týsdagur 9. juni 2020síða 18

MIKUDAGUR 10. JUNI 2020 · NR. 45 Sosialurin 2 Ferðast Vilmund Jacobsen Tað er ikki bara kring um í Føroyum, at summarið í ár helst verið munandi øðrvísi, enn tað annars hevði verið, um korona- far­sóttin ikki kom sum eitt skot og broytti alt. Soleiðis verður eisini í høvuðsstaðnum, har ein stórur part­ur av út­ lendsku ferða­fólk­un­um plagdu at savnast. Flestu ferða­manna­ skip, sum skuldu koma til landið í summar, eru av­lýst - ella skotin út til eina­ferð seinni. Sjóvegis ferðslan hev­ ur at kalla ligið lamin, og flogferðslan hevur koyrt á lægsta blussi. Øðrvísi summar Broyttu umstøðurnar merkj­ast soleiðis eisini hjá Visit Tórshavn, har summar­ið á nógvan hátt verður øðrvísi. - Onnur ár hevur kamp­ing­plássið Yviri við Strond at kalla verið fult av út­lendskum ferðafólki, bæði í mai, juni og juli, men í summar er tað mesta avlýst. Beinta Joensen hjá Visit Tórshavn ásannar, at hetta verður eitt øðr­ vísi summar við øðr­vísi avbjóðingum og upp­ gávum hjá kunn­ingar­ stovuni. - Men, síðan løgmaður á tíðindafundi herfyri boð­aði frá, at Føroyar í ávísan mun nú fara at lata upp aftur fyri út­ lendskum ferðafólki hin 15. juni, har krøv ikki longur verða um sóttar­ hald í Føroyum, er okkurt hent. Hon vísir á, at bara fyrra­partin í gjár fekk Visit Tórshavn einar 10 teldupostar frá útlend­ ing­um - serliga dønum og týskarum - sum spyrja seg fyri um eitt nú leigu og kampingmøguleikar. - Hetta merkir tó ikki, at summarið ikki verið nógv øðrvísi enn tað annars hevði verið. Okk­ urt bendir tó á, at nøkur útlendsk ferðafólk fram­ vegis droyma um eina ferð til Føroya. Beinta Joensen sigur, at Visit Tórshavn hev­ur fingið nógvar av­lýs­ingar og broytingar av bí­legg­ ingum, har ferða­fólk vóna, at tingini fara at laða seg soleiðis, at tey kunnu koma til Føroya sein­ni í summar. - Men, tað er eisini ein partur sum sigur, at vit síggjast næsta ár, leggur hon aftrat. Tað plagdi at vera eitt rættiligt lív í høvuðs­stað­ num, tá ferða­manna­skip­ ini komu. - Sjálvandi er tað ein missur fyri eitt nú flutn­ings-, matstovu-og handilsvinnuna, at hesi skip ikki koma í summ­ ar, men hetta gevur okkum eisini møguleikar at hugsa kreativt og ný­ skap­andi, sigur hon. Summarátøk Beinta Joensen sigur, at tey í Visit Tórshavn arbeiða við nógvum ymisk­um hugskotum um summar­á­tøk, sum tey fara at boða frá, tá hesi eru komin upp á pláss. - Vit hava ein hóp av hug­skotum um smærri familju­tiltøk ymsastaðni í høvuðs­staðnum, og eitt av hugskotunum er at grilla og kanska hava onkrar smærri familju­ kapp­ingar á kamp­ing­øki­ num Yviri við Strond. Hon sigur, at tey á Visit Tórshavn nú hava ein annan ”hatt” á høvdinum, har hugsað verður um før­oysk ferðafólk, og hvat høvuðsstaðurin kann bjóða føroyskum familj­ um, sum hava hug at leita sær av bygd og til Havnar. - Vit vilja hava før­ oy­ingar at ferðast til Havnar, bæði børn og vaksin, og vit fara í næst­ um at siga frá ymisk­um møguleikum í hesum sam­bandi. Beinta Joensen vísir á, at bæði á gastro­nom­iska økinum og mentan­arliga økinum hevur høvuðs­ staðurin nógv at bjóða. - Okkara uppgáva verður at seta sama nøk­ ur summarátøk, sum kun­ nu draga nógvar før­oysk­ ar familjur til Havnar, leggur hon aftrat. Gistingarmøguleikar Havnin eigur tey nógvu hotellini, men í høvuðs­ stað­num og í Streym­ oynni sum heild eru eisini summarhús og íbúðir, sum kunnu leigast til familju­túrar, og Visit Tórs­havn umsitir fleiri av hesum. - Nú útlendsk ferðafólk ikki fylla kampingplássið Yviri við Strond, er kamp­ ingøkið her eisini eitt frálíkt høvi til gisting, antin í kampingvogni ella tjaldi. Her er pláss fyri umleið 35 vognum og kanska 40 tjøldum - tó við tí fyrivarni, at øllum fram­vegis verður mælt til at taka atlit. Húsið við kamp­ing­ plássið Yviri við Strond hevur allar hent­leikar, og her er bæði køk­ur, vaski­ maskina, turki­trumla og uppihaldsstova umframt fleiri wc’ir og brúsur. - Fólk eru altíð hjarta­ liga vælkomin at venda sær til Visit Tórshavn, sigur Beinta Joensen. Visit Tórshavn Visit Tórshavn fer at skipa fyri summarátøkum - Vit hava ein hóp av hugskotum um smærri familjutiltøk og summarátøk ymsastaðni í høvuðsstaðnum, og eitt av hugskotunum er at grilla og kanska hava onkrar smærri familjukappingar á kampingøkinum Yviri við Strond, sigur Beinta Joensen hjá Visit Tórshavn