týsdagur 7. juli 2020síða 16

MIKUDAGUR 8. JULI 2020 · NR. 53 Sosialurin 16 FJARÐASTEVNA 2020 Vilmund Jacobsen Flestu túrar, sum Sjóferðir - Skúvadal Sp/f - bjóða, verða sigldir við bátunum, Silju Star og Froyi, sum feløgini, Sea Service Sp/f (Lamhauge) og Skúva­dal Spf, eiga og reka.  Hesir bátar hava loyvi at sigla við 48 ferðandi hvør - á hvørjum túri. Við tað, at bát­ arnir hava pláss til nógv fleiri ferðandi, er altíð gott pláss umborð, og hetta kemur væl við hjá ferðafólki, sum eru ser­liga ansin í hesum korona- tíðum. Umframt Silju Star og Froy, er eisini báturin Barbara, sum er av slagnum, Aqua Star, og Barbara er góðkend at sigla við 28 ferðandi á hvørjum túri. Ferðandi við hesum bátum kunnu eftir egnum ynski vera úti ella inni og um eina hátalaraskipan, sum hoyrist bæði inni og úti, hoyra ferðafólk eisini tað, sum ferðaleiðarin fortelur á túri­ num. Umborð á øllum trimum bátunum er wc. Minni sigling í ár Gunnar Skúvadal sigur, at best umtókti túrur hjá Sjóferðum er túrurin til vestmannabjørgini, men hann ásannar, at siglingin higartil í ár, nú Føroyar eins og heimurin allur hevur verið raktur av korona-farsóttini, ikki kann samanberast við eitt van­ligt ár. - Tá mest var at gera, kundu vit í háárstíð gera einar 4-6 slíkar túrar um dagin, men higartil í ár hava vit sjáldan gjørt meira enn hin eina túrin. Vit hava eina heimasíðu - skuva­dal.fo - har einstaklingar og bólkar kunnu bóka seg til túrar hjá Sjóferðum, og her eru nakrar bíleggingar. Men, árið líkist slett ikki undanfarnu árum. Gunnar Skúvadal vísir á, at vónirnar fyri summarið eru so sum so, og hann væntar ikki, at summarið verður meira enn ein fjórðing - og í besta lagi ein triðing - av tí, tað plagdi at vera, tá mest var at gera. - Vit vóru eini 10 fólk til arbeiðis í fyritøkuni í há­árs­ tíð­ini, tá matstovan og alt er íroknað, men higartil í ár hevur munandi minni verið at gera. Hann heldur tískil, at árið í ár er eitt frálíkt høvi hjá føroyingum, sum enn ikki hava upplivað at síggja vest­mannabjørgini og ta fantastisku náttúru og um­ hvørvi, sum er um hesar leiðir. - Eg veit ikki, um vit hava sæð fleiri føroyingar higartil í ár enn vanligt, leggur hann aftrat. Øll eru vælkomin Tað eru sjálvandi mong, sum longu hava verið túrin undir vestmannabjørgunum, men fyri tey - einstaklingar ella bólk­ar - sum ikki hava verið her, er hetta ein náttúruuppliving burtur­av. Gunnar Skúvadal vísir á, at tað eru fleiri føroyingar, sum hava summargestir, ið velja henda túrin og aftur­meld­ ingarnar, sum Sjóferðir gjøgn­ um árini hava fingið, eru góðar. - Eg haldi, at vit higartil í summar mest hava sæð danir á hesum ferðum, men her hava eisini verið enskt talandi fólk - og so einstakir føroyingar. Øll eru hjartaliga vælkomin, og tað hevði glett okkum at sæð enn fleiri føroyingar, tí hetta er ikki minst ein fantastiskur familjutúrur, sigur hann. Aðrir møguleikar Hóast túrurin til vest­manna­ bjørgini er tann, sum nógv tey flestu velja, hava Sjóferðir eisini ymiskar aðrar møguleikar at bjóða ferðafólki. - Vit hava møguleikan at sigla leigutúrar, har tey ferðandi sjálvi velja, hvar tey vilja fara. Vit kunnu sigla til Myki­nesar, og vit kunnu eisini sigla út heilt út til Svínoyar, um onkur bólkur ella arbeiðspláss ynskir tað. Men, tá er talan sjálv­sagt eisini um aðrar prísir enn teir, sum almenna flutn­ ings­tænastan bjóðar. Alt er møguligt hjá Sjó­ferð­ um, og møguleiki er soleiðis eisini at fara úr Vestmanna til vestmannabjørgini og síðan víðari til Mykinesar, har gest­ir­ nir fara í land. Ein onnur tænasta, sum Sjóferðir eisini kunnu bjóða, eru fiskitúrar. - Vit plaga at sigla fram til 1. oktober, og soleiðis verður eisini í ár, um einki óvanligt hend­ir, leggur Gunnar Skúva­ dal hjá Sjóferðum aftrat. Matstova og Søgusavn Virksemið hjá Skúvadal - ella Vestmanna Tourist Centre - fevnir eisini um matstovuna og barrina í hugnaligu Fjøru­ krónni á bryggjuni og serstaka Søgu­savnið, sum er eitt upp­ livilsi fyri lívið. Í Søgusavninum fært tú eina heilt serliga uppliving, har tú gongur millum søguligu per­ sónarnar, samstundis sum tú í oyratelefonum hoyrir brot úr Føroya søgu. Ljós, ljóð og enntá luktur gera framsýningina í Søgu­ savni­num í Vestmanna til nakað serstakt. VESTMANNABJØRGINI VESTMANNABJØRGINI EIN FANTASTISKUR EIN FANTASTISKUR MØGULEIKI MØGULEIKI - Árið í ár er eitt frálíkt høvi hjá føroyingum, sum enn ikki hava upplivað at síggja vestmannabjørgini og ta fantastisku náttúru og umhvørvi, sum er um hesar leiðir, sigur Gunnar Skúvadal hjá Sjóferðum