týsdagur 23. juni 2020síða 30

Mikudagur 24. juni 2020 · Nr. 49 30 Sosialurin Hugskot og viðmerkingar – send sms til 225000 Tróndur Arge – Við Løkin, Runavík Runavíkingar vunnu sann­ førandi 2-0 á HB mánakvøldið í seinasta dystinum í fyrsta trið­inginum í landskappingini. Við sigrinum bleiv NSÍ fyrsta liðið, sum vann á HB og setti samstundis lív í oddastríðið, har fýra feløg nú eru bara ein sigur frá oddasessinum hjá havnar­monnum. Vandin fyri øll uttan tey í HB er, at teir endurtaka kapp­ ingar­árið frá 2018, tá ongin spenn­ingur var meginpartin av kappingini, tí HB streyk avstað. NSÍ spældi væl betri enn teir hava í hinum toppdystunum, samstundis sum avrikið hjá HB vr lækari enn hini avrikini í ár. Tá so HB fekk møguleikan at gera tað spennandi, so stóð Tórður Thomsen í vegin. NSÍ hevur bara latið fýra mál inn í ár og tað í stóran mun takkað verið málverjanum. NSÍ í broyttari spælskipan Runavíkingar hava fyri tað mesta spælt 3-5-2 í ár, men til hendan dystin broytti Glenn Ståhl uppstilling til 3-4-3. Hetta fyri at leggja størri trýst á upp­ spælið hjá HB. -Teir senda ein maður aftur í millum miðverjarnar og byggja upp við trimum. Vit broyttu uppstilling fyri at kunna møta teim­um við trimum heldur enn tveimum spælarum í upp­spæli­ num, sigur Glenn Ståhl, venjari hjá NSÍ. Búi Egilsson fekk afturval, eftir at hann bleiv skiftur úr í hálv­leikinum í 1-1 javnleikinum móti B36. Hesa var hann meira álopskendur í høgru, meðan Petur Knudsen var í vinstru. HB aftur við 16 ára gomlum í miðverjuni Undan dystinum kunngjørdi HB, at felagið hevur fingið til­ gongd av Mads Boe Mikkelsen, sum er føroyskur U21-lands­ liðsspælari, men hevur higartil bara spælt í donskum fótbólti. HB hevur avbjóðingar við skaðum og hvørki Heðin Han­ sen ella Delphine Tshiembe blivu tøkir til dystin. Tí fekk 16 ára gamli Samuel Chukwudi aftur­val fyri triðju ferð í mið­ verjuni. Einasta broytingin var at Jógvan Rói Davidsen byrjaði inni fyri Hera H. Mohr á høgra bakkinum. Her verður sagt úr HB, at tað er einasta plássi har HB fær skift millum tveir javnt góðar spælarar, og tí velur mann eisini at spara har tað ber til. Heri H. Mohr skuldi tó skjótt koma í spæl NSÍ á øllum Undan dystinum hevði NSÍ bara fingið tvey stig í trimum upp­gerðum móti hinum í topp- fimm. Í javnleikunum móti KÍ og B36 var NSÍ greitt við undir­ lutan, meðan HB hevur verið omaná í flestu dystunum hjá havnarmonnunum í ár. Tí kom tað óvart á, at NSÍ setti seg á dystin frá byrjan. Longi fyrstu minuttirnar sást, at NSÍ hevði takið á dystinum. Teitur M. Gestsson mátti tvær ferðir til arbeiðis, áðrenn Bárður J. Hansen eftir 11 minutt­ir legði NSÍ á odda. Tað var eftir innlegg úr vinstru frá Peturi Knudsen. Okkurt sprell var í HB spæli­num, men tað var flut uppi­borið, tá Petur Knudsen økti til 2-0 fáar minuttir fyri hálvleik. Tá hevði Klæmint A. Olsen havt tríggjar góðar mál­møguleikar, men í fjórðu royndini bleiv hann feldur av Samuel Chukwudi og dómarin, Petur Reinert, peikaði á brots­ sparksblettin. Petur Knudsen var róligur og fintaði Teit M. Gests­son at fara í skeiva síðu. NSÍ kundi verið á odda við fleiri, men lagið var gott á áskoðaraplássunum. Í HB- legunni kemur tað ila við, at Pætur Petersen má av vøllinum við skaða. Í hansara stað kemur Heri H. Mohr. HB svarar aftur – Tórður í stórformi Í seinna hálvleiki er HB væl betri við. Liðið byrjar nú at megna at trýst NSÍ aftur á egna hálvu, og teir reyðu og svørtu vinna eisini fleiri tvídystir. Størstu møguleikarnir at skora fáa d o n s k u mið­vall­arnir Mathias Nygaard og Mikkel Frankoch. Serliga Mathias Nygaard er nær við, tá hann í tveimum førum stútar móti málinum, men í báðum førum er talan um góðar bjargingar frá Tórðuri Thomsen. Serliga tann fyrra er í heimsflokki. Løtu seinni eru gestirnir snildir í hornasparksstøðu, men Mikk­ el Frankoch rakrar ikki bóltin nóg væl. Í hinum endaum fánar álops­spælið eitt sindur, men NSÍ megnar í løtum at leggja trýst á og halda bóltinum inni á hálvu­ni hjá HB. Móti dystarenda vilja HB arnir hava brotsspark, men í besa føri er talan um fríspark uttan­fyri brotsteigin. Dómarin dømir einki, tá bólturin kemur í hondina á einum NSÍ ara. Tað endar við at NSÍ vinnur uppi­borið 2-0. Runavíkingar kundu havt vunnið meir, men HB kundi eisini havt etið seg inn aftur í dystin. Glenn nøgdur – Berthel ónøgdur Glenn Ståhl var ovurfegin um sigur og brúkti millum annað ensku vendingina ”on top of the world”, nú NSÍ endiliga vann ein dyst móti einum av hin­um toppliðunum. - Mínir menn vístu sjálvs­ álit og tordu at spæla og ikki sparka fótbólt. At teir tordu tað – eisini tá ið mót­støðu­ menninir royndu at pressa teir frammarlaga á vøllinum – hevði avgerandi týdning. Upp­stillingin var broytt so­ leiðis, at vit vóru í 3-4-3 út­ gávu í staðin fyri 3-5-2. Tað er styrki at vera førur fyri at vera í fleiri útgávum, og mínir menn vístu í kvøld, at hetta megnaðu teir væl, segði svenski høvuðsvenjarin hjá NSÍ, Glenn Ståhl. Jens Berthel Askou var minni fegin, hóast HB fram­ vegis er nummar eitt á stiga­ talvuni. - Tað riggaði ikki. Persónlig mistøk í verjupartinum og óneyvar temjingar og skeiv­ ar avgerðir, tá ið tað var um at verða vandamikið í álops­ parti­num bóru við sær, at tað ongantíð varð heilt vanda­ mikið. Tá ið vit so í seinna hálvleiki megnaðu at vinna okkum í tvær góðar støður eftir innlegg úr vinstru, so vardi málverjin hjá teimum meist­arliga væl, sigur danski høvuðs­venjarin hjá HB, Jens Berthel Askou. trondur@sosialurin.fo Betri deildin menn: Runavíkingar gjørdu øll fótbóltsføroyum eina tænastu, við at vinna á HB mánakvøldið. Nú er stórur spenningur í oddinum, har bara trý stig eru á muni millum HB á fyrsta plássi og B36 á fjórða plássi Fótbóltur Dysturin hesa vikuna... GLENN: PÓL JÓHANNUS ER VÆLKOMIN -Pól Jóhannus Justinussen er ein fantastiskur spælari. Hann kann geva okkum nakað, sum vit kanska ikki hava í løtuni við kropsligri styrki. Millum annað í uppspælinum og tá vit hava innlegg. Um hann fær hug at møta til venjing í morgin, so skal eg bjóða honum vælkomnum, sigur Glenn Ståhl, venjari hjá NSÍ, um eina møguliga tilgongd av Pól Jóhannusi Justinussen. NSÍ-HB 2-0: GER SO VÆL – GER SO VÆL – HEILSAN NSÍ HEILSAN NSÍ