týsdagur 23. juni 2020síða 28

Mikudagur 24. juni 2020 · Nr. 49 28 Sosialurin Hugskot og viðmerkingar – send sms til 225000 Jóannes Hansen/Tróndur Arge Nú er ein triðingur spældur av landskappingini. KÍ og B36 vunnu favoritt-sigrar og renna aftaná HB í oddinum. Víkingur satsaði og vann bara sín annan sigur á botn-fimm liðunum. Argjamenn hava framvegis ikki vunnið, men hesa ferð vóru teir fegnari um javnleikin, enn teir móti Skála og EB/Streymi. Tvøramenn hava við sigrinum á Skála, og samanlagt trimum javn­leikum, vunnið seg røttu megin niðurflytingarstrikuna. KÍ og B36 hava ávikavist 20 og 19 stig og tað kunnu tey helst verða nøgd við. HB hevur 22 stig á fremsta plássi. Í Sarpu­ gerði er ein ávís ónøgd við heildaravrikið í fyrsta triðing­ inum, men sigurin í gjár var ein staðfesting av, at venjarin er djarvur, og ikki er bangin fyri at seta royndar spælarar av lið­num, tá teir ikki avrika væl. Í botn-fimm stríðnum hev­ur TB nokk verið størsta vónbrotið. Við stórari tilgongd var væntað, at tvøramenn skul­du fáa fleiri stig enn tey seks, sum eru komin. ÍF vísti aftur sunnudagin, at liðið er í stand til geva teimum stóru mótstøðu, og tað sæst eisini aftur á stigatalvuni, har fugl­ firð­ingar hava flest stig av teim­um niðastu. Argjamenn og skálamenn hava langt á mál, tí hvørki av feløg­unum hava vunnið ein dyst higartil. Fuglfirðingar iðra seg 3-0 sigur oftast, at talan er um greiðan sigur. B36 vann 3-0 í Fuglafirði, men bæði í B36 leguni og millum fuglfirðingar verð­ur ásannað, at úrslitið er mis­vísandi sammett við tað, sum gekk fyri seg á vøllinum í Fløtu­gerði. -Vit fegnast um sigurin, og vit fegnast serliga um, at einki mál fór ígjøgnum hjá okkum. Rói Mørk Hentze bjargaði brots­sparki, og hann bjargaði eisini, tá ið Sámal Joensen heilt tíð­liga var leysur frammanfyri mál­verjan hjá okkum, sigur B36 lið­for­maðurin, og hann heldur fram: -Í seinna hálvleiki vóru vit ikki sannførandi. Sammett við í fjør er ÍF ikki at kenna aftur. Fuglfirðingar vunnu nógv­ar nærdystir, og tá riggaði saman­ spælið hjá okkum ikki so væl. At tað ikki eydnaðist teim­um at skora bar við sær, at tað framvegis var eitt sindur eftir okkara treytum. Og so var tað heilt avgerandi, at Brian Jakob­ sen bæði skoraði og legði upp tað korterið, hann var á vølli­ num. Honum fara vit heilt víst at hava brúk fyri, sigur Andrias H. Eriksen. Hetta var fyrsta ferðin síðani 3-0 sigurin í øðrum umfari, at einki mál fór ígjøgnum hjá B36. Ólavur Larsen er annar av ÍF venjarunum. Hann harmast 3-0 tapið, sum hann heldur vera mis­vísandi: -Gongdin í dag minti nógv um, tá ið KÍ og HB vóru her. Í øllum hesum dystunum hava vit tapt við trimum málum, eftir at vit leingi hava verið væl við og kenna okkum hava spælt fyri at vinna stig. Stóri trupulleikin er, at vit ikki megna nóg væl at umseta málmøguleikar til mál. Tíverri misnýttu vit brotsspark, og vit høvdu eisini aðrar stórar møguleikar. Hugaligt var tað, at umframt Jákup Nolsøe Ol­ sen í málinum, so stóðu tveir aðrir ungir fuglfirðingar seg væl. Sámal Joensen og Gundur E. Petersen eru góðir fót­bólts­ spælarar, og teir vóru við til at syrgja fyri, at vit í sein­na hálvleiki vístu betri fót­bólts­ spæl enn B36, sigur Ólavur Lar­sen. Tað endaði við, at B36 vann 3-0, men tað var spenningur í, inntil tað restaðu fýra minuttir. Tað var ikki fyrr enn tá, at tað eydnaðist B36 at økja um munin til 2-0 og so 3-0. Tá ið eitt korter var eftir, varð Brian Jakobsen skiftur inn í B36 álopið. Hann hevur verið skaðadarvaður, og síðani hevur hann havt ilt við at vinna pláss millum teif fyrstu ellivu. Sunnudagin varð hann skiftur inn, tá ið tað restaði eitt korter, og fýra minuttir und­an leikloki økti hann um B36 leiðsluna til 2-0. Meinhard E. Olsen legði við frísparki úr vinstru og fram í brotsteigin, og innskifti Brian Jakobsen stýrdi við høvdinum bóltin inn við handara stólpa. Tá var stórur fagnaður í B36 leguni, og í tíðini, sum dómarin legði aftrat, eydnaðist tað at stað­festa 3-0 sigurin við máli, sum Meinhard E. Olsen skoraði. Her var tað Brian Jakobsen, sum átti uppleggið. Leingi var tað 1-0, og harvið reið tað um snarið, hóast B36 hevði fleiri málmøguleikar og fleiri spentar støður eftir nógv horna­spørk í fyrra hálvleiki. Eftir B36 horna úr vinstru vóru fuglfirðingar óhepnir at gera sjálvmál í 9. minutti. Tá hevði B36 longu havt tveir heilt stórar møguleikar. Nú Milos Budakovic er skaddur, var 21 ára gamli Jákup Nolsøe Olsen millum ÍF stólparnar, og hann var ein brandur. Tað var hann beinannvegin, tá ið hann órædd­ur leyp ímóti og bjargaði. B36 var leikliga oman á í fyrra hálvleiki, men ÍF spældi seg eisini til góðar mál­møgu­ leikar. Tann størsta vann ÍF mið­skeiðis í fyrra hálvleiki, tá ið Eiler Rasmussen bríks­ laði fyri brotssparki til ÍF. ÍF liðformaðurin Jan Ó. Ellings­ gaard hevur higartil í ár skorað trý mál. Eitt av hesum mál­ unum varð skorað við brots­ sparki. Jan hevur umsetti nógv brotsspørk til mál, men í kanska mest avgerandi brots­ sparks­støðuni, sum hann hevur verið í, eydnaðist tað ikki at skora. B36 málverjin, Rói Mørk Hentze, tveitti seg til høgru fyri seg sjálvan og bjarg­ aði. KÍ vann tryggan sigur Tað var einki at ivast í, tá ið meistararnir í Klaksvík sunnu­ dagin høvdu vitjan av Skála, sum framvegis leingist eftir fyrsta sigrinum í ár. KÍ vann 3-0. Eftir fyrra hálvleik var 2-0. At spurningurin eftir steðg­ in bara var, hvussu stórur heima­sigurin fór at verða, varð staðfest longu í fyrsta minutti eftir steðgin. Tá vann KÍ horna í høgru. Jóannes Bjartalíð legði innfyri og Páll A. Klettskarð, sum var settur á vøllin eftir steðgin, setti bóltin í netið, og so var 3-0. Fyrsta málið varð eisini skorað eftir horna úr høgru. Jóan­nes Bjartalíð sendi inn­ fyri, og eftir at einir tveir høvdu nortið við bóltin, var tað KÍ liðformaðurin Jákup B. Andreasen, sum skumpaði bólt­in síðsta meturin inn um mál­strikuna. Klaksvíkingar pressaðu í løtum gestirnar frammarlaga á vøllinum, og tað var orsøkin til 2-0 málið. Jonn Johannesen vann bóltin frammarlaga í høgru, legði upp á tvørs, og Patrik Johannesen takkaði fyri og skoraði annan dystin á rað. Skálamenn royndu at spæla fót­bólt, og teir vóru ágrýtnir, men tað var ov stórur munur á lið­unum. KÍ eigur nógv størri likam­liga styrki og vann flestu nær­dystirnar bæði á jørðini og í luftini, og KÍ hevði fleiri roynd­ ar spælarar, sum loystu av, enn skálamenn áttu. Sum seinni hálvleikur leið, var bólturin mest sum alla tíð­ ina á skálahálvuni. Tá ið gest­ ir­nir viðhvørt vunnu bóltin, vóru klaksvíkingar á teimum, áðrenn tað bar Skála til at vinna seg fram á mótstøðuhálvuna. Síðstu minuttirnar vendi myndin. Skála var fleiri ferðir í KÍ brotsteiginum, og tá var um reppið, at Ronni Møller-Iversen mink­aði um munin, men úr góð­ari støðu og eitt sindur úr vinstru sendi hann bóltin upp um KÍ málið. Javnt í Trongisvági Tað var intenst, og tað var spenn­andi, men tað var í longum løtum rættiliga óruddi­ ligt, tá ið TB seinnapartin hevði vitjan av AB. Bólturin fór ikki á rull fyrr enn eitt korter eftir ætlaðu dystarbyrjan. Tað komst av, at AB ferðalagið fór suður fyrra­ partin. Jóansøkuferðslan var nógv, og tí var Smyril eitt sind­ ur seinkaður suður. Tað endaði 1-1. Bæði málini vórðu skorað í fyrra hálvleiki. TB legði seg framum, tá ið eitt korter var farið. Málskjútti var Nikolei Johannesen, sum annars hevur verið nógv á beinkinum, men sum sunnu­ dagin var millum teir fyrstu ellivu. Tað var eftir innlegg frá Ras­musi Møller. AB svaraði aftur, tá ið tað restaðu átta minuttir av fyrra hálvleiki. Innleggið var úr høgru, og eftir kontra var bólturin høgt í luftini, áðrenn hann dalaði niður stutt úr máli­num. AB miðverjin Sørin Betri deildin menn 9. umfar: VÍKINGUR VÍKINGUR SATSAÐI SATSAÐI OG VANN OG VANN Betri deildin menn: Eyðun Klakstein setti fleiri royndar spælarar av og tað gav úrslit. B36 hevði trupulleikar í Fuglafirði, men Rói M. Hentze var stóri bjargingarmaðurin. KÍ vann uttan dramatikk móti Skála, meðan TB og AB deildu stigini á jóansøku