týsdagur 7. juli 2020síða 18

MIKUDAGUR 8. JULI 2020 · NR. 53 Sosialurin 18 FJARÐASTEVNA 2020 Vilmund Jacobsen Nú fjarðastevna verður í Vest­manna leygardagin, fer eisini Krambúðin hjá Norð­ streymoyar Heima­virkis­felag at hava opið við nógv­um ymiskum og flottum heima­ virkislutum. Tað er ein nevnd, sum stend­ ur aftan fyri áhugafelagið, og forkvinna í nevndini er Barbara Brattaberg. Tað er Vestmanna kom­mu­ na, sum eigur húsið, ið er gamla krambúðin hjá Niels hjá John, sum tey róptu handilin. Húsið er eisini bygdasavn, sum er á loftinum. 140 limir Íbúðin í húsunum er nýliga sett í stand í 1920-ára stíli, og her er eisini kaffistova. Í húsunum er eisini Vektarbúðin, og her plagar kommunan at skipa fyri konsertum. Í vektarbúðini er eisini ein ullaframsýning. - Tá tú kemur inn í íbúðina, er fyrst Vektarbúðin har, og síðan gongur tú oman í kram­ búðina, har pløgg og lutir hjá heima­virkisfelagnum eru til sølu. Barbara Brattaberg sigur, at Norðstreymoyar Heima­virkis­ felag, sum hevur umleið 140 limir í Vestmanna og Kvívík, hevur húsast í krambúðini í eini seks ár. - Vit hava umleið 40 virknar limir, sum arbeiða við ymiskum heimavirkaðum, og vit hava opið um sumrarnar og síðan aftur til jólar. Her eru mong snøgg, vøkur og nútímans pløgg, og her eru eisini smúkk­ ur og ymiskir aðrir lutir. Flestu limir eru kvinnur, men her eru eisini nakrir menn, sum eitt nú arbeiða við horni. Hon sigur, at leigan, sum áhuga­felagið rindar komm­un­ uni, er fimm prosent av kaffi­ søluni, og síðan rinda tey, sum selja síni pløgg og lutir her, 20 prosent av søluni til felagið. - Vit skipa eisini fyri skeiðum fyri limirnar og ein partur av tí, vit fáa burtur av søluni, verður brúkt til hesi endamál. Barbara Brattaberg sigur, at í tí stóra og heila eru áhuga­ felagið og krambúðin eitt triv­ nað­arátak. - Vit leggja dent á, at pløgg og lutir eru nútímans, og eg tori at siga, at tey, sum keypa her hjá okkum, fáa ein góðan prís. Barbara Brattaberg vísir á, at rá­vørurnar eru ymiskar, og í fyrsta lagi fyllir tógvið nógv. - Men, vit hava eisini vørur úr eitt nú kópaskinni, og her keypa tær, sum fáast við hetta, rá­vøruna úr Grønlandi. Talan er eitt nú um taskur, armbond, oyra­ringar og ymiskar smúkk­ ur, har kópaskinn er partur av rávøruni. Fjarðastevna Barbara Brattaberg sigur, at nú fjarðastevna verður í Vest­ manna leygardagin, verður kram­búðin opin frá klokkan 14 til 17, meðan kappróðurin er, og síðan verður opið aftur frá klokkan 20 til 22 leyg­ar­kvøldið, tá konsert verður í Vektar­ búðini. - Krambúðin og kaffi­stov­ an eru annars opin í summar­ hálvuni týsdag, mikudag og hósdag frá klokkan 14 til 17, sigur nevndarforkvinnan í Norð­streymoyar Heima­virkis­ felag. - Vit leggja dent á, at pløgg og lutir, sum vit selja, eru nútímans, og eg tori at siga, at tey, sum keypa her hjá okkum, fáa ein góðan prís, sigur Barbara Brattaberg, forkvinna í Norðstreymoyar Heimavirkisfelag HEIMAVIRKAÐ PLØGG OG LUTIR Í KRAMBÚÐINI