týsdagur 21. juli 2020síða 4

juli 4 Ólavsøkan 2020 Ábyrgd: Eirikur Lindenskov Samskipari: Terji Nielsen Blaðfólk: Dagfinn Olsen, Jóannes Hansen, Tróndur Arge, Árni Gregersen, Vilmund Jacobsen, Steinar Patursson og Pætur Hjalmar Evenssen Myndir: Álvur Haraldsen o.o. Grafikkur: Heidi í Dali Jacobsen og Jón Tórur Einarsson Framleiðsla: Miðlahúsið Prent: Prentmiðstøðin ÓLAVSØKA Í FRÁSTØÐU – og kanska við munnbindi V it plaga altíð at siga, at ólav­søkan er nakað serligt – men hesaferð verður ólav­søkan í øllum førum øðr­vísi, enn tað vit eru von við. Tað er vanligt á ólavsøku, at gestir av bygd og úr útlondum koma til Havn­ar at hátíðarhalda tjóðarhátíð okkara – og longu fleiri dagar undan ólav­søkuaftan, er ólavsøkan longu byrjað ymsastaðni í býnum. Í hesum koronutíðum verður mælt til, at vit ikki fjølgast so mong, sum vit plaga á ólavsøku. Tað verður tí trupult at halda eina púra vanliga ólav­søku, har nógv fólk koma sam­ an til skrúðgongu, til setanina, til kapp­róðurin og onnur stór tiltøk, sum vanliga eru á ólavsøku. Nú skal ólav­søkan haldast í frástøðu, og mælt verð­ur til, at ólavsøkan í nógv størri mun verður hildin úti í ymsu granna­ løg­unum í býnum. Tí verður ólavsøkan hesaferð í øll­ um førum øðrvísi, har vit í frá­støðu, og kanska meira í útvarpi og sjón­ varpi fylgja ymsu tiltøkunum, sum verða. Ólavsøkan er eisini søga, tí vit halda ólavsøku at minnast Ólav kong, sum fall á Stiklaøstøðum fyri skjótt túsund árum síðani. Tí nertir ólav­søkan við uppruna og samleika okk­ara – og kristna kjølfestið. Á ólavsøku verður tingið sett. Ein tann størsta hátíðarløtan á ólav­ søkuni er uttan iva, tá politiska skipan okkara fer í skrúðgongu úr tinginum í Havnar Kirkju til gudstænastu ólav­ søkumorgun – og niðan aftur í Løg­ tingið, har klárt er at byrja nýggja tingárið. Ein sera vakur siður, sum styrkir samanhaldið millum føroy­ ing­ar. Og tað er ein aldargamal sið­ ur, at prestar og politikarar ganga í skrúð­gongu á ólavsøku. Fyrsta kirkj­an, sum vit við vissu vita um í Havn, var kirkjan úti á Reyni, sum varð bygd í 1609. Søgukøn fólk vilja vera við, at kirkja má hava verið í Havn fyri ta tíð, tí skrúðgongan skal vera eldri enn tað og ein katólskur sið­ur, sum stavar frá einaferð fyri trú­bótina. Á seinastu ólavsøku skrivaði løg­ maður út løgtingsvalið, sum varð hildið 31. august í fjør. Síðani tá er nýggj manning komin í Tinganes, og nýggi løgmaðurin fer ólavsøkudag at halda fyrstu ólavsøkurøðu sína, har hann fer at seta politisku kósina fyri tingárið, sum byrjar hendan dagin. Veðrið á ólavsøku hevur alt at siga. Soleiðis verður uttan iva eisini hesa­ferð – serliga tí fólk skulu halda frá­støðu og tí vera nógv úti. Men verð­ur regn, so hevur tað stóra ávirk­ an. Vit vóna sjálvandi, at tað verður gott veður á ólvavsøku, so vit kunnu halda hana so nøkulunda, sum vit plaga, hóast tað verður í frástøðu og við avmarkingum – og kanska við munnbindi. Vit í Miðlahúsinum ynskja øllum eina góða ólavsøku! Eirikur Lindenskov blaðstjóri Sosialurin