mannafarið Kjølur nú aftur hevur heimstað í Kollafirði. - Kjølur varð upprunaliga smíð­aður til Kollafjarðar, og báti­num feilar einki, tó at hann nú hevur nøkur ár á baki. Nú er bát­urin so aftur heimahoyrandi í Kolla­firði. Hóast kappróðurin er í andróðri beint í løtuni, gevast vit ikki á hendur, men vilja gera tað, sum liggur í okkara makt fyri at byggja kappróðurin upp­aftur, sigur formaðurin í KÍF kapp­róðri. KÍF KAPPRÓÐUR SKAL REISAST Á FØTUR AFTUR - Stevnan verður her næsta ár, og tá vilja vit, at umstøðurnar við kappróðrarneystinum eru komnar upp á pláss. Tey, sum rógva her hjá okkum, mugu hava líka frægar umstøður sum onnur, ið rógva. Í neystinum eru ongar brúsur og eingi wc. Vit hava tveir bátar og ljós, men tað er bara ikki nóg mikið, sigur Bergur R. Dam Jensen Tað hevur onkuntíð gingið betur hjá KÍF kappróðri at manna bátarnar enn í ár og formaðurin, Bergur R. Dam Jensen, vónar, at tað fer at eydnast at fáa meira lív í felagið aftur