týsdagur 21. juli 2020síða 24

juli 24 Ólavsøkan 2020 HOTELLINI ERU KLÁR TIL ÓLAVSØKUNA Tað verður nógv gjørt burturúr í matstovunum á Hotel Føroyum, Hotel Brandan og Hotel Hafnia Pætur Hjalmar Evensson H otellini í Havn fara at gera sítt til at hugna um á ólavsøku. Serliga leggja hotellini dent á at geva sínum ólavsøkugestum eitt serstakt matupplivilsi, soleiðis at mann ikki skal ganga svangur á ólavsøkuni. Vit hava spurt okkum fyri hjá Hotel Brandan, Hotel Hafnia og Hotel Føroyum, hvussu tey fara at halda ólavsøkuna í ár. Brandan og Hafnia spíla seg út Nýggjasta hotellið í Havn eitur Hot­el Brandan, og har verður nógv gjørt burturúr. 28. juli verður vín og sjógæti á skránni, og okkurt gott verð­ur eisini til tey smáu, umframt okkurt gott omaná. 29. juli verður borð­reitt við gourmethotdoggum til fót­bólts­dystin, og so verða cocktails og annað eisini at fáa. – Aftrat hesum hava vit sjálvandi eisini stóru buffetina í Panorama á Hafnia, sum verður allan dagin bæði 28. og 29. juli. Har er ikki neyðugt at bíleggja borð, mann kemur bara framvið. Hetta verður ein buffet við alskyns góðum kjøti, sjógæti, kaku, suppu og øðrum, og so hevur mann útsýni um allan býin, greiðir Pætur Trónd Thomsen, stjóri í Hotel Hafnia, frá. Hann vísir eisini á, at tey gera eis­ini okkurt serligt burturúr í mat­ stovuni Katrinu Christiansen, sum Hotel Hafnia eigur. – Har ber til at fáa skeljadjór, lamb og dessert. Tað plagar at vera væl vitjað á ólavsøku, sigur Pætur Trónd Thomsen og vísir á, at støðan í ár er serlig orsakað av koronafarsóttini. – Vit fara absolutt at gera okkara fyri, at ólavsøkan verður hildin sum vant og í góðum lag. Vit taka sjálv­ andi atlit til tey tilmæli, sum eru, og satsa uppá, at korona ikki fer at ávirka for nógv. Men flowið verður sikk­urt øðrvisi, sigur hann. – Vit vóna at siggja so nógv fólk í miðbýnum sum gjørligt. Vit gleðast um, at summarið er komið, og vit gleða okkum øll til ólavsøkuna og til at síggja glaðar gestir, sigur Pætur Trónd Thomsen. Hotel Føroyar við serligum átaki Hotel Føroyar fer eisini at gera nógv burturúr ólavsøkuni í ár, og har verður opið eins og vanligt. Van­lig­ vís plagar har at vera buffet, men so­leiðis verður ikki í ár. – Her verður ein ólavsøku-mat­ skrá við fýra rættum, og so verður ein barnatallerkur til børnini eisini. Vit vilja helst hava fólk at bíleggja borð á heimasíðuni frammanundan, sig­ur Ann Krista, marknaðarleiðari. – Eisini fara vit at hava eina hoppi­ borg á parkeringsplássinum utt­an fyri hotellið, sum børnini kunnu spæla í, sigur hon. Men tað serliga, sum Hotel Før­ oy­ar ger í ár, er, at tey fara at selja mat út við. – Fólk kunnu bíleggja mat frá okk­um til kalt borð. Talan er um eina matskrá við ymsum føroyskum gloypi­bitum sum eitt nú tvøst, spik, kalva­salat og skinsakjøt, fotrelur Ann Krista og leggur aftrat, at hetta skal bíleggjast í seinasta lagi tveir dagar áðr­enn. Treytin er eisini, at mann bí­ legg­ur til í minsta lagi 20 fólk. Hetta er fyrstu ferð, at Hotel Før­ oy­ar fer at royna at selja mat út við á ólavsøku. Ein orsøk til hetta er serliga støðan í ár við korona, sum hevur við sær, at ólavsøkan í ein vissan mun er flutt úr miðbýnum til grannaløgini. – Vit rokna við, at nógv fólk fara at vera heima í grannaløgunum og fara at bjóða heim. Vit eru spent uppá, hvussu hetta átakið hjá okkum fer at eydnast, sigur Ann Krista. Hotel Føroyar hevur eisini gjørt okk­urt annað fyri at taka atlit til korona­støðuna. – Í staðin fyri sjálvtøkuborð hava vit matskrá. Vanligvís brúka vit alt hølið, har øll sita í sama rúmi, men í ár býta vit hølið upp í nøkur smærri høli, so fólk ikki sita so tætt við hvønn ann­an, greiðir marknaðarleiðarin frá og leggur aftrat at tey í Hotel Før­oy­ um gleða seg til ólavsøkuna. – Vit vóna sjálvandi, at ólavsøkan í ár verður góð, sjálvt um tað verður ein nakað øðrvísi ólavsøka, sigur Ann Krista.