týsdagur 21. juli 2020síða 38

juli 38 Ólavsøkan 2020 Hóast ólavsøkan sær eitt sindur øðrvísi út í ár, fer Kringvarpið at gera nógv burturúr, og nógvar sendingar eru á skrá um alla ólavsøkuna. Ólavsøkuaftan Byrjað verður ólavsøkuaftansmorgun í útvarpinum við morgunsending allan morgunin til tíðindini koma. Øss­ur Egholm, Rannvá Fossaberg og Elin á Rógvi leggja ta sendingina til rættis. Seinnapartin ólavsøkuaftan sendir útvarpið klassikaran um, tá ið Jovina og Lýðar fóru á ólavsøku. Síðan verður ólavsøkan sett, og so er kapp­ róður á skránni.  Setan og kappróður verða send beinleiðis í útvarpinum og sjón­ varpinum. Um kvøldið taka Rúni Jákups­son, Ingi Rasmussen og Solby Christians­ dótt­ir yvir og fara at senda beinleiðis ólav­søkuaftansútvarp.   Sjónvarpið Eftir setan og kappróður, verður hildið fram í sjónvarpinum. Tá byrjar bein­leiðis sending og sent verður í tríggjar tímar. Sendingin verður send úr Degnsgarði í miðbýnum í Havn við beinleiðis samrøðum, innsløgum og tónleiki. Klokkan 19.00 verður farið á ólavsøkukabarett. Kabarettin er tikin upp frammanundan og verður send í fullum líki. Nú ólavsøka er øðrvísi enn vant, verður høvið nýtt at kava niður í savnið og finna brot úr gomlum ólavsøkusendingum, tá alt var, sum tað plagdi. Og har er fitt av stuttligum og forkunnugum tilfari. Lív Mortensen er framleiðari, Rólant Waag Dam redaktørur. Allar sendingar síggjast og hoyrast sjálvandi í netvarpinum eisini. Ólavsøkudag Leisturin verður tann sami ólav­søku­ dag. Byrjað verður um morgun­in við barnaútvarpi, og nakað fyri klokkan ellivu verður sent beinleiðis frá  gudstænastu úr Dóm­kirkjuni, kór­sangi á Vaglinum og ting­setan­ ini.  Hetta verður sent bæði í út­ varpinum og sjónvarpinum. Í útvarpinum syrgir Gunnar Nolsøe fyri góðum ólavsøkuhýri sein­ na­partin, til farið verður til bein­leið­is frásøgn frá fótbólti. Um kvøldið fara Finnur Koba, Jákup Dahl og onnur at undirhalda lurt­arar, bæði úti og heima við al­ skyns ólavsøkutilfari. Ólavsøkukvøld verður sent bein­ leiðis í sjónvarpinum frá kl. 20 til 22, og leisturin er tann sami, sum kvøldið fyri. Eftir tað verður kabarettin endur­ sent, og føroyskur dansur er eisini á skránni. Á midnátt verður sendur ólavs­ søku­felagssangur, bæði í útvarpi og sjón­varpi, og ólavsøkan endar við, at farið verður upp á gólv við Orminum Langa. ÓLAVSØKA 2020 Í KRINGVARPINUM