týsdagur 7. juli 2020síða 14

MIKUDAGUR 8. JULI 2020 · NR. 53 Sosialurin 14 FJARÐASTEVNA 2020 Nú kappróður verður í Vestmanna leygardagin, luttekur Havfrúgvin við tveimum barnamanningum Vilmund Jacobsen Fjarðastevna er annaðhvørt ár í Vestmanna, og tá stevnan ikki er í Vestmanna, skiftast Skála og Strendur um at skipa fyri. Sámal Joensen, sum situr í starvsnevndini hjá VÍF, sigur, at tað er kappróðrarnevndin, sum tekur sær av tí praktiska í sam­band við kappróðurin. - Hetta arbeiði gongur væl, og vit vóna, at kappróðurin fer at savna nógv fólk, eins og líkt er til, at hann hevur gjørt á undan­farnu stevnum higartil í ár. Hann sigur, at 5-mannafarið Hav­frúgvin fer at luttaka við tveim­um barnamanningum, einari gentumanning og einari dreingja­manning. - Eg haldi eisini, at onkrir ung­dómar úr Vestmanna rógva við 5-mannafarinum Junk­ara­ num úr Kvívík. Sámal Joensen sigur, at 6-mannafarið Fortuna, sum var við í fjør, er ikki við í ár. - Vit vóna, at tey ungu, sum nú rógva í Vestmanna, fara at halda fram, soleiðis at tað verður lættari at manna kapp­ róðr­arbátarnar frameftir. Skráin fyri fjarðastevnu í ár er ikki rúgvusmikil, og her er eitt nú eingin dansur á skránni, sum tað annars plagar at vera, tá stevna er í Vestmanna. - Vit mugu smyrja okkum við, at tíðin er ikki hin rætta til eina drúgva stevnu í ár, og hetta merkir eisini skránna fyri fjarða­stevnu. Sámal Joensen sigur, at barna­róðurin byrjar leygar­ dag­in klokkan 13.30, og løtu seinni letur eisini matsøla upp á havnalagnum, har fólk kunnu keypa sær kaffi, vafflur, toast, pylsur og annað. - FM-kappróðurin byrjar klokk­an 15, og matsølan verður opin so leingi, sum róð verður. Eitt lítið tjald verður sett upp til matsøluna. Eftir at kappróðurin er liðugur um 18-tíðina leyg­ar­ dagin, verður útimøti á Reyða Torgi­num klokkan 19.30, og tað er Útimøtibólkurin, sum skipar fyri. Um kvøldið klokkan 21 er ætlanin at hava summarbál uttan fyri John’sa brúgv, sum stað­ið verður rópt, og her verður sangur, tónleikur og grill­ing um viðrar. Sámal Joensen sigur, at tað ikki er óhugsandi, at onkur onnur smærri tiltøk verða í Vest­manna á fjarðastevnu, og um so verður, verður kunnað um hesi. Vestmanna bjóðar til stevnu Leygardagin fara vestmenningar at skipa fyri kappróðri, og her fer Havfrúgvin at luttaka við tveimum barnamanningum