hósdagur 23. juli 2020síða 20

FRÍGGJADAGUR 24. JULI 2020 SOSIALURIN 58 20 TRÓNDUR ARGE – VIÐ DJÚPUMÝRU, KLAKSVÍK T að eru tekin um, at dyst­urin í Klaksvík kann blíva meiri spenn­andi enn stiga­ talvan sigur. Har er KÍ á fjórða plássi og í harðari kapping um FM-heitið, meðan AB liggur undir niðurflytingarstrikuni við fýra stigum. KÍ-liðið er skert. Liðskiparin, Jákup B. Andreasen, og Deni Pavlovic sita uttanfyri við leikbanni. Ísak Simonsen hevur vødda­skaða og er ikki við, meðan Ole Erik Midtskogen er á bonkinum. Norski áleyparin hevur somuleiðis trupulleikar við vøddaskaða. Dávid Langgaard er á vinstra bakki, Steinbjørn Olsen er á miðju­ni, Boris Dosljak er á høgra miðvøllinum og Jonn Johanne­ sen er í álopinum. Allir spælarar, sum stríðast við at vinna sær fast pláss á liðnum. Tá sær lutfalsliga betri út hjá argjamonnum, sum bara eru uttan Filip í Liða og Hans Jákup An­finnsson. Adeshina Lawal verður frávaldur í álopinum, fyri at hava ein meiri rennisterkan álops­part við Bjarka Nielsen mitt fyri. Tað er tó bara tríggjar minutt­ir gamal, tá KÍ fær hol á og brestur ein part av spenn­ inginum. Odmar Færø legg­ur innfyri úr høgru, og har stendur Jonn Johannesen millum tveir argjamenn og stútar bóltin í tóma málið. Lekur í verjuni hjá AB Tað sæst á málúrtøkuni, at argja­menn hava tað trupult í verju­partinum. Hesa ferð kemur Bjarti V. Mørk út úr málinum, men røkkur ikki innlegginum, meðan Sørin Samuelsen ikki fylgir KÍ-áleyparanum, tá hann fer eftir innlegginum, sum kem­ ur úr minst 40 metrum. Tað er afturgangandi fyri avrikini hjá AB, at verjuparturin haltar. Tað kom greitt til sjóndar í Klaksvík mikukvøldið. Tá klokkan vísir 27 minuttir sendi Eli S. Christiansson beint í føturnar á KÍ miðvøllinum, sum takkar fyri og sendir Páll A. Klett­skarð avstað. Hann roynir seg við skoti, sum Bjarti V. Mørk hálv­bjargar. Fyrstur á returin er Boris Dosljak, sum úr trimum metrum kann senda bóltin í málið. Hóast AB fram til tá hevur verið við í dystinum og trýst KÍ- liðið í støðum, so er ongin spenn­ ingur eftir, tí argjamenn megna ikki at verja málið. Sigurin ongantíð í vanda Tá KÍ skoraði til 2-0 vistu øll, at hesin dysturin var avgjørdur. AB hevur bara skorað átta mál í alt ár, men KÍ hevur lat­ið lutfalsliga nógv mál inn. Heili 17 mál í 13 dystum. Tað ljóðar ikki av nógvum, men kapp­ing­ ar­neytarnir úr NSÍ og HB hava latið seks og tíggju mál inni. AB gjørdi eina roynd. Teir komu við høgum trýsti og nakrar ferðir vunnu teir bóltin framma­liga á vøllinum, men tað verður ikki umsett til mál. Kristian Joensen skuldi bara eina ferð til arbeiðis, tá Dánjal Regins­son royndi seg við skoti. KÍ-málverjin, sum hevur havt eitt óheppið kappingarár, var aftur óheppin og misti bóltin. Tí­betur fyri hann, so var Bartal Peter­sen rangstaddur, tá hann sendi returin í málið. KÍ hevur í viku­ni fingið nýggjan málverja úr Póllandi, sum eitur Lukasz Jarosinski. Argjamenn skiftu eisini fram­ rætta út og sendu bæði Ade­ shina Lawal og Tóka á Lofti á vøllin, men tað bleiv við løtum av góðum spæli uttan at hótta. -Vit lata býtt mál ímóti okkum og tað er tað grundleggjandi, sum feilar. Vit mugu bara reisa okkum og tað haldi eg vit gera í hesum dystinum. Vit royna í hvørt­fall, sigur Rógvi Poulsen, sum spældi allan dystin á mið­ vølli­num hjá AB. Hann leggur afturat: - Eg haldi vit leggja eitt gott trýst á KÍ, men teir spæla trygt. Teir spæla nakrar langar bóltar, sum teir hava eisini hava góðar spælarar til, og kom sjáldan í óbalansu. Tað er torført at spæla ímóti, sigur miðvallarin. Rógvi Poulsen sigur at enda, at teir ikki eru nøgdir við at hava tapt í Klaksvík, men fegnast um at liðið kann taka nakað við frá hesum dystinum til ólav­søku­ dystin móti ÍF. Vit slappa ov nógv av Jóannes Bjartalíð var liðskipari hjá KÍ, tí Jákup B. Andreasen hevði leikbann. Hann var fegin um sigurin, men heldur at av­ rikið kundi verið betri. -Hetta eru trý stig, men eg haldi ikki vit spæla upp til okkara besta í dag. Dysturin blívur og opin og argjamenn vin­na og nógv bóltar, men nú eru vit á rættari kós aftur og tað er deiligt, sigur klaksvíkingurin og leggur afturat. -Tað er deiligt at fáa mál tíð­ liga í dystinum. So kanst tú slappa meiri av, men eg haldi at vit slappa kanska for nógv av í dag. Tað er ein afturgangandi trupul­leiki, at vit fella ov nógv eftir at vit hava skorað. Tað mugu vit arbeiða við, sigur Jóan­nes Bjartalíð, ið eisini hevur rós at bera mótstøðuliðnum. -Vit mugu eisini taka hattin av fyri AB. Teir kempa alt teir kunnu í dag, spæla ein góðan dyst og gera tað torført fyri okk­ um, sigur liðskiparin hjá KÍ til hendan dystin. Hann leggur afturat, at tað er gleðiligt at einki mál fór ígjøgn­ um, tí KÍ skal spæla í Champions League í næstum og tá verður brúk fyri øllum kreftum í verju­ partinum. TRONDUR@SOSIALURIN.FO Betri deildin menn: Argjamenn komu til Klaksvíkar fyri at bjóða av, men longu aftaná tríggjar minuttir sást hví KÍ er í toppinum og AB undir niðurflytingarstrikuni. Heimaliðið fekk eisini roynt fleiri spælarar, sum vanliga sita á bonkinum Fótbóltur Dysturin hesa vikuna... RÓGVI IÐRAR SEG UM MÁLINI -Vit lata býtt mál ímóti okkum og tað er tað grundleggjandi, sum feilar. Vit mugu bara reisa okkum og tað haldi eg vit gera í hesum dystinum. Vit royna í hvørtfall. Eg haldi vit leggja eitt gott trýst á KÍ, men teir spæla trygt. Teir spæla nakrar langar bóltar, sum teir hava eisini hava góðar spælarar til, og kom sjáldan í óbalansu. Tað er torført at spæla ímóti, sigur miðvallarin. KÍ-AB 2-0: JONN OG BORIS TÓKU JONN OG BORIS TÓKU SPENNINGIN SPENNINGIN ÚR ÚR SUMMARFÓTBÓLTINUM SUMMARFÓTBÓLTINUM